رنس والعقيد اسر

البارت4

Fatima_Al-juboory

المسافات لا تهم اذا كان القلبان مخلصان لبعضهما البعض !

،،،،،،،،،،،،،

واجه الوقت الي لازم اروح اتدرب وافترق عن اهلي وبنيتي رنوسة
وماتاثرت ببُعد اهلي مثل ما أثرت بيه دموع رنس وهيه تتوسل بيه حتى ابقى
جنت اتمنه اكو هنا كلية عسكرية بالنجف بس ماكو رحت واني بالي عليها

وصلنه للبغداد اجرت غرفه وثاني يوم رحت للكليه قدمت المستمسكات وفحص صحه خاف مسوي عمليه او صحتي مو تمام
والحمدلله ما عندي اشكالات صحيه ومن ثاني يوم رحت للكيله وزعونه ع قطاعات او غرف جنت اني وياي ثلاثه

واحد من البصره واحد من ديالى واحد من كربلاء رتبنه غراضنه ونمنه ماكعدنه اله ع صوت مثل منكول جرس او همه يسموا بوق

كمنه حضرنه رواحنه بسرعه بسرعه كون منتأخر وطلعنه اصطفينه وبدينه بالتدريب
ركض وتعبنه حيل لان اجسامنه مامتعوده ولا ماخذين اللياقه البدنيه
ستمرينه هيج شهرين بهاي الشهرين واحد من البصره

اسمه سجاد صار صديقي كلش جنه سوه دائماً حتى بلتدريب واحد يشيل عن الثاني
نطونه اجازه رجعت واني مشتاق لاهلي طبعاً شكلي تغير اصلع لان ميقبلون شعر
وشوارب وماكو لحيه وبنية جسمي تغيرت من التدريب وصلت تلكوني اهلي سلمت
عليهم بست راس امي وابوي واخر شي
شفت رنس جنت حيل مشتاقلها احسها قطعه من روحي حضنتها واخذت نفس عميق

وهيه تبجي قنعتها حتى تسكت مطولت يومين ورجعنه جانت اجازتنه قليله
واصلا بدال منداوم ثلاث سنين داومنه سنتين لان الوضع مو تمام
بهاي السنتين من اغيب عن اهلي وارجع اشوفهم اشوف رنس تكبر يوم عن يوم وتصير احلى
.................

رنس ...مرت الايام واني بعد مافرحت لان هوه بعيد عني ف بعطله نصف السنه مالتنه هوه اجه
بس شكله متغير جسمه صاير ضخم واصلع وشوارب عنده ولا عبالي هيج يصير بي
بسرعه رحتله ركض وحضنته وبجيت جنت كولش مشتاقتله وهوه هم حضني وشالني ويمسح بدموعي ويحجي

اسر ...اشششش اذا بقيتي تبجين هسه ارجع بنيتي ماريد اشوف هاي الدموع لاتبجين هياتني جيت يمج

....سكتت خفت لا صدوك يروح مابقه هواي

يومين وراح ورجعت ابجي عليه بهاي الفتره

الي راح بيهه اسر استغلتها امه خلت نص شغل البيت عليه ودائماً لو تضربني راشدي

لو تجرني من شعري وبابا كم مره ضربني بس الفرق اختي الي عقمت جروحي
مو اسر خلصت العطله واجه الدوام رحت
وانطوني الشهادة جنت ناجحه والاولى لان اختي رانيا تقريني لان اخوي ضافر صار يعرف يقرا خامس

رجعت للبيت بس ماحس باي فرحه نفس كول سنه لان اسر مو وياي كلت لاختي وفرحت وبوستني واخوي هم