ကျောင်းပြန်ဖွင့်ပြီမို့ မင်းဘုန်းမြတ်ရန်ကုန်ကို ပြန်လာခဲ့သည်။သူရောက်နေမှန်းသိတော့ စိုင်းရာဇာရောက်ချလာသည်။ပန်းရုံမှာ သူနဲ့အတူမနေဘဲ သန်လျင်မှာ အဆောင်ငှားနေသည်။သူမက သန်လျင်က နည်းပညာတက္ကသိုလ်မှာ ဗိသုကာပညာအထူးပြုနဲ့တက်ရောက်နေတာဖြစ်သည်။
"ဘယ်လိုလဲ အဆင်ပြေခဲ့တယ်မို့လား"
အိမ်ပြန်ရင် အရုပ်လေးကို ဖွင့်ပြောမယ်လို့ ပြောပြထားသည့်အတွက်မေးလိုက်ခြင်းဖြစ်သည်။ခေါင်းခါပြလိုက်တာကြောင့် ရာဇာ အံ့သြသလိုပြုရင်း ဟက်ဟက်ပက်ပက်ရယ်ချလိုက်သည်။ပြီးနောက်...
"အဟား ဒီခေတ်မှာ အဲ့လိုမိန်းကလေးတွေကျန်နေသေးတာလား၊ ဒါမှမဟုတ် မင်းပဲညံ့တာလား ဟမ်"
"မင်းမသိပါဘူး သူက သူများနဲ့မတူဘူး အနေအရမ်းအေးလွန်းတယ် အချစ်ဆိုတာ ဘာမှန်းတောင်သိမှာမဟုတ်ဘူး ကျွတ် "
"ကျွတ်မနေနဲ့ဟိတ်ကောင် သူကတော်တော်လှတာနော် ဒီကလ်ို makeup တွေ ထူနေအောင်ဖို့ အတုတွေတပ်ပြီး လှတာမျိူးမဟုတ်ဘူးကွ သူ့အလှကသဘာဝကပေးတဲ့အလှစစ်၊ မင်းနောက်ဆုတ်လိုက်လည်း ရှေ့တိုးချင်တဲ့ကောင်တွေက တစ်ပုံချည်း၊ အတွေးမမှားနဲ့နော် နောက်မှ နောင်တတွေရနေမယ်"
"နောက်ဆုတ်ဖို့တော့ စိတ်မကူးပါဘူး၊ ဒါပေမဲ့...."
"မဲ့မနေနဲ့ ရအောင်လိုက်၊ အဲ့ဒါခဏထားလိုက်ဦး မင်းကိုအရေးကြီးပြောစရာရှိတယ်"
"ဘာလဲ"
"မင်းငါ့ကို မထိုးပါဘူးလို့ အရင်ကတိပေး"
"မပေးဘူး "
"မင်းကလည်း ထားပါတော့၊ ဒီလိုကွာ မင်းပြန်မလာခင်က ပန်းရုံနဲ့ငါတွေ့တယ်ကွ "
"တွေ့တာပဲအထူးအဆန်းလုပ်လို့"
"ဟာ ဒီလိုကွာ ငါဒဲ့ပဲပြောတော့မယ် ငါနဲ့ပန်းရုံနဲ့ချစ်သူတွေဖြစ်နေကြပြီ"
"ဘာ! ဘာပြောတယ် "
"စိတ်မဆိုးပါနဲ့သူငယ်ချင်းရာ ငါရုံ့ကိုတကယ်ချစ်တာပါ နော်ဟေ့ကောင်"
"ရုံကမင်းကိုတကယ်ချစ်တာကောသေချာလို့လား မဖြစ်နိုင်တာ၊ သူမင်းအပေါ်ဒီလောက်အမြင်ကပ်နေတာကို"
YOU ARE READING
မင်းရဲ့ပိုင်ရှင်
Romanceလက်ဆောင်မွန် (အရုပ်လေး) ဆိုတဲ့ မွေးစားခံ ကောင်မလေး နဲ့ သူမကို မွေးစားတဲ့ ကိုကို သောကရှင်းတို့ကြားက သံယောဇဉ်နဲ့ချစ်ခြင်းမေတ္တာကို ပုံဖော်ထားတာပါ လက္ေဆာင္မြန္ (အ႐ုပ္ေလး) ဆိုတဲ့ ေမြးစားခံ ေကာင္မေလး နဲ႔ သူမကို ေမြးစားတဲ့ ကိုကို ေသာကရွင္းတို႔ၾကားက သံေယာဇ...
