මමයි යශුයි සාකේත අයියයි එයාගේ කාමරේ ඉඳන් කතා කර කර හිටියා. යශුයි සාකේත අයියයි ඒ දෙන්නගේ ඉස්කෝලේ කාලේ ගැන කිව්වේ මාව හුස්ම ගන්න බැරි තරමට හිනස්සන ගමන්.
"....ඒ පාර මූ එක පාරට නැගිටලා කිව්වා....."
ටොක් ටොක් ටොක්....
"මල්ලී මේ තේ ටික ගන්න" දොරට එලියෙන් ගැහැණු කෙනෙක්ගේ කටහඬක් ඇහෙනකොට සාකේත අයියා ඇඳෙන් පැනලා දිව්වා.
"අක්කාආආආආආආආ!!!!!!"
"අනේ අම්මේ.....උඹේ අතපය බලාගෙන...." ට්‍රේ එක අතේ තියාගෙනම ඇතුලට ආවේ සාකේත අයියගේ අක්කා කියලා මං අඳුරගත්තේ ඒ දෙන්නගෙම මූණුවර එක වගේ නිසා වගේම සාකේත අයියා කතා කරපු විදිය නිසා. බඩත් අල්ලගෙන ට්‍රේ එක එක අතකින් උස්සන් ඉන්න අක්කා ගාවට ගිහින් මං ට්‍රේ එක අරගත්තාම අක්කා ඇඳෙන් වාඩි වුනා.
"යොශේන් මල්ලී....ගොඩක් කාලෙකින් ඔයාව දැක්කේ."
"එන්න බැරි වුනා නේ අක්කේ....."
"අනේ මට අපේ එකා කිව්වා මල්ලී ඇක්සිඩන්ට් වුනා කියලා. අපේ අම්මත් භාරයක් වුනා මල්ලි පන්සලට. යන්න කලින්....ඒකත් ඔප්පු කරලා යන්න හොඳද...." අක්කා යොශේන්ගේ ඔලුව අතගානකොට මට හිතුනේ සාකේත අයියගේ පවුලේ අය යශ්ට තියන සෙනෙහස හරි ලස්සනයි කියලා.
"අක්කේහ්හ්....ඇයි එහෙම....? ඇයි මං වෙනුවෙන්....?"
"ඔයා ඉතින් අපේ පවුලෙම පුතෙක්නේ මල්ලී.....ඒක නෙමේ කවුද මේ චූටි එක්කෙනා.?" අක්කා යශ්ගෙන් මාව පෙන්නලා ඇහුවා.
"මේ අපේ යාලුවෙක් අක්කේ. මෙයා තමා යශ්ට බෙහෙත් කරේ ඇක්සිඩන්ට් එක වෙලේ. අපේ කෑම්ප් එක එහාපැත්තේ හොස්පිට්ල් එකේ සර්ජන්." සාකේත අයියා මාව අක්කට අඳුන්නලා දුන්නා.
"අනේ එහෙමද....මං හිතුවේ පිටරටක කොල්ලෙක් කියලා. ලස්සන බලන්නකෝ එයාගේ."
"ආ..ආ.. මේ......තෞසේ කසාදත් බැඳලා ලමයෙකුත් හම්බෙන්න නේද ඉන්නේ. තවමත් ලස්සන කොල්ලොන්ට පැණි හලනවද...? ලැජ්ජයි ඕයී....." සාකේත අයියා නාට්‍යානුසාරයෙන් කියාගෙන කියාගෙන ගියා.
"අනේ යනවා මල්ලී. ඔයා ඇත්තටම ගොඩක් ලස්සනයි මල්ලියෝ. ගෑණු ලමයෙක්වත් දැකලා නෑ මං මේ තරම් ලස්සන" මං ලැජ්ජාවෙන් රත් වෙලා ගියා. හයියෝ ආපු වෙලේ ඉඳන් මං කිච වෙන එකමයි වැඩේ.
YOU ARE READING
Drizzle
General Fictionරළු දෙඅත'තර ගැවසෙමී නුඹෙ ආලේ තරමත් දන්නෙමී මුදු වදන් දෙන්නෙමී නුඹ අහිංසක බව දන්නෙමී _කොල පාට ඇස්_ තුරුල්ලේ සඟවමී නුඹව කාටත් නොමදෙමී රැකගමී තුටු කරනෙමී නුඹ මගෙම බව සපථ කරනෙමී _රත්තරන් ඇ...
