مساءكم ورد جوري حبايبي 🌹
......................
اسر ...لسه مصدوم ليش وشلون وشنو السبب الي يخليها تستفرغ دم معقوله متاذيه وهيه متحجي
دخلت للمستشفى ودخلوها للطوارئ طلع الدكتور وكال ...
الدكتور ..هبوط بالضغط
...معقوله هبوط بس دكتور هيه تقيأت دم
...ماشي بس تصحه نسويلها سونر واذا مابين شي نحولها ع ناظور
...دخلت كعدت يمها اباوع عليها منتهيه ولا كانو هذي رنوسة الي اعرفها قبل العرس
ضليت كامش ايدها وامسد ع شعرها فتحت عينها تبجي
...شبيج عمري شنو يوجعج
...معدتي اسر معدتي احسها دتتكطع وطكيت بجي
....ردت اكوم كامت ركض وهيه المغذي مشكل بيدها للحمام رحت وراها ركض
دخلت شفتها تتقيأ احرك ايدي ع ظهرها
واحس روحي تتطلع وياها تتاذه واني مابيدي شي عليها
ياربي شنو اسوي غسلت وجها وسندتها رجعت كعدت ع السديه
انوب شفت ايدها تنزف دم الكانولا متحركه تقربت اكثر
وخرت الكانولا وخليتلها بلاستر جان خالي ع الميز مال ادوات
رجعت راسها ع السديه تعبانه اخذتها الحضني بقيت اناشغ وعيوني تذرف دموعها
متحملت اشوف حبيبتي وبنيتي بهل وضع ...كون بيه ولا بيج يبعد كلبي
رنس بصوت مبحوح ...اسم الله عليك حبيبي ، طلعنه من المستشفى دخلت للبيت تمددت احس معدتي تتكطع
بجيت متحملت الآلم يموت جان هوه دا يسبح غطيت راسي وبقيت ابجي واعصر بيها احس روحي دا تطلع دخل للغرفه
...ها حبيبي شنو نمتي
...ماجاوبت .. حسيته اقترب شال الغطه
...هاي شنو شبيج شنو يوجعج كلبي شو كومي
..سحبني عليه ع كيفه وكعد مقابيلي
...شبيج عمري شنو يوجعج
...معدتي اسر راح اموت حجيت ونزلت دموعي ، حضني
...كون بيه ولا بيج بعد كلبي بس صبري خل يصير العصر واخذج دكتور والله
تستمر القصة أدناه
...هزيت راسي ورجعت تمددت باسني من خدي وغطاني كام صله عيوني ثكلت نمت
حلمت اني واكفه ع جبل عالي حيل وكعت بوادي اظلم حيييل اظلم فززيت حسيت صدوك واكعه ولا كانو حلم
درت وجهي اشوفه نايم يمي تقربت عليه ورفعت ايده حس عليه وفتح عينه
سحبني عليه وحضني اقوى دفنت وجهي بصدره اريد الخوف الي بيه يروح ماكو
حسيت احد ورايه درت وجهي رجال بشع حيل وجها يخوف الى ابعد حد نايم يمي
ويضحك بجيت يمه روح حباب روح ابجي واحجي فز ع صوتي
...شبيج عمري منو يروح ماكو احد دا يتخيلج اني يمج لا تخافين
...اباوع ع الرجال حجه
حتموتين انتي لازم تموتين
...زدتت بلبجي حضني اقوه بادلته الحضن
ماكدر احجي احس روحي مو اني اباوع ع الغرفه تخنكني احسها دا تضغط ع نفسي
سحبت روحي منا وكمت طلعت منها وطلعت من البيت كوله كعدت بلكراج مانتبهت عليه
شنو حجه كرفصت روحي وابجي من وجع معدتي ومن الخوف
احس روحي فاصله عن الدنيا بس اني وهذوله الي يجوني حتى
مانتبه ع اسر شفته فتح الباب اقترب عليه وكلما يقترب مني يقترب الرجال صرخت مفزوعه
أنت تقرأ
رنس والعقيد اسر
Romantikالقصه راح تكون مختلفه عن البقيه بين رنس واسر مختلفون بشكلهم وشخصياتهم بس الي راح يجمعهم العناد والغرور رنس قصتها حزينه م̷ـــِْن الطفوله وبعد ماتخلص مراحل الطفوله راح تجي صعوبات بلحب ❤️ بتاريخ 2022/5/15 ولحد الان مستمره
