"ဟို ဒီဒဏ်ရာက ချော်လဲလို့ ဒဏ်ရာရတာပါကိုကို"
သူမ ဒေါ်မေကြည်ကို မသိမသာ ငဲ့ကြည့်ရင်းဖြေလိုက်တော့ ဒေါ်မေကြည်က
"ဟုတ်တယ်သားရေ သမီးလေးကအမြဲယှက်ပြာယှက်ပြာနဲ့ အန်တီဆေးလိမ်းပေးထားပါတယ် နော်သမီးလေး"
ဟု သူမလက်ကို လာကိုင်ပြီး ပြောလိုက်သဖြင့် အရုပ်လေး ခေါင်းညိမ့်ပြလိုက်ရသည်။
"ဟုတ်ပါတယ် ကြီးကြီးကအရမ်းဂရုစိုက်ပါတယ်"
"ကဲကဲထားတော့ ရှင်းလည်းနားတော့လေ ခရီးပန်းလာမှာပေါ့ "
ဦးမင်းငယ်ပြောလိုက်လျင် သောကရှင်းအရုပ်လေး၏ ခေါင်းကို ဖွဖွပုတ်လိုက်ကာ အပေါ်တက်သွားသဖြင့် ဦးမောင်ငယ်အိတ်တွေသယ်ကာ အနောက်ကလိုက်သွားသည်။ဒေါ်စောက အရုပ်လေးကိုကြည့်နေတာကြောင့်
"ဘာလဲမစော အရုပ်မကိုဘာပြောချင်လို့ကြည့်နေတာလဲ ကြည့်နေကြနော် မဆိုင်ပဲနဲ့ပါးစပ်ဆော့လို့ကတော့ မေကြည့်အကြောင်းသိမယ် ညည်းလည်းသတိထား "
ဟု ဒေါ်မေကြည် အရုပ်လေးကို ခပ်စူးစူးစိုက်ကြည့် ပြောလိုက်ပြီးနောက် လှည့်ထွက်သွားလျင် ဦးမင်းငယ်ပါလိုက်သွားသည်။အရုပ်လေးလည်း အခန်းထဲပြေးဝင်သွားတာကြောင့် ဒေါ်စောစိုးရိမ်တကြီးလိုက်သွားသည်။
"အင့်အင့်အင့်....."
"သမီးလေးး "
"သမီးတစ်ယောက်တည်းနေပါရစေဖွားစောရယ် ကိုကိုက အရုပ်လေးကို ဂရုမစိုက်တော့ဘူး ဒီအိမ်မှာမနေချင်တော့ဘူး အင့်အင့်အင့်.."
"သမီး သမီးလေး တံခါးဖွင့်ပါဦးကွယ် "
သူမတိုးတိတ်စွာပြောပြီး ဒေါ်စောက်ိုတံခါးဖွင့်မပေးဘဲ တံခါးနားကခွာကာ အိပ်ယာပေါ် မှောက်ပြီး ကြိတ်ငိုနေလိုက်ပါသည်။
🌿🌿🌿🌿🌿🌿🌿🌿🌿🌿
ကျောင်းပြီးသွားပြီဖြစ်သည့်အတွက် အလုပ်ထဲကို အာရုံနှစ်ပြီး စီးပွားရေးတိုးတက်အောင် စိတ်ရောကိုယ်ပါကြိုးစားလုပ်ကိုင်နေသည်။ဦးမင်းငယ်သည်လည်း ရောယောင်ကာအလုပ်သည်ဟုထင်မြင်အောင် ခြံထဲကိုနေ့တိုင်းဆင်း သူ့အရှေ့ရောက်ရင် အလုပ်ကြိုးစားတဲ့ပုံစံနဲ့အလုပ်သမားတွေကို ခိုင်း သူပါဝင်လုပ်တတ်သည်။
YOU ARE READING
မင်းရဲ့ပိုင်ရှင်
Romanceလက်ဆောင်မွန် (အရုပ်လေး) ဆိုတဲ့ မွေးစားခံ ကောင်မလေး နဲ့ သူမကို မွေးစားတဲ့ ကိုကို သောကရှင်းတို့ကြားက သံယောဇဉ်နဲ့ချစ်ခြင်းမေတ္တာကို ပုံဖော်ထားတာပါ လက္ေဆာင္မြန္ (အ႐ုပ္ေလး) ဆိုတဲ့ ေမြးစားခံ ေကာင္မေလး နဲ႔ သူမကို ေမြးစားတဲ့ ကိုကို ေသာကရွင္းတို႔ၾကားက သံေယာဇ...
