رنس والعقيد اسر

البارت36

رنس ...فتحت باب المطبخ اباوع عليهم وأكفين بنص الكراج
وظافر ينتر ب اسر ويدفعه من صدره يريد يجي يقتلني

اسر ..ظافر معليك هاي مرتي افهم اني الي حق شنو اسوي بيها ماطول ع ذمتي ما الك اي حق ب التصرف امشي اطلع بره يله

ظافر ...لا مو بكيفك اختي واني اربيها اعيد تربيتها من جديد

اريد اشوف شلون تنزل راسنه اني من تالي وكت يعيروني باختي
والله اليوم اشرب من دمها مو ظافر الي يدنك راسه بين العالم من يمشي

رنس ..اسمع كلامه ودموعي تجري هذا اخوي سندي

المفروض هوه الي يدافع عني تقربت من يمهم راد يجرني ظافر
بسرعه صار كدامي اسر ودفعه ، ابتعدت من ظهر اسر

وحجيت ..ولك حرامات اني وياك نفس الدم ونفس الام والاب المفروض انتَ الي تدافع عني وتحميني واتطلع5
الحقيقه مو تصير ضدي وتريد تقتلني وانتَ حتى ما تعرف الصدك من الجذب ، شفتني بعينك ويا واحد؟!

صيحت واني ابجي واشهك ...احجييييي شفتنييييي بعيننننننك
ظافر بعصبية ..والصور والمحادثات وصورج الي ادزيهن

ولج حتى الكح*** ما تسوي هيج ، ولج بس كولي ليش سويتي هيج ليششششش

نزلتي راسنه ولج فضحنج الي منج وبيج فضحنج
ماكو واحد ما عرف امشي وما الي عين ارفع راسي وطيتي راسنة بين العالم الله ينتقم منج خزيتينه

رنس تحجي منهارة بالبجي ...والله مو اني ليش ماكاعد اتصدكوني ، انتم بحثتوا عن الحقيقه

ليش ما تبحثون وتطلعون المواقع انتَ مو محامي المفروض تعرف هيج اشياء ، وانتَ هم مو مقدم وهله هله ورتبتك الي تهتزلها الشوارب
مو المفروض تعرف هيج اشياء ، لو مابيكم خير بس طول ..

ماكلفتوا نفسكم تبحثون وطلعون برائتي لااااا جيتوا وتهجمتوا عليه بالظرب والتعذيب
ماخفتوا الله بيه ماكلتوا شلون انصدك هذا الافتراء ع عرضنه همكم نفسكم وسمعتكم وبس ماهمكم المظلومة الي واكعين دوس ع راسها
اول محجيت هيج دفعني ظافر من كتفي شاغت روحي ايده قويه حيل حنيت جسمي متوجعه اسر صاح بي

..لك ايدك اذا مديتها مره ثانيه اكسرها وحق الله امشي اطلع بره لا ابتلي بيك
..اباوع عليهم المفروض ظافر هيج الي وأكف بوجها

ل اسر يمكن اتحمل لو اسر بمكان ظافر بس من موقف ظافر صدمني احس گلبي ديتگطع

دموعي تجري واشهك متالمه من الموقف حيل صعب
آذاني اقرب الناس الي خذلني ، صرخت بوجها وكتله من هسه اني ما عندي اخ
وعتبر من هاي اللحظه اختك ماتتت بعد ما عندك اختتتتتتتت اسمها رنسسسسسس صيحت بعلو صوتي
اسر ...صوتتتتج هييي امشي دخلي جوه منا الناس شدكول ... اتخزينه الله لايوفقكم

دخلي جوه يله ، وانتَ بطل هاي الرعونيه الي عندك
مرتي واني احاسبها ما الك اي حق تدخل حتلو اخوها