رنس والعقيد اسر

البارت47الاخير

عتب صغير : يعني اتعجب بعض القصص تافهه حشاكم واشوفها واصله للملايين واني قصتي لحد هسه ماوصلت حتى للنص مليون زين ليش !!! .. يعني لازم اخلي بيها اباحه و🔞 ياله تعجب البعض مو مهم عدهم جوهر القصة ولامهم هدف القصة المهم بيها بوس وحضن وسخافات حتى البعض تعجبو ...اني مراح انحرف عن مساري ابد لان قصصي هادفة وبيها موعضة وعبر ودرس لكل انسان يريد يستفاد واني اخلي اعتبار لمتابعاتي المرهاقات لان هنه امانه باعناقنه ..
مو مهم المشاهدات المهم كدرت اوصل معانات ابطالي ووصلت فكرة القصة لمتابعيني الافاضل الي كلهم مثقفين ودارسين واحبهم مثل مايحبوني ويحبون قصصي اما البعض الي ترك القصة لانها خالية وعاطفيه

اتمنالكم قراءة ممتعه✨

رنس ورانيا فتحن عيونهن ع وسعهن بصدمة كالن شنووووووو ؟؟؟
ظافر ...ياستار شبيجن گبيتن فد گبة
رنس ...ادري ياخوية شناقصك حتى تاخذ مطلقة انت اخونه الوحيد واول فرحتنه

ظافر ...خلي احجيلكم قصتي وياها وبعدين حكمن وبديت اسولفلهن لحد ماشفتها بالمحكمة

رانيا ..وشلون تنحرم طول عمرك ما يصير عندك طفل

.. لا البنيه ما بيها شي بس هيه جانت تاخذ مانع للحمل حتى تتطلق
رنس .. هاااا هيج الحجي شكد ما تحبك الله يجمعكم سوا

ظافر ..اميين ..يله صارت ب ٢ صار النه شكد نحجي وراي دوام ..

رنس .. يي خوش ..كمنه لملمنه وفرشتله ودخلنه نمنه ..ولا تخلو المخده من الدموع الاشتياق ..

من جهه ابني ومن جه اسر بعيد عني وگلبي نار عليه

مرن ١٥ يوم ونزل و ك العاده تعباااان هلكان يجي يصلي ويتغده وينام للمغرب هم يصلي ويرجع ينام ..لثاني يوم يله يكعد نشيط مصحصح ..
وهيج مرت الايام والعمر يركض بينا ما حاسين ..ملتهين ب هاي الدنيا ومصايبها ..أما وضع العراق من سيء للاسوء ..
كعدت من وقت حتى اكمل شغل واحضر روحي ..لان أمس خابرني ظافر حتى نروح نخطبله ..
كمت نظفت وطبخت الغده ل ٣ ونص ..بديت احضر بروحي ..

كملت ... اتصلت ع رانيا .. كالت بالطريق ..طبعاً صارت بل ٤ ونص ..اندك الباب قفلت وطفيت الكهرباء .. وطلعنه ..
وصلنه لبيت البنيه ..جان امبين حلو وبمنطقه هادئة وراقيه ..دكينه الباب فتحتها امها ومبينه تعرف ..رحبت بينه وستقبلتنه احسن استقبال ..
دخلتنه للاستقبال ..كعدنه وبعد السلام وشلونج و و هاي نكضيها بس شلونج ..
دخلت ضي ..عرفناه لان بالطريق شوفنا صورتها ..

بنيه حلوة وناعمه ..قدمت عصير وكيك وكعدت ..بديت اتعرف عليها ونسأل رانيا وياي ..

البنيه كلش حبابه ولبقه بالكلام ..وامها كذلك ..
هنه هم سألن وين عايشات وكذا ف اني جاوبتها من الاخير حتى تعرف كلشي
.. شوفي حبيبتي ام مصطفى احنه ثلاث اخوه امي وابوي ميتين
ام مصطفى ..الله يرحمهم
ويرحم موتاج ..اخوي واختي عايشين ب بيت واني ويا زوجي ..