Fatima_Al-juboory
قل للرياح تأتي كيفما شائت ، السفينه بعتها .
،،،،،،،،،،
ثلاث ايام الفاتحه واني كلبي يتكطع شلون اشوف رنس تذبل مثل الورده كدامي
واني احاول بكل جهدي ماخليهم يحسون بفراق امهم لا هيه ولا اخوانها
.................
رنس ...كعدت ع صوت صياح شفت روحي بغرفتنه نزلت شفت نسوان لابسات اسود
يبجن ويلطمن واكو ملايه جان صوته كولش حنين ويبجي كعدت بزاويه وابجي اريد امي
سمعتهن يكولن
...خطيه شوفيها تيتمت من صغرها الله يصبرها
...سمعت كلامهن بس مافهمت بس الي فهمته اني خطيه وبعد ماعندي ام
وفكرة ماعندي امي اتزيدني بلبجي اريد امي ..هيج مرت ايام الفاتحه ابجي ومااكل شي
اسر يتوسل بيه حتى اكل بس مااكل حتى زعل مني
بس جنت مااشتهي ضليت تقريبا الدوام كله ابجي
من اشوف البنات امهاتهن يجن اكوم ابجي اني هم اريد امي
بابا جان يطلع الصبح يرجع الظهر يتغده وينام ويطلع مايجي غير بالليل مايدري عنه شي
ومرت عمو شدت وياي اكثر من قبل اني واختي تخلينه نشتغل
وهيه بس تطبخ وحتى لو نشتغل لازم تضربنه
ابجي بسكوت حتى لو احجي ماحد يهتم بس من يجي اسر ارتاح واضحك
لان هوه الوحيد الي مهتم بيه يشتريلي ويقريني يكلي
اسر ...بنيتي اريدج اطلعين الاولى اريد اشوفج احسن وحدة بهاي الدنيا
...اني ابتسم وبفرح اكله ماشي
...بس طلعي الاولى واشتريلج هديه واي شي تريدي اجيبه الج
...واني اكيف احب الهدايه وجان هوه الوحيد الي يجيبلي هديه
حتى من احصل بلاملاء عشره يروح يجيبلي جبس لو نستله
وينطينياها افرح بيها واتشجع اكثر
اما بالنسبه لاخواني ف اختي رانيا بالثالث وهيه الي معتنيه باخوي جان ثاني ف هيه معتنيه بضافر
واسر معتني بيه همه متفقين لان اذا تعتني بينه ثنينه ماتكدر ف لهذا السبب اسر اتكفل بتربيتي
نجحت من الاول وطلعت
الاولى وطلعت من المدرسه ركض
جان منتظرني باب المدرسه اجينه سوه رحتله شوفته الشهاده واضحك وهوه هم يضحك
وحضني وشالني كالي عفيه بالحلوة العصر يمج هديتج تدلل بنيتي
طبعا كله يصيحلي بنيتي واني فرحانه ويا رجعنه للبيت وكال الهم ناجحه محد اهتم بس اخواني بوسوني
وفرحوا وياي اما الكبار ابد ماهتموا للعصر اجه اسر وجايب ويا دبدوب حلوو
طرت من الفرح وهوه فرحان وياي بسته بخده وكتله2
رنس...شكراً
اسر...تدلل بنيتي شعندي غيرها
رنس...ضليت العب بل دبدوب وهوه يمي يدرس لان هاي السنه سادس اعدادي ويكول اريد معدل زين
جان يكولي
اسر...بنيتي اندعيلي انتي بريئه والله يستجاب دعائج
رنس..واني ادعيله اكوله يالله عليك الله كون اسر ياخذ معدل زين
وهوه يضحك ع دعائي ويبوسني من خدودي ويعضهن ويكول
اسر...من فدوة لهل خديدات مال اكل
رنس ...هيج مرت الايام ف بيوم من الايام كاعده بلغرفه وحدي العب بالعابات مالتي
جان اسر طالع ويا اصدقائه واني فوك لان محد يقبل اطلع ف اكعد بلغرفه الفوك وانتظر اسر
انفتح الباب بس مو فتحه عاديه حيل مثل الاعصار
دخل بابا بكل عصبيه جرني من شعري وضربني راشدي وهوه يحجي
خالد ...بنت الكح*** جم مره كتلج معليج بنت عمج ليش اضربيها يعني اله اذبحج ...
أنت تقرأ
رنس والعقيد اسر
Romanceالقصه راح تكون مختلفه عن البقيه بين رنس واسر مختلفون بشكلهم وشخصياتهم بس الي راح يجمعهم العناد والغرور رنس قصتها حزينه م̷ـــِْن الطفوله وبعد ماتخلص مراحل الطفوله راح تجي صعوبات بلحب ❤️ بتاريخ 2022/5/15 ولحد الان مستمره
