رنس والعقيد اسر

البارت21

Fatima_Al-juboory

الحياة مدرسه والناس اسئله والايام اجوبه!! 🖤

,,,,,,,,,,,

مساء الخير والعافيه ع قلوبكم الصافية
❤❤ونكمل روايتنا الًيَوُمًِ صّـْْ(☑)ـْْحّ  طولت عـْليگم
لان الروايه هاي مطوله وتحتاج وقت مجان عِنـ.̷̷̸̷̐ـديّ  وقت هواي واليوم مصره اني اكملها مصل البقيه✨
،،،،،،،،،

..... اني رانيا مواليد 1987 اختي رنس واخوي ظافر مثل ماحجتلكم رنس عن طفولتنه

ومن شنو جنه نعاني واكثر شي اذانه فقدان امي واحنه بعمر نحتاج الها طبيعتي هادئه

وكتومه ماحب احجي الي بداخلي لو احجي الي يصير وياي ماحب احد يعطف عليه
ولا احب شغلات مال حب والعلاقات وهذني السوالف

مامتعوده ع الاهتمام لان ماحد اهتم بيه

من امي ماتت وربيت نفسي بنفسي جان اصراري وتفكيري وتركيزي ع الدراسه
شاطره بمستوى زين اباوع ع اختي تحب احد يهتم بيها وحساسه
دارستها وحافظه كل تصرفاتها واخوي الي اشوف بعيونه حرمان

من شعور عنده اب وعائلة تظلل علينه جنت اباوع عليه واحاول الهي بكلشي
بس مع الاسف مانجحت لان من يطلع يسمع اصدقائه وبلمدرسه الي تتطلب حضور اولياء الامور
زاد حقدي ع ابوي وكرهي اله من عافنه واحنه بحاجته وراح اتزوج حقدت عليه اكثر
مرت السنين واني ادرس وابذل كول جهدي وصلت السادس

وصرت اليل مانامه حتى بس اطلع معدل وخلصته ومتحنت والحمدلله كدرت اجيب المعدل الي اريده وقدمت ع صيدله
بديت احضر روحي علمود الكلية اضطريت اخذ من ابوي

جان يجي ويجيب ويا مصرفنه النه كلنه بس جنت ماخلي يلتقي برنس

لان اكيد راح اتضل تسال وتستفسر وراح تعرف متزوج وعنده اطفال وراح تتأذه
ف بعدناها عنه وكلما يجي نخلي يجي بوقت الي هيه بلدوام واحنه نغيب
طلع قبولي بجامعة الي جنت اتمناها جامعة الكوفه
قسم صيدله بوقتها الفرحه ماسايعتني وبيومها رحت لقبر امي وصرت احجيلها عن فرحتي
جنت اتمنى تكون حاضرة ويايه هل يوم من اتشوفني ادخل الكلية وتحضر ويايه مستلزمات الكلية بس هذا جان حلم بالنسبة الي وجانت حكمة ربنه الحمدلله ع كل حال

مرت الايام وحضرت كلشي يخص الجامعه وحدي
داومت اول يوم والفرحه مسايعتني احس

عيوني اتصير قلب حب من اباوع اتجاه القسم

دخلت للقاعه وجانت المفاجأة صديقتي الي صارلي ثلاث سنوات مشايفتها نفس قسمي

ونفس القاعه رحت عليها وسلامنه جان حار

اخذنه اول ستولين من جهة الباب وكعدت تحجيلي
شنو صار وياها بهذني الثلاث سنوات ماحسينه ع روحنه
غير من دخل الاستاذ عرفنا عن نفسنا وعرفنا عن نفسه
وطلع هاي كول الاساتذه عرفونه وطلعو
ثاني يوم سوولنه حفله تعارف وصرنه واحد يتعرف ع الثاني صرنه كروب اني وصديقتي قبس
وانظمت النه بنيه هم حبابه اول شي تعرفت علينه من دخلت للقاعه اسمها فاطمه