' ေဟ့ေကာင္.. ဟိုမွာ မင္းဟာႀကီးလာၿပီ..'
လင္းထိုက္က ေအာင္သူႏွင့္ေက်ာ္ဇင္တို႔ ၫႊန္ျပသည့္ဘက္ကိုၾကည့္မိေတာ့.. မေန႔ညကလို ဆံပင္ကို ခပ္ျမင့္ျမင့္ေျမႇာက္စည္းကာ ဗမာဝတ္စုံ မိုးျပာေရာင္ဝမ္းဆက္ေလးျဖင့္ လြယ္အိတ္ကေလးလြယ္ကာ ခပ္ေၾကာ့ေၾကာ့ေလွ်ာက္လာေသာ ႏြယ့္ကို ေတြ႕လိုက္သည္။ လင္းထိုက္က ေခါင္းတစ္ခ်က္ခါကာ မ်က္ႏွာျပန္လႊဲလိုက္သည္။
' မင္းတို႔မသိဘဲ ေလွ်ာက္မေျပာနဲ႔.. သူနဲ႔ငါက လုံးဝအလက္ဂ်စ္ဘဲ...'
' မင္းနဲ႔သူနဲ႔ စကားေတာင္ေျပာဖူးတာက်ေနတာပဲ..'
' မင္းတို႔မသိတာေလးေတြရွိတယ္..'
' ေဟ့ေကာင္.. ငါတို႔ကူညီရမလား...'
' ဘာကိုလဲ..'
လင္းထိုက္က ဘာမွန္းမသိစဥ္ ဟိုေကာင္ႏွစ္ေကာင္က ဝုန္းခနဲတြန္းခ်လိုက္သျဖင့္ တစ္ဖက္စႀကႍဆီ ခ်ိဳးေကြ႕လာေသာႏြယ္ႏွင့္ တိုက္မိသြားသည္။ ဟိုႏွစ္ေကာင္ကေတာ့ အလိုက္သတိ လစ္သြားေလၿပီ..။
ႏြယ္ကေတာ့ လင္းထိုက္ကိုပင္ မၾကည့္ဘဲ ျပဳတ္က်သြားေသာစာအုပ္ကို ျပန္ေကာက္ကာ ဆက္ေလွ်ာက္သြားသည္။ လင္းထိုက္လည္း စိတ္ကူးေျပာင္းကာ စခ်င္စိတ္ျဖစ္လာသည္။ လင္းထိုက္မွာေတာ့ ဘယ္လိုအစခ်ီ၍ ႏႈတ္ဆက္ရမယ္မွန္းမသိျဖစ္ကာ ႏြယ့္ေနာက္က ကပ္လိုက္လာၿပီး
' မဂၤလာပါ.. မပြတ္ကြၽတ္..'
' ဘာ....'
ႏြယ္က ထိုအသံကိုမွတ္မိကာ မ်က္လႊာပင့္ကာ ၾကည့္လိုက္ေတာ့ ထုံးစံအတိုင္း ပုဆိုးႏွင့္ ရွပ္အက်ႌျဖဴလြလြကို လက္တစ္ဝက္ေခါက္တင္ထားေသာ လင္းထိုက္ကို ေတြ႕သည္။ ႏြယ္ကဘာမွမေျပာခင္ လင္းထိုက္ကပင္ စကားဆက္ကာ
' ကြၽန္ေတာ္တို႔ ထပ္ေတြ႕ျပန္ၿပီေနာ္..။ ဟို.. အဆိုေတာင္ရွိေသးတယ္.. တစ္ခါေတြ႕ရင္ တိုက္ဆိုင္တာ.. ႏွစ္ခါေတြ႕ရင္ ေရစက္.. သုံးခါေတြ႕ရင္..'
လင္းထိုက္ စကားမဆုံးခင္ ႏြယ္က စိတ္မရွည္စြာျဖင့္ ခပ္ျပတ္ျပတ္ ဝင္ေျပာမိသည္။
' ဝဋ္ေႂကြး.. ဝဋ္ေႂကြး...'
ဟုဆိုကာ ခ်ာခနဲလွည့္ထြက္လာခဲ့သည္။
YOU ARE READING
ချစ်ရပါသောနွယ်
Romanceတစ်ပါးသူတစ်ယောက်ကို အမှီပြုပြီးမှရှင်သန်ရတဲ့ဘဝမျိုးကို မင်းသိလား...၊ ခပ်မြင့်မြင့်ရောက်ချင်လွန်းလို့ တွေ့ကရာဖက်တွယ်ပြီး ရှင်သန်ရတဲ့နွယ်မျှင်တွေနဲ့တော့ တို့ကမတူဘူး ကိုယ်ဟာ တိမ်မျှင်တွေပေါ်က စိမ်းမြနွယ်...၊
