Clash of Clans

#LetTheLoveBegin

Ken.

Sobra na sa one week na hindi ko sya pinapansin. Kasi naman tong kainis kong feeling na to eh. Hindi naman sa naiinis akong naiinlove ako kay Ice. Pero naman kasi, paano kung hindi pang more than friends ang feelings nya sakin. Tapos pag nag-confess ako, edi mao-awkward sya sakin tapos edi lalong lalayuan nya ako! Naman--

"Ken, one fourth nga." Sabi ni Ice pero hindi ko sya pinansin, "Hoy, Ken." Di ko parin pinansin, "Hoy."

Umiwas na sya ng tingin sakin, sigurado nainis na yan. Binigay ko sa kanya yung one fourth ko. Isa nalang to eh pero okay lang yun, sa kanya naman napunta. Hihingi nalang ako sa iba.

"Thanks." Sabi nya. Di ko parin pinansin. Kahit gusto ko na. Miss ko na sya eh. Tong kaartehan ko kasi eh. Tsk.

Nagsimula na si Maam sa pagsabi ng mga questions sa quiz, pero wala naman akong masagot.

Nagulat ako nang biglang hablutin ni Ice ang papel ko. Tsk. Wala rin namang laman yun eh.

"Gil! Billiones! Detention, now!" Sigaw ni Maam. Anyare kay Ice, usually magaling syang mangopya nang hindi nahuhuli ni maam eh.

Lumabas na kami ng classroom at nauna akong maglakad. Syempre, iniiwasan ko nga sya diba? Naloloka kasi puso ko pagmagkasama kami eh. Peste.

"Ano ba?!" Sigaw ko nang pigilan nya ako. Syempre galit galitan ang peg ko. "Ano bang kailangan mo sakin?! Pinade--" napatahimik ako nang hawakan nya ang kamay ko.

Eto na naman tong puso ko, magwawala na naman oh. Manahimik ka nga baka marinig ka nya!

Nakarating kami sa third floor. Aba! Himala! Nakayang pumunta ni Ice dito! Takot na takot kasi sya sa lugar na to ng school eh. Mukhang seryoso sya ngayon ah. Tumigil kami tapos hinarap nya ako.

Mukhang galit sya ah. Dalawang beses ko lang sya nakitang ganito kagalit. Yung una nung naghiwalay mga magulang nya tapos eto yung ngayon.

"Bakit di mo ba ako pinapansin?! Bakit mo ba ako iniiwasan?! May nagawa ba akong mali?! Ano?! Magsalita ka naman oh! Alam mo, nagagalit ako sayo!" Sigaw nya sakin. Galit rin naman ako sa sarili ko eh. Di pa sya nakuntento, sumigaw pa sya ulet.

"Galit na galit ako sayo kasi ilang araw mo akong iniiwasan nang hindi ko man lang alam kung ano yung problema mo sakin! Galit ako sayo kasi parang nababaliw ako kapag wala ka! Feeling ko kulang ang bawat araw ko nang wala ka! Parang ayaw ko nang magising sa umaga kasi alam ko na hindi mo rin naman ako papansinin! Ewan ko Ken, pero tingin ko mahal na yata kita! Ewan ko kung paano at bakit, pero mahal yata kit---"

Di ko sya pinatapos, hinawakan ko ang mga kamay nya.

"Mahal mo ako?" Tanong ko sa kanya. Fxck shxt tong puso ko, parang sasabog na.

"Ewan ko. Siguro." Sagot nya nang hindi nakatingin sakin. Hindi yun yung gusto kong sagot pero pwede narin. At least diba?

"Kasi, Ice.." takte kinakabahan ako, "Kasiakorinmahalyatakitaeh." Mabilis na sabi ko.

"Ano?" Tanong nya. Nakatingin na sya ngayon sakin. Kainis. Mas lalong nagwala ang puso ko.

"Tingin ko kasi mahal na rin kita." Dahan dahan kong sabi nang hindi nakatingin sa kanya.

Nagulat ako nang tumawa sya bigla. Nagtataka naman akong napatingin sa kanya.

Ano namang nakakatawa? Tsk tsk.

"Bakit?" Tanong ko. "Anong nakakatawa?"

Tumigil muna sya sa kakatawa bago nagsalita, "Mukha kasi tayong tanga."

Ano daw? Bakit naman nya nasabi yan? Bakit kami nagmukhang tanga?

"Sa hinaba haba ng mga taon na magkasama tayo, ngayon pa tayo nagkahiyaan." Sabi nya. Oo nga noh.