Oy, may tsika ako. Tutal at wala ka namang ginagawang importante sa
buhay mo, pagtuunan mo na lang ito ng pansin. Alam mo ba kung tungkol
saan itong itsi-tsika ko? Ay malamang hindi. 'Wag kang mag-alala,
pampahaba lang 'yan ng istorya. Alam mo ba 'yong segment ni Madam
Bertud na lagi niyang sinasabi ay walang logic logic sa pag-ibig? 'Wag
ka ulit mag-alala dahil hindi ito tungkol sa kinaiinisan mong pag-ibig
stories. Ito ay tungkol sa akin. Tama ka ng basa, tungkol nga sa akin
ito. Hindi sa kapitbahay mo o sa mga pokpok diyan sa tabi-tabi.
Tungkol nga sa akin, gaga ka.
Alam mo kasi, gala ako masyado. Kung saan-saang lupalop ako
napapadpad. Ngayon nga ay napunta ako sa dalampasigan na medyo malayo
sa barangay namin. Habang naglalakad-lakad ako sa buhangin, may nakita
akong mga kalalakihang kakagaling lang sa laot. Natuwa nga ako sa
nakita kong huli ni Manong. Ang dami kasi at ang gagandang pagmasdan
kasi buhay pa at fresh from the sea. Maihahalintulad ko sila sa tao.
Nakakalungkot nga lang dahil kung ano ang ikinaganda nila sa panlabas,
ay siya rin namang inkinapangit ng ugali nila. Kapag nasa tuktok kana,
pilit at pilit ka nilang ibababa. Parang alimango nga na huli ni
Manong. Pero 'wag ka pa ring mag-alala, hindi 'yan ang ipinunta ko
dito sa dalampasigan. Gusto ko kasing magpasikat sa mga pretty boys
out there na naisipan atang mag-outing dito. Pero hindi pa rin 'yan
ang dahilan ko. Gusto ko kasing mag-isip-isip. May boypren kasi ako,
kasalukuyan kaming nasa hayskul. Inaaya na niya kasi akong tikman ang
luto ni God. Ang totoo, gusto ko ng matikman ang luto ni God. Medyo
natatakam na kasi ako. Minsan nga kapag malapit na ang uwian namin sa
klase, gusto ko na ring ayain siyang tikman ang luto ni God.
Nakakagutom kasing makipag-tsikahan sa mga kaklase mo at
makipag-plastikan sa mga matatalino. Tinanong ko nga siya kanina kung
anong putahe ba ang luto ni God. Gusto ko na kasing matikman 'yon. Ano
nga kayang luto 'yon? Ulam kaya 'yon? Dinuguan kaya na paborito kong
ulamin? Kaso hindi ako sinasagot ng boypren ko, mukha kasing badtrip
siya. Pero wala akong pakialam. Nagugutom ako kanina, e. Pero ha,
marunong palang magluto si God? Siguro nag-aral siya ng Culinary Arts
sa heaven. May University din pala sa heaven? Ano kayang pangalan?
Heaven University kaya? Ang ginawa na lang ng boypren ko, ipinasok
niya sa palda ko ang kanyang medyo mainit-init na palad. Bigla na lang
akong napaigtad, baka kasi may makakita kaya hinigit ko siya papunta
sa sulok ng may pagtatakang mababanaag sa kanyang pogi face. Oo, pogi
ang boypren ko. Mahilig kasi ako sa pogi. Alam mo kung bakit? Syempre
para maipagmalaki ko sa lahat na may boypren akong pogi, ano pa nga
ba? Ayun na nga, naipasok na niya sa bulsa ng palda ko ang kamay niya.
Bigla akong nakiliti sa pagdausdos ng daliri niya sa legs ko kaya
napahagikhik ako. Tapos bigla na lang niyang inalis ang kamay niya.
Hawak na pala niya ang cellphone kong Android na nabili ko sa Sunlight
kamakailan lang. Nakita kong in-open niya ang kaka-download ko lang na
app n'on na kinahuhumalingan ngayon ng madlang tao, ang COC o Clash of
Clans to make the story long. Hinayaan ko na lang siyang maglaro muna
tutal wifi zone naman 'tong school namin. Nagpaalam muna akong pupunta
ng banyo. Ang sakit na kasi ng puson ko, dapat ko ng ilabas 'to. Baka
kasi magka-UTI ako. Gastos pa. Medyo natagalan nga lang ako sa banyo
kasi alam niyo na, babae ako kahit mukhang lalaki. Pagkalabas ko ng
banyo, may nabangga akong lalaki. Napansin kong si Super Crush pala
'yun. Bigla na lang akong kinilig ng makita ko siya, para ngang maiihi
ulit ako, e. Bigla niyang hinawi ang bangs niyang one-sided. Hindi pa
kasi siya nakaka-move-on sa pagiging emo kaya gano'n ang style ng
buhok ni Super Crush, super stylish. Siguro naka-baby oil si Super
Crush kaya naman super oily na rin ng kanyang kwatro-kantong face. Ang
galing, parang Ginebra lang. Kaso sa kasawiang-palad, nilagpasan lang
ako ni Super Crush. Shit, aykenat. Kaya naman bumalik na lang ako kay
boypren. Kaso hindi ko na siya naabutan sa pwesto namin kanina.
Kinapkap ko ang bulsa ko para i-text sana siya kaso nando'n pala sa
kanya 'yong cellphone kong Android na nabili ko sa Sunlight. Kinapa ko
na lang 'yong wallet ko, at puta! Wala din dito ang wallet kong may
lamang singkwenta pesos! Nanakawan yata ako. Gutom na gutom pa naman
ako kaya naglakad na lang ako pauwi. Buti na lang at hindi kalayuan
ang bahay namin kaya mabilis akong nakauwi. Hindi na ako pumasok
ngayong hapon dahil hindi maayos ang pakiramdam ko. Nagtext kasi ang
boypren ko sa cellphone ng mama ko na break na raw kami. Nagpasalamat
pa siya sa cellphone na binigay ko raw sa kanya. Biglang nag-init ang
bumbunan ko at gusto kong maghamon ng away. Ang mama ko nga sana ang
aayain ko ng suntukan kaso baka palayasin ako. Kaya agad-agad akong
lumabas ng bahay at sinikmuraan si Mang Kanor na kubrador ng Jueteng
sa amin. Bigla kasing dumaan sa harap ko kaya siya ang napagdiskitahan
ko. Bago ako umalis, inalok pa niya akong tumaya at baka raw swertehin
ako kaya ang ginawa ko ay sinikmuraan ko siya ulit hanggang sa sumuka
na siya ng dugo. Iniwan ko na siya na agaw-buhay tsaka naglakad-lakad
hanggang sa mapunta na nga ako dito sa dalampasigan para makapag-isip
o kung hindi man ay para makapag-swimming na rin. Maalinsangan na kasi
ang panahon at idineklara na ng PAG-ASA na dry season na raw. Kaya
marami talaga ang papabols dito sa lugar na 'to. Hay, makapag-selfie
na nga lang at baka mapansin nila ako dito. By the way highway, ako
nga pala si Summer.
