ඇයි එහෙම වුනේ? මේ තරම් කාලයක් මාව ආදරෙන් හදලා....මං ආදරේ කරන කෙනා කොල්ලෙක් වුන පලියට මාව පවුලෙන් අයින් කරාද? මගේ අයියලා....ඇයි මෙහෙම වුනේ? මේක ඒ තරමට වැරැද්දක්ද? යශ් අයියගේ ගෙදර අපි දෙන්නගේ කාමරේ ඇඳේ සුදු පාට ඇඳ ඇතිරිලි මැද්දේ ඉඳන් මං ඔහේ කල්පනාවක ගිලිලා හිටියා. බලාපොරොත්තු නැති විදියට මාව හැඩිදැඩි අත් දෙකක් මැද්දේ හිරවෙලා යනකොට මට ඉබේම හිනාවක් ආවා.
"සුදු මැණීක....." මං මගේ කම්මුල අයියගේ මූනේ ඇතිල්ලුවා.
"මොනාද කල්පනා කරන්නේ ඔච්චර" එයා හරි බයයි මං කල්පනා කරනවට. යකෙක් වගේ හිටියට මූ මහ පොඩි එකෙක්. කොයිවෙලෙත් මගේ අස්සේ රිංගගෙන ඉඹින එක තමා එයාගේ ලොකුම සතුට. මට තේරෙනවා එයා මං ලඟදි එයාව නිදහස් කරනවා. එයා හොයන ආදරේ....මගේ අස්සේ හොයනකොට මට පුදුමත් හිතෙනවා මාව බලාගත්තේ මෙයාමද කියලා? මං මගේ බිඳුන දකුණු අත වම් අතින් අල්ලගෙන අතගෑවා.
"බෙහෙත් දාමු නේද සුදූ....ම්ම්....ශර්ට් එක ගලවන්නකෝ" යශ් අයියා මාව පරෙස්සමට හාන්සි කරවන ගමන් කිව්වා. මගේ මූණ වෙනස් වුනේ ඒකෙ වේදනාව ඒ තරම්ම මං දන්න නිසා. මං කවදාවත් හිතුවේ නෑ අපි තුවාල වලට බෙහෙත් දානකොට මේ තරම් රිදෙනවා කියලා.
"මොකෝ සුදූ මූණ ඇඹුල් වුනේ. ඒවා හරියන්නෑ....කෝ ඕක ගලවන්න." අයියා සර්ජිකල් ස්පිරිට් බොට්ල් එක අතට අරන් ගෝස් කෑල්ලක් පෙඟෙව්වා.
"අනේ....එපා......රිදෙනවා අප්පා ඕක...."
"කෝ ඉතින්...කියන දේ අහන්න චුට්ටෝ. ඕවට බෙහෙත් නොදා කොහොමද සනීප වෙන්නේ? ඉක්මන් කරන්න." යශ් අයියා මගේ ඔලුව අතගාලා කිව්වා.
"අනේ අයියේ....අදට එපා....හාද...ප්ලීස්....." මං උවමනාවෙන්ම කඳුලු පුරවන් එයා දිහා බැලුවා.
"ඔයාගේ අයියලා එක්ක කරපු හුරතල් මං එක්ක ට්රයි කරන්නෙපා මැණික. ඔන්න ඕක ගලෝපන්. දන්නවනේ මගේ හැටි......" අයියා හිනාවෙවී මට එහෙම කිව්වාම මං ශර්ට් එක අයින් කරලා අහක බලාගෙන හිටියා.
"ස්ස්ස්...ආයිශ්හ්...." අහක බලාගෙන හිටියත් ඉබේම මගේ අත් දෙකෙන්ම මං එයාගේ අත අල්ලගත්තේ රිදෙන නිසා. යශ් අයියා මං දිහා බලලා හිනා වුනා.
CZYTASZ
Drizzle
General Fictionරළු දෙඅත'තර ගැවසෙමී නුඹෙ ආලේ තරමත් දන්නෙමී මුදු වදන් දෙන්නෙමී නුඹ අහිංසක බව දන්නෙමී _කොල පාට ඇස්_ තුරුල්ලේ සඟවමී නුඹව කාටත් නොමදෙමී රැකගමී තුටු කරනෙමී නුඹ මගෙම බව සපථ කරනෙමී _රත්තරන් ඇ...
