رنس والعقيد اسر

البارت6

Fatima_Al-juboory

في لحظة الخلاف مع من تُحب
لا يوجد أجدىٰ من الصمت
فإنك أن تڪلمتَ إما أن تَجرحَ أو تُجرح
وڪلاهما مُر..♥️

،،،،،،،،،،،،

وجانت ايدي ترجف مامسيطره عليها هوه انتبه عليها
...شبيج بابا لاتخافين ما اذيج بس اجيت اشوفج واسولف وياج ، ماشاءالله كبرانه وصايره مراه ،
صح اني جنت اذيج واضربج بس جانوا هواي يشتكون منج ، ومن مرات اني معصب وضربتج لان انتي تصيرين بوجهي ،

اني ماكرهج انتي بنتي وقطعه من روحي واحبج وما اتمنى اذيج وصدكي من اضربج وراها اتندم ،

ادري بعد كم يوم مدرستج واجيت حتى انطيج فلوس حتى تشترين شنو يعجبج
واذا احتاجيتي شي تعالي وكليلي لا تخافين ولاتستحين اني ابوج مو عدوج ،
... هاي كلماته جانت ترن باذني لسه ، كام باسني من خدي وطلع مجان منطيني بس الي نطى حتى لاخواني
نمت واني الافكار ادور بعقلي معقوله هذا بابا هيج يحجي بهدوء وما اذاني كعدت ومر يوم عادي

جان آسر خفر اجه الصبح كبل سبح ونام ماكعدنا غير ع الغده بدل وطلع

رجع العصر كال جهزو روحكم حتى نطلع تشترون للمدرسه

كمنه بدلنه وجهزنه رواحتنه
وطلعنه للسوك وصلنه وضلينه نفتر
جنت كامشه الفلوس بيدي وجنت امشي بصف اسر واختي ع جهتي واخوي ع الجهه الثانيه كتله
...اسر اسر نزل عينه عليه وحجه

...ها رنوس تردين شي
...يي هاك هذني ومديت ايدي اله حتى ياخذهن

...شنو ذني منيلج؟!

...هذني اول امس بابا انطاهن اليه حتى اشتري ملابس واني هسه انطيهن الك حتى اشتري
...لا ماخذهن ذني الج واني اشتريلج ضميهن

...لا ماريد تشتريلي انت ، اني هواي اريد غراض ويصير عليك غالي اني ذني اريد اشتري بيهن

اسر عكد حاجبة وخزرها بنظره ثاقبه كال ...ومن شوكت كتلج اني ماعندي حتى ماتقبلين اشتريلج
...ما والله اذا ما اخذتهن ما اشتري اي شي
...رنس بطلي عناد ما اخذهن وضميهن الج تحتاجيهن
...كتلك ما اشتري اذا ماتاخذهن ما يعني ما

...شوو جيبي شكد راسج يابس ،
اخذهن من ايدي حيل وضمهن بجيبه بعصبيه ضلينه نفتر واشترينه ملابس للمدرسه وكولشي نحتاجه
واخواني هم نفس الشي ماخلو اسر يدفعلهم همه من الفلوس الي انطاهن بابا الهم رجعنه تعبانين من الفره

سبحت وبدلت وصليت ونمت حتى بدون عشه من الفره ثاني يوم كعدت الصبح للدوام

غسلت وجهي وفرشت اسنوني ولبست الصدريه جانت رصاصي طويله وبيهها حزام

وخرز وقميص ابيض وحذاء ابيض هم
وجنطه رصاصي جان موديلهن ولبست
فوكاهن الجبه وربطه بيضه ونزلت جوه
شفت اسر منتظرنه حتى يوصلني لان وحدي اروح صبحت عليهم راد اتريك ماقبلت