ဒီနေ့ဟာ ကြာသပတေးနေ့ ။
သူများတွေအတွက်တော့ အပတ်စဉ်ပိတ်ရက်ကိုနီးလာတာမို့ ပျော်စရာကောင်းနေနိုင်ပေမဲ့ ဟီဆွန်းအတွက်တော့ စနေနေ့ ရောက်မှာကို ကြောက်နေမိသည် ။ တစ်ရက်ထက် တစ်ရက် အချိန်စက်ဝိုင်းတွေက နှစ်ဆတိုးပြီး လည်ပတ်နေသလိုမျိုး ၂၄ နာရီဆိုတဲ့အချိန်ဟာ ခဏလေးအတွင်း ကုန်ဆုံးသွားသလို ခံစားနေရသည် ။
" ကျွန်တော် ဒီနေ့ သောက်ချင်တယ် "
ဟီဆွန်း ဘာမှပြန်မဖြေရဲ ။ ဂျယ်ယွန်းက အသက်ပြည့်ပြီးသား လူငယ်လူရွယ်တစ်ယောက်ဆိုပေမဲ့ သူ့မျက်လုံးထဲမှာတော့ အိပ်ရာဝင်ပုံပြင်ဖတ်ပြတဲ့ကလေးတစ်ယောက်လိုမြင်နေဆဲ ။
" ခင်ဗျား မလိုက်ရင် ကျွန်တော်တစ်ယောက်တည်း သွားမှာပေါ့ "
" အာ .. အဲ့လိုတော့ မရဘူးလေ ဂျယ်ယွန်း "
ဒီကောင်လေး တစ်ယောက်တည်း မူးနေတာထက် ကိုယ့်ရှေ့တည့်တည့်မှာ သောက်ချင်သလောက်သောက်တာက ပိုစိတ်ချရပါသည် ။ ဂျယ်ယွန်းသာ တစ်ခုခုဖြစ်သွားရင် ဟီဆွန်း ဘယ်သူ့မျက်နှာမှ ထောက်နိုင်မှာမဟုတ်ပေ ။ အဲ့အစား သူကိုယ်တိုင်နောက်က လိုက်ပြီး စောင့်ပေးတာက ပိုကောင်းမည်ထင်ပါသည် ။ နောက်ပြီး ရှင်းမ်ဂျယ်ယွန်းဆိုတဲ့ ငဂျစ်ကလေးရဲ့ စကားတိုင်း တစ်ခွန်းဆို တစ်ခွန်းပဲ ၊ ဟီဆွန်း ငြင်းနိုင်စွမ်းလည်းမရှိခဲ့ပါချေ ။
🖤🖤
ညနေစောင်းပင်ရှိသေးသော်လည်း ကလပ်အတွင်းသို့ဝင်လိုက်သည်နှင့် ပိန်းပိတ်အောင် မှောင်မဲသွားပြီး ခေါင်းမူးစေလောက်အောင် ရွေ့လျားနေသော မီးရောင်စုံတွေက ကြိုဆိုသည် ။
လျှောက်လမ်းတစ်လျှောက်လုံး လူပြတ်တယ်ရယ်လို့မရှိဘဲ စုံတွဲတချို့က နံရံရဲ့ ထောင့်တစ်နေရာစီတွင် နေရာပြည့်ယူထားသည် ။ ဂျယ်ယွန်း ဘာကိုမှ ပြတ်ပြတ်သားသားမမြင်ရလို့ မူးနောက်သွားပြီး ဒီနေရာကို လာမိတာ မှားပြီလား ဆိုတဲ့ အတွေးတချို့သာ ခေါင်းထဲရောက်လာသည် ။
အားလုံးက သူတို့နဲ့ မတိမ်းမယိမ်းအရွယ်လေးတွေချည်းသာ ၊ သဲသဲကွဲကွဲမမြင်ရသော်လည်း သူနဲ့ အီဟီဆွန်းအနားသို့ အသားကပ်ဂါဝန်ဝတ်ထားခဲ့ မိန်းကလေးတချို့ ရစ်သီရစ်သီ လာလုပ်နေသလိုပင် ။
YOU ARE READING
Daffodils never lie
Fanfiction희젴훈 Genre - Triangle , Youth love , Friend zone Protagonists preview - College students "It's just you and I, and no other guys We got no interruptions and we both feelin' the vibe Say I'm not your type But I know what's on your mind We can talk a...
