Fatima_Al-juboory
لاشيء مريحاً للنظر بس...
"شوفتك ترد الروح" 🤍✨
،،،،،،،،،،،
فقدت صارت اتصيح وادك وتلطم اتشيل بروحها
وتركعها ماتحملت اشوفها هيج كمت دخلت بغرفه كعدت خليت راسي بجفوف اديه وابجي ع صوت المله الي يكطع الكلب
ضليت منا لمن خلصت القرايه طلعت رحت شفتها وجهه احمر دددم
يعني منتهيه بمعنى الكلمه رحت تجاها حجيت
ديم ...كومي حبيبتي وياي
رنس ...ماريد عوفيني
ديم...تعالي اريد احاجيج دقايق ورجعي ،
كمشتها من ايدها سندتها عليه هيه ناعمه
يعني تقريياً تطلع شوي اطول مني اخذتها للمغسله غسلت الها وجها واديها
شربتها مي ودخلتها للغرفه هيه تمشي وياي كانو جثه ميته تكطع كلبي عليها
خليتها تنام بلفراش امسد ع شعرها
منا لمن نامت ضليت ماوخرت خطيه محد يمها ولا احد ساعدها بشي اكيد جانت تحب ابوها هواي حتى هيج سوت بروحها
طلعت وسديت الباب مال الغرفه اباوع ع النسوان كولهن ملخات ومبينات
يحبنه للمغرب يله رجعنه ، دخلت غسلت وتوضيت صليت وكعدت اقرا صار الليل كمت للكراج ك العاده بمكاني
اريد فد يوم انسه ماكو الاصوات ترن باذني سديت اذاناتي بديه كافي ديم انسي لج انسي
ضربت راسي بلحايط انسي لا تذكرين انسي ، ابجي واردد انسي انسي
غمضت عيوني ، مر كولشي بين عيوني
الى متى ابقه هيج باوعت ع السما ياربي ساعدني اترجاك اريد انسى ...الي صارلي بالماضي خله نفسيتي صفررررر
صار ثاني يوم
من رجعت من الدوام بدلت وغسلت توضيت صليت بعدها
بدلنه ورحنه هم للفاتحه دخلنه لكيناهم دا تجي الناس ماشفتها للبنيه بعد مادري وينها شفت بنيه حجيت
ديم...عفواً ممكن سؤال
.... يي تفضلي
ديم...امس شفت بنيه تبجي اعتقد اسمها رنس وينها
...اهاا هناك بذيج الغرفه
ديم...شكراً ، رحت دكيت الباب محد رد فتحتها شفتها نايمه مثل وضعية الجنين
انكسر كلبي عليها خطيه محد يمها دخلت وسديت الباب رحت تجاها كعدت يم راسها خليته بحضني وحجيت
ديم..الله يصبرج ترحميله هسه هوه يم الاحسن مني ومنج لاتسوين بروحج هيج
لان يحس بيج وراح يتاذه ، احجي وياها بس مانطتني ايي رد فعل ضليت امسد ع شعرها ...
كامت سندتها كعدت بس ساكته كتلها
ديم..وين موبايلج اريد انطيج رقمي واخذ رقمج
رنس...عند اختي
ديم...ماشي ، طلعت سلمنه ورحت تجاه اختها
ديم...حبيبتي اريد موبايل رنس
أنت تقرأ
رنس والعقيد اسر
Romansaالقصه راح تكون مختلفه عن البقيه بين رنس واسر مختلفون بشكلهم وشخصياتهم بس الي راح يجمعهم العناد والغرور رنس قصتها حزينه م̷ـــِْن الطفوله وبعد ماتخلص مراحل الطفوله راح تجي صعوبات بلحب ❤️ بتاريخ 2022/5/15 ولحد الان مستمره
