စာသင်ချိန်ပြီးလို့ နောက်စာသင်ချိန်အကူး ဆရာမမလာသေးတာမို့ အရုပ်လေးနဲ့ သူငယ်ချင်း မိမိကျော်တို့ စာရေးနေကြသည်။ထိုစဉ် ကျောင်းအုပ်ကိုယ်တိုင် အခန်းထဲ ဝင်လာတာမို့ အားလုံးမတ်တပ်ထရပ်လိုက်ကြသည်။
"မင်္ဂလာပါ ဆရာမကြီး"
"အေးအေး ထိုင် လက်ဆောင်မွန်က ဘယ်သူလဲ မတ်တပ်ရပ်စမ်း"
အရုပ်လေး မျက်လုံးလေးပြူးသွားပြီး ဘာဖြစ်လို့ပါလိမ့် လို့တွေးမိသည်။ ကျောင်းအုပ်ကြီး သူ့ကိုသေချာစိုက်ကြည့်ပြီးမှ အနားလာကာ ခုံကိုလက်ညှိုးနဲ့ထိုးရင်း
"လွယ်အိတ်ထုတ်"
"ရှင် ဟုတ် ဟုတ်ကဲ့"
ဘာမှန်းမသ်ိဘဲ ထုတ်ပေးလိုက်ရသည်။မိမိကျော်ကိုကြည့်တော့လည်း မျက်လုံးလေးပင့် မေးကလေးငေါ့ပြီး မေးနေ၏။ ဘာမှမသိတာကြောင့် ခေါင်းသာခါပြလိုက်သည်။
"ဒါ ညည်းပစ္စည်းလား"
"ဟို မဟုတ်ပါဘူး ဆရာမကြီး ဘယ်လိုရောက်...."
"ဘာလို့သူများပစ္စည်းက်ိုခိုးရတာလဲ"
"မ မခိုးပါဘူး သမီးမခိုးဘူးဆရာမကြီး ဘယ်လိုလုပ်ပြီး သမီးလွယ်အိတ်ထဲ ရောက်လာလဲမသိဘူး"
"ညည်းမထည့်ထားဘဲ ဘယ်သူလာထည့်မလဲ ပန်းရုံက သူ့စိန်ကလစ်ပျောက်သွားတယ်လို့ လာတိုင်တယ် အခုညည်းဆီမှာတွေ့တယ် ဝန်ခံရင်ဝန်ခံ ဝန်မခံရင် အပြစ်ပိုကြီးသွားမယ်"
"ဟင့်အင်း သမီးမယူပါဘူး ဆရာမကြီးရယ် တကယ်ပါ သူ့ဘာသာသူ လာထည့်ထားတာဖြစ်မှာပါ"
"နင်ငါ့ကိုစွပ်စွဲနေတာလား ငါကဘာလို့ တန်ဖိုးရှိတဲ့ကလစ်ကို နင့်လွယ်အိတ်ထဲ ထည့်ရမှာလဲ ငါမရူးဘူးဟဲ့"
"တော်တော် ဒါသမီးကလစ်လား သေချာကြည့်ပါဦး "
"ဟုတ်ပါတယ်ဆရာမကြီး ဒီကလစ်က တန်ဖိုးရှိတယ်ဆိုတာထက် မေမေမွေးနေ့လက်ဆောင်ဝယ်ပေးထားလို့ပါ"
"ဟုတ်ပါပြီ ရော့ သမီးလည်းနောက်ဆို တန်ဖိုးကြီးတာတွေ ကျောင်းကို ဝတ်မလာခဲ့နဲ့ ....လိုက်ခဲ့ လက်ဆောင်မွန် ငါ့ရုံးခန်းကို"
YOU ARE READING
မင်းရဲ့ပိုင်ရှင်
Romanceလက်ဆောင်မွန် (အရုပ်လေး) ဆိုတဲ့ မွေးစားခံ ကောင်မလေး နဲ့ သူမကို မွေးစားတဲ့ ကိုကို သောကရှင်းတို့ကြားက သံယောဇဉ်နဲ့ချစ်ခြင်းမေတ္တာကို ပုံဖော်ထားတာပါ လက္ေဆာင္မြန္ (အ႐ုပ္ေလး) ဆိုတဲ့ ေမြးစားခံ ေကာင္မေလး နဲ႔ သူမကို ေမြးစားတဲ့ ကိုကို ေသာကရွင္းတို႔ၾကားက သံေယာဇ...
