كانت سلمى تدور على الاسوارة !!! مع جود .. ونازلة الى الأرض تدور .. فيما جود قاعدة تدور السي دي .. رن جوالها وهي تدور بين الثيل .. التفتت عليها سلمى .. شافت جود الرقم سمر ..
سمر : ها بشري .. لقيتيه ..
جود تناظر سلمى وتحرك شفايفها سمر .. سلمى هزت راسها وارجعت تدور في الحديقة ..
جود : السلم يدور معي ..
سمر باستغراب : يدور السي دي ..
جود : لا يدور الاسوارة ..
سمر : شلون يدور الاسوارة وانتِ تدورين السي دي ..
جود تنظر سلمى وهي مقبله في اتجاهها : شافني أدورها وعرض مساعدته ..
سمر توها تفهم : أها هو جنبك ..
جود تبتسم : ويسلم عليك ..
قربت سلمى من جود : وش فيها سمر ..
جود : تسأل عني وتطمن بعد اللي صار ..
سلمى تعلي صوتها : لاركن حسابه عندي بس أشوفه ..
جود حطت الجوال على سبيكر .. سمر فهمت وحاولت تصرف الموضوع ..
سمر بتعجب : بتحط عقلك بعقل حيوان ..
سلمى : حيوانك هذا أذى جودي .. ( تضم جود ) واللي يمسها لو بنظرة أنهيه ..
جود وسمر ابلعوا ريقهم ونفس الفكرة اخطرت على بالهم " لو يعرف اللي صار .. الله يستر"..
سمر : الله يهنيكم .. ولا تحاتي مرة ثانية .. راح أحرص أنه يكون مربوط ..
جود : ما عليك منه .. يمزح معك ..
سمر تضحك : أدري بمزحه .. لكن أحيانا يقلب جد .. ويصير عنيف ..
سلمى تدافع : ماني عنيف أنا ..
سمر وجود : صدقت ..
سلمى بتعجب : أشوفكم متفقين علي اليوم ..
سمر تضحك : يعني اذا قلنا الصدق .. نكون اتفقنا عليك ..
سلمى مقضبة جبينها : أنا مو عنيف ..
سمر تبتسم : من يقول ..
جود تبتسم : حبيبي مو عنيف .. just wild
سمر اضحكت .. سلمى رافعة حاجبها : يعني بتكحلينها ..
جود تغمز لها : هيك شيء ..
سلمى بابتسامة عريضة وتهدد : طيب صغير .. (بصوت واطي ) اصبري بس نصير بروحنا ..
جود تغير وجهها فجأة .. وبعدت عن سلمى .. سلمى استغربت ردة فعلها .. طفت جود السبيكر وكلمت سمر بأن راح تكلمها بعدين .. سكرت جود الجوال ..
سلمى باهتمام : وش فيك ..
جود : ما فيني شيء ..
سلمى : بلى فيك شيء .. تصرفاتك مو طبيعية معي .. وكل ما ( امسكت سلمى يد جود .. جود اسحبتها بسرعة .. ) ..
سلمى يدها مقبوضة .. وتعض اسنانها .. تناظر جود " وش فيها .. كل ما اقرب منها تهرب .. وش صاير لها .. كانت طبيعية معي أمس .. واليوم تنفر مني " ..
جود حاسة بنظرات سلمى .. تدري أنها تجرحها بتصرفها هذا .. أخ لو تدري .. راح أخسرك أكيد .. قربت جود خطوة في اتجاه سلمى بتراضيها .. لكنها المحت علياء واقفة بعيد .. تسمرت جود مكانها .. " هذه وش جايبها الحين " .. علياء تاشر براسها ( لا تحاولين ) ..
سلمى مكتفة يدينها : جود وش مشكلتك معي ..
جود عيونها على علياء : قلت لك ما فيني شيء ..
سلمى بانزعاج : لا فيك شيء .. أفهم بس ليه هالنفور ..
جود تناظرها : بس تعبانة .. أنت اللي صاير حساس بزيادة ..
سلمى متفاجئة : حساس .. من اللي صاير حساس .. كل ما اقرب منك تصديني ..
جود تتصنع العصبية : سلم .. انت صاير حساس بزيادة .. قلت لك تعبانة شوي وما لي خلق شيء.. بتسويها مشكلة طويلة عريضة ..
جود مثلت أنها معصبة وتركت سلمى .. وراحت في اتجاه ملحقهم .. سلمى واقفة تناظرها مو فاهمة شيء .. " صايرة عصبية بعد .. اسفهتني ومشت ".. ارجعت سلمى غرفة المكتبة .. علياء من بعيد تراقبهم وتبتسم .. وارجعت ملحقها ..
