مساءً معطرا بأريج القداح ينثر شذاه ع انفاس احبتي 🌹
الدكتورة سكتت ورجعت حجت بنبرة مترددة كالت يؤسفني اكلك ابنك بي فتحة بالقلب ...
اسر اختل توازنه من الصدمة صرخ ...شنوووووو؟
..مثل ما سمعت للأسف احنه هسه نسوي الي علينه والباقي يم رب العالمين
اسر ...احس جبل وكع ع راسي ظافر ورانيا نفس الشي الصدمه ملئت وجوهنه وشلت حالنا
ياربِ دخيلك ساعدني ، شسوي وين اروح شكول لرنس شحجي شلون تقنع
ثاني طفل ياربي ما أريده يروح من ادينه ياربي ساعدني ، طلعو رنس للغرفه
رحنه يمها ....
رنس ...فتحت عيوني ع ضربات راشدي خفيف
الممرضة ...حبيبتي كعدي
رنس ...اريد احجي لساني ثكيل رجعت غمضت عيوني وهم ضربتني راشدي خفيف فتحت عيوني وطلعني من الباب3
نقلوني لسديه ، دخلو اسر وظافر ورانيا واعيه واسمع
بس لساني ثكيل ما اكدر احجي تأثير البنج لسه بعده بيه
اغمض وافتح ، نص ساعه أكثر يله صحيت زين
اباوع ع اسر حالته ماعرف شلون اوصفها ..
وجهه احمر دم الشراين بكصته اديه ركبته كلهه بارزه من كثر ما ضاغط ع نفسه ، بس ليش وشنو السبب ما ادري
كتله ...اسر وين ابني ليش ما جابو يمي هوه مو بالثامن حتى يخلوا ب الخدج
اسر وهو يسحب نفس حتى يهدأ كال ... ايي عمري هسه يجيبوا من يكملون التأكد من صحته
...شوكت يتأخرون؟؟
...لا بس يكملون فحص ويجيبوا
...مممم ، بطني مثل ذيج المره الآلم والاحساس والمشاعر
خوفه بكلبي صارت إذا ما يجيبون ابني يمي ، احسهم يقنعون بيه ، لان وجوهم ابد ماتدل ع فرح ، اخاف8
اخاف أسألهم ويكلولي ابنج ميت ، ماريد اسأل ، بس شنو
شسوي ياربِ ، اباوع عليهم وحايره اسأل لو لا
...اسر فدوة مو تأخروا شوكت يجيبوا
اسر وهو يحاول يخفي معالم الحزن الي ع وجهه كال ...اني هسه رايح اشوف
...تمام ، لان مستشفى اهلي عدهم عنايه بالمريض من كل الجهات حتى ما يتعبون الواحد همه يجيبون ويردون
اسر ...طلعت من الغرفه ودايخ شلون راح اكولها ، اخر شي
كلت بس تطيب عمليتها ودكوم بالسلامه افتح وياها الموضوع ،
رحت تجاه دكتور الأطفال لان دا يسووله
فحوصات ويشوفون حالته .. وكفت انتظر يطلعون
حتى ما خلوني اشيله بسرعه ودوا للدكتور ويردون يسوون
تقرير لحالته وشنو بي .. ساعه لخ يله طلعوا رحت بسرعه اتجاه الممرضه وأخذته منها
جانو ملبسي الي جايبيه اله احنه اباوع عليه عباره عن قطعه حمره حتى ملامحه ما هلكد مبينه ...
رجعت بيه الذاكرة من اول مره شلت رنس نفس الموقف انعاد بس هذا ولد و رنس بنيه ماكو فرق
أنت تقرأ
رنس والعقيد اسر
Romanceالقصه راح تكون مختلفه عن البقيه بين رنس واسر مختلفون بشكلهم وشخصياتهم بس الي راح يجمعهم العناد والغرور رنس قصتها حزينه م̷ـــِْن الطفوله وبعد ماتخلص مراحل الطفوله راح تجي صعوبات بلحب ❤️ بتاريخ 2022/5/15 ولحد الان مستمره
