رنس والعقيد اسر

البارت26

مساء النور والسرور والورد المنثور عليكم احبتي 🌼🌻🌼🌻🌼

رنس ...ربي اترجاك لا تاخذ ابني مني فدوه اروحلك ..

ربع ساعه بس اريد اكوم كلما احاول والوجع يصير اقوه

زحفت ونزلت من البايه الاخيرة مال الدرج روحي شاغت من الآلم

ضليت كاعده ماكدر اسوي شي واندعي كون ابني ميصير بي شي الدم مله المكان
اباوع ع الساعه جانت بال2 توها واني النزيف ماخذني اندعي ربي يساعدني
واكول ابني هسه يجي ويترس حضني ماتحملت وفقدت بعد محسيت بشي ....

فتحت عيوني ع راشديات خفيفه واسمع وحده دكول ...هاي هيه خل نطلعها
...ويضربني ع خدي افتح وارجع اغمض
احس عيوني اثكال واسمعها تحجي

الممرضة ...فتحي عيونج ماما لا تغمضين
...افتح وارجع اسد وهمه يمشون السديه غواش كدام عيني ماشوف زين وماركز احس ثكل ع جسمي

طلعوني من الغرفه صار ضوه قووي حيل بعيوني غمضتهن ورجعت نمت اثر البنج

اسر ...من رجعت من الدوام دخلت دائماً تتلكاني رنس من الباب
بس هل مره ماكو استغربت كلت اكيد تعبانه ونايمه دخلت بهدوء حتى متحس

بس الي تفاجأت بي منظرها وهيه مغمي عليها والكاع متروسه دم اتخبلت صرت ما شوف دربي انخبصت
مدري شلون شلتها وصعدت بالسيارة وصلت للمستشفى دخلت واريد بس ينقذوها

دخلوا بيها طوارئ للعمليات واني راسي افتر خابرت رانيا وظافر يجيبون وياهم غراض... ضليت منتظر
ساعتين أكثر أقل يله طلعوها رحت وراهم حتى نسيت امر ابني لو وينه أو شبي .. بس اريد اطمن عليها بعد ما طمني الدكتور
بس صدمني من كال

د ...ابنك خلينا بالخدج تحت العنايه لان صاير عنده حالة اختناق منا ل٢٤ ساعه نتأكد من وضعه ...

...راح الدكتور واني رجعت يم رنس ، كعدت واني صافن عليها ،
اذا درت شلون راح يصير حالها؟ ، شنو ردت فعلها؟
ايام تنتظره واخرها هيج يصير ، لا مو بس هيه تنتظره واني هم انتظره ع احر من الجمر ، ياربي خلي هاي ال٢٤ ساعه تعدي ع خير
رنس ...فتحت عيني مغوشه ضليت اسد وافتح بيهن منا لمن وضحت الرؤيا باوعت اسر وظافر ورانيا موجودين يمي اتذكرت الصار

اتلمست بطني فارغه صرخت بعلو صوتي ...ابنيييي ارررررررريد ابنييييييييي
اسر ...اهدئي حبيبي والله عايش
..وينه ليش مو يمي ليش اتجذب عليه احجي فدوه شبي ابني
... مابي شي لتخافين بالخدج لان اجه بشهر الثامن
....لالا دتجذب عليه ابني بي شي اني امه وحاسه بي ، رانيا خيتي فدوه احجي وين ابني
رانيا ...والله موجود بالخدج لان مو بشهره اجه مكامل

...سكتت ودموعي تجري والله حاسه بي شي بس ميردون يكلولي واصلا وجوهم
مافرحانه وعيون اسر كولها قلق وخوف وامبين عليه التوتر