මං අපේ සාලේ බිත්තියක පේලියට එල්ලලා තිබුන ෆොටෝ බල බල හිටියා. මුලින්ම තිබුනේ චූටි අයියගේ වෙඩින් එක දවසේ ගත්ත ෆොටෝ එක. අපි 4 දෙනාම එකම විදියට ඇඳලා හිටියා. අපි 4 දෙනා එක එක විදියට පිස්සු නටන ෆොටෝ සිය ගානක් වදින්න ඇති. ඒ හැම එකකටම මං පුදුම විදියට ආදරේ කරා.
දෙවනියට තිබුනේ මගෙයි යශ්ගෙයි වෙඩින් ෆොටෝ එක. මල් සැරසිල්ලක් තිබුන රාමුවක් මැද්දේ එංගලන්තේ නිව් ජර්සී වල පාර්ක් සැවෝයි ගාර්ඩ්න්ස් වල ලස්සනම දවසක් ඒ දවස.
තුන්වෙනියට මං ලැබ්කෝට් එකයි ස්ටෙතස්කෝප් එකයි දාගෙන, යශ් එයාගේ යුනිෆෝම් එක ඇඳලා ඉන්න ෆොටෝ එකක්. ඒකේ යශ් මගේ කරට අත දාගෙන හිනාවෙවී ඉන්නවා.
ඒ ෆොටෝ එකට එහා පැත්තෙන් චූටිගේ වෙඩින් එක දවසේ මගේ ඇඳුමම බේජ් කලර් එකෙන් ඇඳලා ඉඳපු යශ් මාව පිටිපස්සෙන් බදාගෙන ඉනෙන් අල්ලගෙන ඉන්න ෆොටෝ එක තිබුනා. මට ඕනේ වුනා එදාම මගෙයි යශ්ගෙයි පලවෙනි ඔෆීශියල් ෆොටෝ එක ඒ විදියට ගන්න. ලොකූට ඕනෙ වුනා එයාටත් අපේ ඇඳුමම වෙන පාටකින් අන්දන්න. යශුත් දැන් එයාගේ මල්ලියෙක්ලුනේ.
ඊට එහා පැත්තේ අම්මයි තාත්තයි අපි 4 දෙනා වටකරන් ඉන්න ෆොටෝ එක. ආඩම්බරකම ඉහවහා යන හිනාවල් එක්ක මගේ පවුල ඒකේ මං දිහා බලන් හිටියා.
ඊටත් එහා පැත්තේ ලොකූම ලොකු වෙච්ච අපේ පවුල. වමේ ඉඳන් ලොකූයි විහාශි අක්කයි එයාලා දෙන්නගේ පුතාලා දෙන්නයි. ඊටපස්සේ චූටි අයියා නෙතූ අක්කගේ කරට අතදාගෙන. ඊටපස්සේ තාත්තා අම්මගේ අතින් අල්ලගෙන පුටු දෙකක වාඩි වෙලා. ඊටත්පස්සේ පොඩි අයියා සෙරුශි අක්කායි එයාගේ ට්වීන් පැටවු දෙන්නා එක්ක. අන්තිමටම අම්මගෙයි තාත්තගෙයි ගාව බිම ඉඳගෙන මං යශ්ගේ තුරුල්ලේ.
ඒකට එහා පැත්තේ අපි 5 දෙනාගේ ෆොටෝ එක. ඩියෝන්ව බදාගෙන ඉන්න චිරාත් අයියයි මාව බදාගෙන ඉන්න යශුයි ඒ දෙන්නට පිටිපස්සෙන් ඒ දෙන්නගේ කරේ නැගලා ඉන්න සාකේත අයියයි. අපේ දෙපැත්තෙන් බයික්ස් තුන නවත්තලා තිබ්බා. ඒක ටිකක් පරණ එකක්. අපි බයික් වලින් කොහේහරි ට්‍රිප් එකක් ගිය වෙලාවක චිරාත් අයියගේ ෆෝන් එකෙන් ගත්ත එකක්.
YOU ARE READING
Drizzle
General Fictionරළු දෙඅත'තර ගැවසෙමී නුඹෙ ආලේ තරමත් දන්නෙමී මුදු වදන් දෙන්නෙමී නුඹ අහිංසක බව දන්නෙමී _කොල පාට ඇස්_ තුරුල්ලේ සඟවමී නුඹව කාටත් නොමදෙමී රැකගමී තුටු කරනෙමී නුඹ මගෙම බව සපථ කරනෙමී _රත්තරන් ඇ...
