رنس والعقيد اسر

البارت40

اسعد الله مساء متابعيني بكل خير

اسر ... دكيت ع رقمها رن رنتين بالثالثة انفتح الخط ساكته ماتحجي
الووو رنس ردي فدوة ... عليج بروح امج ردي عليج الله جاوبيني حتى لو كلمة اريد اسمع صوتج والله ميت وصوتج هسه يحييني
جنت اسمع صوت انفاسها العاليه واحس بيهن غصه بس ماتحجي ... الله عليج ريحيني لتعذبيني مثل ماعذبتج لتصيرين مثلي وتاذيني بفراكج تدرين بيه ماتحمل بعدج عني
صدكي الموت اهون الي من غيابج عني ...ومتأكد انتي هم ماتكدرين ع بعدي لان اني اول حب بحياتج وماتكدرين تنسيني بهل سهوله

وادري مشتاقتلي مثل ما اني مشتاقلج بكد رحمة الله .... اووووووف ولج احجي لاتكطعين كلبي وتفرفحين روحي عليج
((  اضحك بالچذب كدام هاي الناس
خاف الناس تدري بروحي مجروحه
إنه مفارك محب و شكد صعب الفراک
و المفارک محب حتى الضحک نوحه
وأنه عكس البشر ما أسهر اني الليل
انام و ننتظر واحلامي مفتوحه
واشوفک جاي واقفل حتى باب العين
و ياعين التفگ من بعد روحه
اشم بيک النفس بل من زمان نسيت
شنو معنى النفس لو ما جانت روحه
ايموت من البواچي الگلب من يشتاک
طفل و تموت امه اتسكته مرچوحه
اصبر الگلب بغيابک و اكول اتهون ..
💔))

رنس ...جنت اسمعه ومحتركه اكثر منه بس اكو شي بداخلي مكاعد يتقبله يمكن عزة نفسي او كرامتي هنه الي ديمنعني
بقيت اسمعه ودموعي تجري جان يشغل اغنية حاتم العراقي( جذب عليكم الكال اني مرتاح)  اني جنت اسمعها واختنك من البجي
مكدرت اكملها سديت التلفون بوجها وانفجرت بالبجي ااااااه ياربي ليش هيج ديصير بينه والله ما اذينه احد حتى هيج نتعذب بحياتنه ونتعلعل بعيشتنه
كمت خليت عبودي بفراشة واتمددت بصفه وروحي لايبه كمت ابوس بايده الناعمة واحجي ويا اكله شفت ماما شفت شلون بابا مفتقدنه ويريدنه نرجعله

بس هيهات ابد مارجعله اريده يحس بالي سوا بيه واخلي يضوك الي ضكته واخلي يشرب من نفس الكاس
عذاب النفس ماينحمل نمت وبعيوني الدمع كعدت العصر رحت للمطبخ شفت رانيا مسوية جاي
رانيا ...اصبلج جاي
... اي والله ياريت راسي راح يطك
... ماشي صبيتلها كوب جاي وطلعت كليجة وحطيته ع الميز
...دك تلفوني رسالة فتحتها واتساب جانت من اسر دازلي اغنية حاتم العراقي

اخذت كوب الجاي واخذت منه رشفه وشغلتها كمت اسمعها ورانيا تباوع عليه
بين ع وجهي علامات الحزن
.... ها من اسر هل اغنية مو ؟

... اي صحيح عوفي خلي يضوكها شوية
.... ههههه ولج خطية والله ليش هيج اتسوين بي6
.... احسن يستاهل عوفج منه هسه سولفيلي ع شغلج شلونه خوما دتعبين
... لا الحمدلله مرتاحه بي ومتونسه والكادر الطبي كلهم حبابين ...صدك ماكلتي شنو رأيج بسيارتي الجديدة احم احم

...ههههه بالعافية حبيبتي تشوفين خيرها ان شاءالله ويجفيج شرها بس جنيه والله انتي شوكت تعلمتي السياقة
.... دخلت دورات لتعليم السياقة ماطولت والله راسا تعلمت لان عندي شوية جرأة ماخاف الحمدلله وعاد عجبتني هل سيارة واشتريتها البارحة