مساء العسل ع اغلى متابعين❤️✨
رانيا اتسمرت بكاعها بسبب الصدمة الي هدت الدنيا ع راسها
... ضليت صافنه ومازن واكف بس
يريد يفهم مني اخر شي سحب الموبايل
من سمعه شحجه بسرعه سحبني من ايدي اخذ عباتي
وطلعنه ركض للكراج صعدنه ورحنه تجاه المستشفى ويسوق بكل سرعته
وصلنه ونزلنه ركض يسال مازن ودك ع رقمه رد عليه الرجال واجا انطا الموبايل وراح
رحنه بتجاه الطوارئ وكفنه ننتظر واني
احس دماغي مامستوعب الي صار بس شويه شويه صرت استوعب وصارت دموعي تنزل
مثل الجمر مطول الدكتور وطلع ركضنه عليه
مازن ... هاا دكتور بشر شلون صار
...نزل راسه الدكتور ورجع رفعه وحجه
د ...مع الاسف ملحكنه عليه قلبه توقف لان هوه من الاساس عنده قلب والجامه
داخله بنص قلبه حاولنه بكل النكدر عليه ننقذه بس هذا يومه الله يرحمه ويصبركم
رانيا ...جمدت بمكاني مثل الصنم واختل توازني ووكعت بلكاع ابجي
مستحيل يعوفني هوه كال الجمعه اجي اخطبج والله ... لا مستحيل مجتبى ميعوفني ذولي يجذبون عليه اي ديجذبون
كمت مثل المخبله دخلت ركض لكيتهم يردون يغطون وجها دفعتهم بكل قوتي وصرخت بيهم عوفوا وخرووووو وحضنته
...حبيبي يكلبي كوم اكعد فدوه انت مامتت مو كلت الجمعه اجيب اهلي واجي لاهلج
كوم عمري لاتعوفني فدوه لطولك بعدك شاب وينك وين الموت شوداك ع الطريق السريع
ابوس كصته وعيونه وخشمه وخدوده وشفايفه واحجي ودموعي مثل المطر
كوم عمري انت ابو بيتي ليش تعوفني مو متفقين نتزوج ليش عفتني ع نص الطريق
هيج هنت عليك وعفتني انت مو وعدتني ماتعوفني ليش هسه عفتني واني بعدني
ماشابعه منك فدوه كوم اهز بي كوم لا تعوفني فدوه كوووووم رجعت حضنته واني ابوس براسه
حبيبي ابو بيتي ما تموت انت وعدتني تبقه وياي يله كوم هذوله يجذبون عليه كمت اضرب وجهي واملخ بروحي ولك كووووم شبيك نايم اني مو ويااااااااك جاوبني فدووة
ولك ليش هيج تسوي بيه ليش خليتني احبك واتعلق بيك وتاليها تعوفني مجتبى ليششششش ولك ليش اختاريت الموت وعفتني فهمني ليششششششش
ابجي بحركه واهله بدو يسون اوراق الوفاه
وره ساعه طلعو تابوته شفته وكمت ع حيلي لااا ولكم وين مودي والله عايش ليش
تخنكوا نزلو اريد اشوفه نزلووووو كمشني مازن واني احس روحي رايحه ادفع بي
بكل ماتبقه من قوه عندي بس ابد ما نزلو وطلعو .. غسل وجهي مازن
ورجعني للبيت مهدود حيلي دخلت لا كلام ولا شي بدلت ولبست
اسود وغطيت وجهي صرت ابجي بحركه...
ايام مرت عليه مره ماتنجرع بس ماكدرت
اعلن حدادي ع حبيبي اضطريت امثل وامشي
أنت تقرأ
رنس والعقيد اسر
Romanceالقصه راح تكون مختلفه عن البقيه بين رنس واسر مختلفون بشكلهم وشخصياتهم بس الي راح يجمعهم العناد والغرور رنس قصتها حزينه م̷ـــِْن الطفوله وبعد ماتخلص مراحل الطفوله راح تجي صعوبات بلحب ❤️ بتاريخ 2022/5/15 ولحد الان مستمره
