၇ နှစ်ခန့်ကြာပြီးနောက် ။
ဟီဆွန်း ဒီနေ့ စိတ်လှုပ်ရှားနေသည် ။ အချိန်တစ်ခုကြာပြီးမှ နှလုံးသားနှင့်ရင်းပြီး ချစ်တဲ့အကြောင်းတွေကို ဖွင့်ပြောရမယ့်နေ့မို့လားတော့မသိပါ ။ ဒုတိယအကြိမ်မြောက် ။ ဟုတ်ပါရဲ့ .. ဟီဆွန်းအတွက် ဒီတစ်ခါက ဒုတိယအကြိမ်မြောက်ပါ ။ ခံစားချက်က ထူးဆန်းနေသည် ။ နောက်တစ်ကြိမ်များ စွန့်ပစ်ခံရဦးမလား ဆိုတဲ့ကြောက်စိတ်လည်းရှိနေတုန်းပင် ။
နှလုံးသားရဲ့ တည်နေရာအောက်ခြေမှာ ချည်မိတဲ့ သံယောဇဉ်ကြိုးလေးဟာ ဘယ်တော့မှ မရှိနိုင်တော့ဘူးလို့ ထင်ထားခဲ့တဲ့ ဒုတိယအကြိမ်မြောက်ကို ဖြစ်လာစေခဲ့ပြီပဲ ။ ၇ နှစ်ဆိုတဲ့အချိန်က ပြန်တွေးကြည့်ရင်တော့ခဏလေးပါ ။ သို့သော် ဟီဆွန်းအတွက်တော့ အရွယ်တစ်ခုကိုရောက်လာတဲ့အချိန်မှ အချစ်အတွက် နောက်တစ်ကြိမ် ထပ်ကြိုးစားဖို့ဆိုတာ စိန်ခေါ်မှုတစ်ခုလို ။
" သွားမယ်လေ အစ်ကို "
" အင်း .. ဟုတ်သား ။ မင်းရောက်လာပြီလား "
လူတစ်ယောက်လုံး သူ့ရှေ့မှာတွေ့တာတောင် ဟီဆွန်း အဓိပ္ပါယ်မရှိတာတွေ မေးနေမိသည် ။ ထိုအခါ ကောင်လေးက သူပုံစံလေးအတိုင်း ရှက်ပြုံးတစ်ခုပြုံးပြသည် ။ ဘေးမှာ ရှိလာတာ တစ်နှစ် ၊ နှစ်နှစ်လည်းမဟုတ်တော့တာမို့ သူ့ရဲ့ ချစ်စရာကောင်းတဲ့ အပြုအမူလေးတွေကို ဟီဆွန်း အလွတ်ရနေပြီ ။
ဒီနေ့တော့ လျှောက်နေကြ လမ်းမထက်မှာ ပန်းပွင့်တွေဝေနေသည် ။ ကောင်လေးရဲ့ အိမ်က ပန်းပင်လှလှတွေရှိတဲ့ ရပ်ကွက်လေးမှာရှိသည်လေ ။ နေ့တိုင်း ကျောင်းပြန်ချိန်တွေကို လိုက်ပို့ပေးခဲ့တဲ့ အမှတ်တရတွေက ခေါင်းထဲတွင်အစီအရီ ။ သူ့ဘေးတွင် ကောင်လေးက ခေါင်းငုံ့လျက် ခြေလှမ်းစိပ်စိပ်လှမ်းပါသည် ။
" အစ်ကို မင်းကို ပြောစရာရှိတယ် "
" ဟုတ်ပြောလေ အစ်ကို "
ချယ်ရီတွေပွင့်တဲ့လကိုရောက်လာပြီမို့ လွန်ခဲ့တဲ့ ၇ နှစ်က ဒီဥတုမှာပဲ အသည်းကွဲခဲ့ဖူးတဲ့ အကြောင်းကို ပြန်သတိရမိတော့ ကောင်လေးဘေးက အတူတူ ယှဉ်ပြီးဆက်လျှောက်ဖို့တွေဝေနေမိသည် ။
BINABASA MO ANG
Daffodils never lie
Fanfiction희젴훈 Genre - Triangle , Youth love , Friend zone Protagonists preview - College students "It's just you and I, and no other guys We got no interruptions and we both feelin' the vibe Say I'm not your type But I know what's on your mind We can talk a...
