رنس والعقيد اسر

البارت45

،،،،،،،،،،،،،،،،،،،،،،
اعذروني جنت يم اختي ومجان عدهم نت وهسه رجعت ونشرتلكم ههههه

اسر ... والله اليوم يا رنس اذا ما خليتج ترجعين نفس ما جنتي فلا اتسمى اسر ..

رنس ..طلع واني لازمه گلبي ادري مراح يعديها ع خير .. اندك الباب ...شكد اخاف واتشائم من دكت الباب ..

تذكرني ب الي اجه ونطاني الظرف ..الله ينتقم منه ..

رحت مشيت ع كيف واني اقرا الحمدُ بگلبي صرت وره الباب حجيت ..منووو؟!!

اسر بصوت يتوجع ..انييي ااااخ
.. بسرعه فتحتها واني ميته خوف شبي ليش صوته موجوع مال واحد متاذي .. فتحتها وهنا احس روحي اجيت اتخبل ..

يممممه هاي منووو مسوي بيك هييج يمممه سودة بوجهي ..

احجي وابجي وهوه سد الباب برجله وكعد بالكاع يتلوه من الآلم ..جانت ايده مفصوخه المنظر مرعب يموووت ..
اسر كوم انروح للمستشفى شوو كوم ..اسر تسمعني .. ياربي دخيلك شسوي ..اسرررر اسررررر ..اكعد عليك الله كوم ..وجان يغمى عليه وانسند جسمه عليه ..لا يالله

رافعه رأسه عليه ..واضربه راشدي خفيف بس علمود يصحى ..اسر اكعد حباب قوي روحك
بس خلي اخذك للمستشفى .. والله ما ازاعلك بعد والقران بس اكعد كمت ابجي انمرد كلبي ..لا تعوفني اسر اروحلك فدوة بس أنتَ الي بقيتلي

بوقتها ماعرفت شحجي مو دكول ايده مكسوره ..لان اول مره اشوفه بهيج وضع ..ولا مره شايفته مغمى عليه
و زاد بجيي وحالتي منظر ايده ..اضرب ع خده وهوه دكول اسم الله عليه مات .. ودموعي صارت توكع ع خده ..
ولك عيني اسر اكعد كوم عمري كوم حبيبي ..بس افتح عيونك ..صرت لا بيه اكوم أصيح أحد لان اذا اكوم يصير بالكاع وگلبي مينطيني اعوفه بالكاع وضليت حايره ..
كعدت وخليت رأسه بحضني وابجي ودموعي اطيح ع خده واني مستمره اضرب ع الخفيف ع خده ...
فتح عينه ع كيف ..ايي يارب شو تسمعني اسر كوم ع كيفك فدوه كوم ...

احجي وأسند رأسه وجسمه حتى يكوم ..رفعته وهوه لازمه ايده ..
يمه أصلا اتجنب اباوع عليها ..وكف واني ركضت لبست شالي وعباتي ..
شلت عبودي ع متني وطلعت ركض والله اجيت اوكع ع وجهي بس بسرعه تلاحكت روحي وسيطرت ..
وصلت يمه يله تعال خلي نروح ..والله مدري جنت احس بوقتها

فتحت الباب وطلعنه ..وصل يم سيارته ما منتبهه زين .. حجيت انزل شلون راح تسوق ما تكدر خررب شسوي هسه ..بهل لحظة فززني صوت رجال ..

ماجد ..صعدي خويه اني اسوق ..

.. سكتت وصعدت وره وهوه بالصدر عيني عليه ..وجهه صار احمررررر دم حتى عيونه خفت عليه حيل خاف صار بي ضغظ لو صعد ضغطه ..
وصلنه بعد نص ساعه .. نزلنه ..دخلنه لقسم الكسور ..كعد وبدو يجبرون ايده واني من يمي صرت اناشغ ..

وما اسكت هوه عينه عليه رغم متألم بس نظرته مستحيل انساها لو تروح من بالي .. نفس نظرته ..حب ..حنيه