Drizzle

drizzle 5

මං ඩියෝන් එක්ක රූම් එකට ගිහින් වොශ් එකක් දාගෙන එයා වොශ් කරනකන් ඇඳේ හාන්සි වෙලා හිටියා. කෝකටත් එලාර්ම් එකක් තිබ්බේ නින්ද යයි කියලා. ආයේ යන්නෝනේ දැන්. රිදෙන නලල දෙපැත්තේ ඇක්ස් ඔයිල් ටිකක් ගාගෙන කොට්ටෙන් ඔලුව තියාගත්තා විතරයි මට මතක. 

"බිනූ.....ඇහැරෙන්න....මේ තේක බීලා ඉන්න. සුදූ....නැගිටින්න ඉතින්." ඩියෝන් මගේ නලලට වැටෙන කොණ්ඩේ අයින් කරන ගමන් මට කතා කරන සද්දෙට මට ඇහැරුනා. මං ඇස් අරින්නෙවත් නැතුව එහෙම්මම එයාගෙ ඔඩොක්කුවෙන් ඔලුව තියාගත්තා. ඩියෝනුත් මට ඕනේ දේ තේරුම් අරගෙන තේ කෝප්පේ සයිඩ් කබඩ් එක උඩින් තියලා මගෙ ඔලුව අතගාන්න ගත්තා. 

"අහ් උඹ දැක්කා නේ අර කොල්ලව?"

"කවුද?"

"අර බ්‍රිගේඩියර් බං...."

"ආ....හ්ම්ම්...එයා හැන්ඩ්සම් නේ..." මං ඇස් පියාගෙනම මිමිණුවා. මට ඒ ගින්දරක තියන කහ පාටට හුරු ඇස් දෙක මැවිලා පෙනුනා. මට කම්මුල් දෙපැත්ත අසාමාන්‍ය විදියට සීතල වෙනවා දැනුනා. 

"ම්ම්ම්....හැන්ඩ්සම් තමා. මෙන්න මේ තේක බීපන්. උඹට ගෑස් වැඩිවෙයි නැත්තන්. ඊයේ ඉඳන් මොකවත් කාලා නෑ. වැඩ කරන්න ගියාම මෙලෝ සිහියක් නෑ. බීපිය මේක." ඩියෝන් මගේ කම්මුලකට තට්ටු කරලා කිව්වා. 

.............................................................................

මං ඩියෝන් දීපු තේ එක බීලා ආයේ වෝඩ් එකට ආවා. ආහ්....අද දිග දවසක්. වහින්න වගේ තියන අළු පාට අහස අඳුරකුත් නොවන එලියකුත් නොවන ලස්සන පාටකින් වටපිටාව පාට කරලා. මට හිතුනේ මගේ සුදු පාට ස්වෙටර් එක අළු පාට අහසත් එක්ක ගැලපෙනවා කියලා. මගේ විකාර හිතුවිලි වලට තනියෙන් හිනාවෙන ගමන් පොද වැස්සක් මැද්දේ මං ඉක්මනට අඩිය තියලා වෝඩ් එකට ඇතුල් වුනා. මං යනකොට ජෙරම් අයියත් වෝඩ් එකේ. ඉන්ටර්න් නංගිලා දෙන්නා සිස්ටර් එක්ක ඩොකියුමන්ටේශන්ස් වගයක් කරනවා. මං ස්වෙටර් එක ගලවලා තියලා ස්ටෙතස්කෝප් එක අතට අරගෙන වෝඩ් රවුන්ඩ් එකකට රෙඩි වුනා. 

මොනවා වුනත් ආමි එකේ අය එක්ක වැඩ කරන්න හරිම ලේසියි. වෝඩ් එක පිරෙන්න කට්ටිය හිටියා වුනත් ඒ හැමෝම මාර ප'ලයිට් වගේම ෆ්ලෙක්සිබල් කියලා මට හිතුනා. මං අන්තිම ඇඳ ලඟ නැවතුනා. එයාගේ සේලයින් එක ඉවර වෙලා කැනියුලා එක දිගේ උඩට රතු පාටට ලේ චුට්ටක් තියනවා මට පෙනුනා. නර්ස් කෙනෙක් ගෙනත් දීපු සේලයින් එක මංම දාන්නම් කියලා නර්ස්ව හරවලා යැව්වා මම. එයාට ඇහැරෙන්නේ නැති වෙන්න හෙමීට සේලයින් එක මාරු කරලා අලුත් එක කැනියුලා එකට දාන්න යනකොට ඒ ඇස් හෙමීට ඇරෙනවා මං දැක්කා.