جميلتي المجنونه

السادس والعشرون

أسفه علي التأخير بس مكنتش في البيت ♥️
_____________________________
في الليل

جلست نيره وإسراء بجانب رحمه بعدما أتوا لزيارتها وهم يتحدثون في مواضيع شتي.........

ضحكت إسراء وهي تجاوب علي سؤال رحمه الذي وجهته لنيره وهو هل نيره تطبخ....:

"والله يا بنتي آخر مره دخلت المطبخ.....حرقت الكيكه لأ وإيه قال إللي عليها ده شوكولاته كانت هتجلطني.......ده حتي البيضه مش بتعرف تسلقها......"

ضحكت رحمه بعنف وهي تستمع لإسراء بينما نيره نظرت لهم بغيظ....:

"إضحكوا..... بكره وهتقولوا نيره ده طباخه محترفه.....دنا عليا حته سلطه تجنن....."

قالت إسراء بسخريه....:

"أه السلطه إللي مليانه ملح.....ولا البطاطس إللي بتحرق معاكي وتقولي لسه محمرتش......."

ضربتها نيره علي كتفها بغيظ.....نظرت لهم رحمه وهي تضحك بهستيريا.......:

"كفايه....مش قادره...."

أنهت جملتها وهي تنفجر ضاحكه.....قالت إسراء بسخريه...:

"خلاص يا بنتي بطلي ضحك....لنجرح شعور طباختنا العظيمه....."

ولكن رحمه لم تستمع لها وهي تنفجر أكثر في الضحك.... قالت نيره بغضب...:

"إنتوا بتتريقوا عليا....."

قالت إسراء بصدمه مصتنعه...:

"لأ أبدا....هو إحنا نقدر...... إحنا بنتريق يا رحمه...."

نظرت لها رحمه وهي تهز رأسها بلا وهي مازالت تضحك.... نظرت إسراء لنيره قائله...:

"شفتي يا بنتي.....إحنا عمرنا ما نعمل كده...."

قالت نيره بغيظ...:

"أه منا عارفه.....أنتوا هتقولوا..."

توقفت رحمه عن الضحك بصعوبه..... قالت إسراء وهي تسأل رحمه...:

"أه صح.... هو إنتي هتخرجي إمتي...."

نظرت لها رحمه قائله بهدوء...:

"هادي قالي الدكتور قال يومين وهخرج......"

نظرت لها إسراء بمكر قائله....:

"اممم..... أه صح هو إنتي إعترفتيله بحبك...."

نظرت لها رحمه بخجل وهي تخفض نظرها عنها بينما نيره ضربت إسراء بغيظ...:

"يا بنتي سبيها..... خلينا فيكي إنتي قلتي لمازن إنك بتحبيه ولا لسه..... أنا مش عارفه ليه حاسه إنوا الراجل ده هيطفش منك.....كل ما اشوفك معاه بتحسسيني إنك بتتعاملي مع زميلك في الجامعه مش جوزك....."

نظرت لها إسراء بسخرية....:

"يعني أتعامل زيك إنتي وآسر إللي خارجين من مسرحيه روميو و جولييت....... والله يا بنتي آسر ده قمه برود....تشل الواحد...."