راح احجيلكم شنو صار وياي من بديت اوعه ع الدنيا حتى تعيشون احداث قصتي بحذافيرها يمكن راح شوية ننحرف عن مسار قصة رنس واسر
بس ردت تعرفون قصتي اريد تكون عبرة للامهات والبنات حتى ياخذون حذرهم من بعض البشر
المهم خلي اسولفلكم عن قصة حياتي امي وابوي ممتوالمين ابد دائماً مشاكل بينهم من اول ماوعيت
وعيت ع مشاكلهم ماكول السبب بس من ابوي لا ..امي هم سبب دائماً تحجي وتشك بي تناكره
ع اي شي وابوي هم ايده والضرب ف ما متوالمين وباقين واحد يلطم الثاني
عمري ١٠ سنوات من هنا تبدي قصتي
بشهر السابع ابوي قرر يودينه لسوريا
سياحه ونزور السيده زينب (ع) اخذنه لمصور اخذلنه صور وسوالنه جواز ويا امي سوه
يعني اني واخوي واختي وامي نفس الجواز هاي هيج جان قبل تقريباً اسبوعين
ولازم نروح كعدنه بليل لمينه ملابسنه والي نحتاجهم وب3 الفجر طلعنه للحمله رحنه
لكينه السيارات واكفه بابا اتفق ويا ابو الحمله ...صعدنه بلسياره وكعدنه منا لمن انترست المنشأة حركو صاحوا
...افلح من صلاه ع محمد وال محمد.
الكل ...اللهم صل ع محمد وال محمد
نمت بلسياره لان صبح ونعسانه ماعرف شكد مر وقت وكعدت بس دنيا صبح وشمس حاره
طلعت مي شربت كعد اخوي ضلينه نلعب
بيناتنه ونحجي هم لان الكل نايم بوقتها طلعنه ع طريق كربلاء بده الكل يكعد
نزلو استراحه بمطعم دخلنه غسلنه وتريكنه وشترينه جباسه ورجعنه صعدنه مشت السياره طريق طووويل اتكسرنه ودور كولها صحررراء
ماكو اي شي بس كم مطعم صايرات مال استراحه الكل نام بقينه بس احنه كاعدين
منا لل10 بليل يله وصلنه تنفست الصعداء
من نزلت من السياره احس تكسرت اباوع ع الشوارع نظيييفه تلمع
الاضويه بكل مكان صعدنه سيارات وصلنه لفندق يصير بشارع السيده زينب (ع) جان راقي حيل دخلنه وبده ابو الحمله يوزعنه ع الغرف
دخلنه اول غرفه حلوة هيه سويت بيها غرفتين وصاله وحمام ومطبخ دخلنه لغرفه
شويه واسمعت صوت الباب باوعت دخلت
امي محجت شي دخلت للحمام حتى تسبح شويه وسمعتها صاحت
امي...ويييع هااااي شنووو
ديم...رحت ركض للباب ادكه شبيج ماما شكو
طلعت وهيه تلبس وتدردم كملت لبست
حجابها وعبايتها وطلعت شويه واجت وياها واحد دخلو للحمام رحت اباوع
الدوش ينزل مي مزنجر اسمعه يكول الها
المصلح..هذا ميصير
سليمة ...شنو ميصير شلون نسبح
المصلح ...والله مادري هذا ميصير
سليمة...ماشي ،
طلع الولد خابرت امي الرجال
سليمة...الووو ها ابو محمد عيني هذا الدوش يذب زنجار والمصلح يكول ميصير يعني شنو متعرف تنطيني غرفه زينه لو هذا حظي
أنت تقرأ
رنس والعقيد اسر
Romanceالقصه راح تكون مختلفه عن البقيه بين رنس واسر مختلفون بشكلهم وشخصياتهم بس الي راح يجمعهم العناد والغرور رنس قصتها حزينه م̷ـــِْن الطفوله وبعد ماتخلص مراحل الطفوله راح تجي صعوبات بلحب ❤️ بتاريخ 2022/5/15 ولحد الان مستمره
