كانت مرمية على السرير.. مو قادرة تتحرك .. افتحت عيونها بثقل .. ما اقدرت تحرك راسها .. الصداع قوي .. السلم فك أربطتها .. لكن كل جسمها يعورها .. وإذا حركت يدها أو رجلها يضربها ألم شديد .. المحت سلمان واقف أمام النافذة .. وفي يده سيجارة .. اقبضت يدها على اللحاف .. دموعها نشفت من كثر ما بكت وترجته يوقف .. " وعد مني ﻷردها لك الصاع صاعين " .. غمضت عينها واكتمت بكائها ..
التفت عليها سلمان .. شافها نايمة .. لكنها تتنهد .. قرب من الطاولة اللي مقابل الكنبة .. وطفى سيجارته .. بعدين راح في اتجاه السرير ..
سلمان ببرود : ما أبغى أشوف رقعة وجهك في بيتي .. وولدك بينزل مصروفه في حساب خاص له ..
علياء تتنهد .. وبصوت واطي : ﻷدفعك ثمن اللي سويته دم ..
سلمان : قلتِ شيء ..
علياء : أبغى أرجع البيت ..
سلمان : السايق ينتظرك تحت .. راح يوديك بيت أهلك مباشرة .. وأغراضك وأغراض أختك راح نرسلها لكم .. ما أبغاك تعتبين بيتي نهائياً ..
علياء اسكتت .. سلمان طلع بدون ما يلتفت عليها .. أول ما اسمعت صوت الباب ينغلق .. قامت علياء ورمت المخدة وراه ..
علياء بمرارة : أكرهك .. أكرهك .. وربي ﻷدفعك الثمن غالي .. وعد مني ..
نزل سلمان الى الحديقة .. كان مخنوق يبغى يشم هواء نظيف .. بالغ في اللي سواه لعلياء .. لكنها أذت جود .. واللي يقرب من جود .. جودي أمحيه .. لكن اللي سويته في علياء كبير .. مع أنها تستاهل كل شيء سويته فيها .. الحقيرة .. قعد على احد الكراسي الحجر .. وأسند ظهره على الكرسي .. ورفع راسه يناظر السماء .. شاف القمر بدر .. ابتسم له .. وصار يخاطب القمر .. وصل سﻼمي لجود .. وقول لها اشتقت لها حيل .. خبرها أني أحبها .. أعشقها .. أعشقها حد الثمالة .. ضحك سلمان وهو يتذكر لما جود قالت له " ما أبغاك سكرانه " .. آه جود ..
جود : جنان .. قومي نامي ..
جنان : شلون أنام وانتِ بهالحالة ..
جود : خﻼص هديت وما فيني شيء ..
جنان : بس أنتِ ...
قاطعتها جود : روحي نامي .. تعودت هالموال ..
جنان عند الباب : تراها ما تستاهلك ..
التفتت عليها جود .. لكن جنان طلعت وسكرت الباب وراها .. لفت جود جسمها للجهة الثانية .. وناظرت النافذة .. شافت القمر .. " آه لو يدري وش كثر جرحني .. للحين أحبه .. لو يرضى يسمع لي .. ما ألومه لو تركني .. لكن ما يروح لعدوتي .. آه سلمان ".. غمضت عيونها وهي تدمع ..
ثاني يوم ...
نعيمة باستغراب : شنو ..
سارة : اللي قلت لك ..
نعيمة : يعني طردتها من البيت ..
سارة : ما أدري .. كل اللي أعرفه .. أن سلمى طلبت من الخدم يلمون أغراض علياء وولدها وأختها .. ويرسلونهم لبيت أهلها ..
نعيمة : وعلياء وينها ..
سارة : مو هنا .. أمس طلعت مع سلمى وﻻ رجعت .. وأختها وولدها راحوا لبيت أهلها ..
نعيمة : تقولين أنها طلعت أمس مع سلمى .. يمكن تهاوشوا أو صار شيء بينهم ..
سارة ترفع أكتافها : علمي علمك ..
نعيمة تفكر : أكيد صاير شيء ..
سارة : جايز ..
نعيمة تاخذ نفس طويل : أهم شيء ارتحنا منها ومن مشاكلها .. كل يوم والثاني مسوية لنا مسرحية ..
سارة : ما قصرت فينا ..
نعيمة : أحسن شيء سواه أنه طردها ..
التفتت سارة عليها .. تناظرها باستغراب : من تقصدين ..
نعيمة انتبهت لغلطها : أقصد سلمى ..
سارة : لكنك قلتِ سواه .. بصيغة المذكر ..
نعيمة : يمكن غلطت .. لكني أقصد سلمى ..
هزت سارة راسها .. لكنها ما صدقت اللي قالته نعيمة .. ادخلت الخادمة عليهم .. تقول أن سلمى طالبة سارة تجي لغرفة المكتبة ..
سارة باستغراب : ما قالت وش تبغى ..
الخادمة هزت راسها : نو ..
سارة تكلم الخادمة : طيب الحين بجي ..
