رنس والعقيد اسر

البارت16

#بقلمي_فطومةة

اسعد الله صباح متابعيني بكل خير ❤12

رنس ...وهسه شناوي اتسوي ؟!!

اسر ...والله حاير ، وراسي مفتر اخوج قافل يكلي انت مو كد الامانه كلت احميها وما اخليها تتاذه تالي امك تتطعنها بلسجين

اذا تزوجتها شنو يصير بيها ، وحاير شنو اسوي حتى يقبل هوه حقه بس شسوي
رنس...كتلك اسر من البدايه راح اتصير مشاكل

ونتاذه وامك ماتقبل بيه وتكرهني تذكر شنو كلتلي
كلت اني يمج لاتخافين ومحد يتجرأ يندك بيج وتاليها هاي حالتي
اسر...رنس لاتلوميني فدوه الي بيه مكفيني يعني اني شنو كفرت لان حبيت
ذنيج الامهات يردن ولدهن بس يزوجون وهمه مايقبلون ومن اني اريد اتزوج اله ع ذوق امي

والله اله اخذج وغصب عن الي يرضه والي مايرضه شنو احنه نمشي بكيفهم احنه المزوجين مو همه
رنس...اهدء لا تعصب فدوه موزين عليك ، والله ..اني هم احبك بس شوفت عينك المشاكل
واذا اكو نصيب بينه والله لو مو بس امك لو العالم كله يوكف بوجهنه نصير سوه واني ما اعوفك منا للموت وابقه الك
اسر...تعبان رنس تعبان ماتوقعت امي توصل لهل مرحله وصلت بيها تقتل والله متفاجأ شلون سوت هيج

رنس...كافي عمري قدر ويريد يصير لا تضل اتفكر ونام وارتاح والي يريده الله يصير
اسر ...ونعم بالله
رنس...شوكت تنام

اسر...منعسان ماكدر انام ، اذا نعسانه روحي نامي
رنس...لا يا نعسانه توني كعدت من النوم
اسر...هاا خوش ، اكلج اذا اجه ظافر وكلج عوفي .. تعوفيني؟!

رنس...اسر شبيك اني شجنت احجي مو كتلك

اني الك منا لمن اموت لا تضل تفكر وريح عقلك ودير بالك اتصير عصبي مشي الامور بهدوء فدوه
اسر...الله كريم ، هذا صديقي دا يتصل بيه
بعدين اخابرج يله مع سلامه

رنس...الله وياك ، نهيت المكالمه واني افكر شلون اذا ظافر بقه معارض معقوله يعني ماصير زوجة اسر ولا باسمه اوووف ياربي سهلها

كمت دخلت للغرفه تمددت واني باقيه افكر شلون اقنع ظافر

غفيت واني بوسط افكاري ماكعدت غير الصبح ع صوت رانيا

رانيا...رنس كومي لازم تتريكين وتاخذين علاجج

رنس...صباح الخير ، شكد الساعه

رانيا...صباح النور ، ب10
رنس...كمت غسلت وجهي ورحت للمطبخ

لكيت رانيا محضره الريوك كعدت اكلت لكمتين
وكمت اخذت علاجي طلعت من المطبخ كعدت بلصاله عمه ماهيه مادري وين طالعه
رانيا ملتهيه بلمطبخ تحضر غده هيه هاي الايام اخذت اجازه خطية علمودي لان عمه جبيره ومتكدر وحدها ..ساعه تقريباً واجت
عمه ...سلام عليكم1
رنس...عليكم السلام ، وين جنتي عمه