Fatima_Al-juboory
اسوء الوجع من يسيئ الظن بك وهو لا يعلم ما فعلته من اجله "
،،،،،،،،،،
صرت ماشوف الكتابه ضليت هيج منا لمن اذن الصبح جان شتا واليل طويل
كمت صليت الصبح ورجعت اقرا قران شويه وانفتحت الباب بسرعه مسحت دموعي ورفعت راسي شفت اسر حجه
...هاي شمسويه بروحج صدك جذب ليش هيج تاذين روحج وتاذيني وياج بنيتي افتهمي هل شي هل بنية راحت لدار حقها
وهيه اليوم وباجر احنه لاضلين سوين هيج
...ماكدر اسر مو بيدي حجيتها ونزلت دموعي
اجه كرفص كدامي ومسح دموعي باسني من كصتي وحجه
...الله يصبرج ، صيري قويه وترحميلها
...تنهدت وحجيت ، ان شاءلله لايضل بالك
كام وطلع ، كمت لميت السجاده وحضرت هدومي سود طلعت للمغسله اريد اغسل
وجهي باوعت للمرايه انفزعت عزززة هاي شصاير بيه عيوني حمرر والجفن الفوك امورم واحمر خشمي صاير احمر غسلت وجهي ورجعت بدلت
ونزلت جوه سلمت وطلعت للمدرسه وصلت دخلت
للصف باوعت للرحلتنه شفت مكانها فارغ اتنهدت وطفرت دمعه من عيني غيرت اتجاها
ورحت اخر رحله من جهة الباب جان مبين ع شكلي مالي خلك وجميع مدرسه تتدخل تسال
...شبيج؟!
...اكتفي بجواب ، مريضه
هيج مر اليوم رجعت للبيت دخلت بدلت
صليت ونمت ماسويت اي شي صار اليل
واني كلبي مكسور اول مره هيج ابجي
حتى ع امي مابجيت هيج هيج مشت الايام
واليل كوله اكضي بجي لو اقرا قران ع روحها
جانت ذكرى حلوه بحياتي من بعدها ابد ماصادقت ولا اختلطت بوحده لان ماتحمل كسرت گلب ثانيه ......
مشت ايامي ومتحنت
اخر السنه ونجحت ك العاده واسر جابلي
هديه وجان جايبلي (كتب)روايات وكتب
علميه منوعهن اليه فرحت بيهن لان اني احب اقرا كتب واكثر شي الروايات .......
خلصت العطله حالها حال اي عطله وهل سنه صرت ثالث داومت واني لابسه اسود مانزعته
استلمت كتب وبدت رحلتي ويا الثالث
ذبيت كول حيلي عليه لان صعب امتحنت
نصف السنه والحمدلله جاوبت
بسنه 2003 صار السقوط صار القصف والمدارس كعدو بيها الامريكان وره السقوط
صرنه نسمع اشكال الي يدخلون ع محلات وياخذون الغراض والي يدخلون ع مصارف وياخذون الفلوس
اشكال سووا بهاي السنه صار سلب ونهب واتدمر البلد ف انطووا عبور للمراحل الغير منتهيه
وراهه بفتره صارت الامتحانات مالتنه
شديت حيلي وكعدت اقرا وجنت الشي الي صعب عليه اروح لاسر يشرحه الي
رحت امتحن بس متفأجه من الي صار الطلاب فاتحه الكتب وتحل والمدرسين
ماحجوا كوله غش بغش الامتحانات كولها وهيه الاسئله اصلا سهله بس يمكن ماقارين
.............
أنت تقرأ
رنس والعقيد اسر
Romanceالقصه راح تكون مختلفه عن البقيه بين رنس واسر مختلفون بشكلهم وشخصياتهم بس الي راح يجمعهم العناد والغرور رنس قصتها حزينه م̷ـــِْن الطفوله وبعد ماتخلص مراحل الطفوله راح تجي صعوبات بلحب ❤️ بتاريخ 2022/5/15 ولحد الان مستمره
