رنس والعقيد اسر

البارت46

صباحؤؤؤ ورد جوري حبايبي🌹

الدكتور ينزع الكمامة بيده وبانت ع ملامح وجها علامات ماتتفسر كال

...حاولنه ويا شكد منكدر بس كان القدر اقوة من عدنه

البقيه بحياتك لان توقف قلبه اثناء العمليه ما تحمل
اسر فتح عينه ع وسعهن بصدمة خلته يتخبل وصرخ بوجها ..شنوووو انت شدتحجي
د ..والله حاولنه بس ما اتحمل واني من البدايه كلت الكم شكد نسبة نجاح العمليه
اسر فقد ماعاد يحس شديسوي لزم ياخة الصدرية مال الدكتور وعتها راد يضربه
ركضوا الممرضين لزموا وبعدوا عن الدكتور والدكتور فلت من قبضة ايده وكال

د ...رجاءً وخر ايدك واحترم الي واكف كدامك دكتور مو صانع عندك

اسر ...راح الدكتور واني فصلت لا ياالله دخيلك ابني مستحيل ماصدك عبودي راح مني كمت اضرب راسي من فجعة گلبي

رنس ...من سمعت خبر وفاة عبدالله مثل الي دخلت بغيبوبة

وصوت اسر وصريخه جانت صفعه ع وجهي صحاني رجعت لارض الواقع
اسمع كلامهم وروحي فرفحت ماستوعبت الخبر ركضت مثل المخبلة دفرت الباب ودخلت لغرفة العمليات ..

اسمع بس ركضتهم وراي يردون يلحكوني

دخلت ..لكيتهم دا يخيطون بصدره .. رحت يمه حاول اسر يجرني بس ما هديت ايدي

والدكاتره تريد تطلعني وتحجي بس ما رديت ..اباوع شلون يخيط ب صدره ..

واحس روحي نمردت ..سوده عليه يمه ...وجعوك مو .. كمله بسرعه وغطاه ..

باوعت ع الدكتور ردت اشرب من دمه صرخت بوجها ليش تغطي لاتخنكه وخرررر

وخرت الغطة عن وجها ونزلت بوست عيونه حلكه خشمه حنجه خدوده الترفه ...

ويا كل بوسه روحي تروح  احسها توصل للسما وترجعلي شلته حضنته ع كيفي ..

حبيبي يبعد امك ليش عفتني ورحت ..مو اني احبك واداريك بمي عيوني ...

ما عندي غيرك ..ليش متحملت علمود ماما .. مو اني تحملت كلشي ع مودك ..

بس ردت اشوفك ..تكبر وأكحل عيني بشوفتك ..واخطط لمستقبلك واكول هيج اسويلك شغله وهيج اجيبلك حاجه ..ولك يمممممه ليش عفتني ..
صرخت صرخه رجت المستشفى رج ولك يممممه سوده بوجهي ما تحملت ..كون اني بمكانك يابعد امك بعدك صغير ياتابوت الي يشيلك ...

رفعت راسي شفت دكتور رحت يمه بسرعه مسحت وجهي الي غركان بدموعي وحجيت ..

عفيه دكتور الله يخليك نقذه هوه ما ميت مووو بس انتم مدا تعالجو ...
باوع الخياط مأذي فدوه عالجه ...فقدت عقلي صرت اخرط بالكلام ..جرني اسر الي حالة اتعس من حالي والدكتور دار وجها مسح دموعه ..
كعدت بالكاع وبحضني ابوس بي وابجي واشم بي
..يمه بعد ما اشم عطرك ..اووووف يا يمه يا عطر الجنه ...شلون تعوفني ..مو انتَ ابني ليش عفتني ..
ابجي واشهك وابوس بي ..بسته بكل مكان وهوه صار عباره ..عن قطعه ثلج ...اخر شي سحبه مني اسر ..
لاااا اسرررررر لاااااا عليك الله انطينيا فدووة اروحلك لاتاخذه من حضني ..