نعيمة : وأنت وش دراك ..
غادة : هيك احساس ..
نعيمة : ومن وين جاك هاﻻحساس ..
غادة : من تصرفاتهم .. قبل حتى وهم يغطون حبهم كان باين عليهم .. الحين تحسين في شيء بينهم ..
نعيمة : مثل ايش ..
غادة : صار لهم الحين أكثر من اسبوع .. ما كانهم معاريس .. ما يقعدون مع بعض .. حتى على طاولة الطعام .. سلمان ما يعطي جود وجه .. مع أني أشوفها تراضيه وتتحبب له .. لكنه يتجنبها..
نعيمة : يمكن متهاوشين ..
غادة : شكله .. ﻷني انتبهت وأنا رايحة جناحهم .. أن سلمان ينام في الصالة ..
نعيمة متفاجأة : وش دراك ..
غادة : شفت لحاف ومخدة .. حاولت جود تخفيهم .. بس لمحتهم ..
نعيمة : يمكن غفى على الكنبة ..
غادة : وليه تحرص جود انها تخفيهم ..
نعيمة : الله يهدي سرهم .. عين جاتهم ..
غادة : إﻻ ما اعرف السبب ..
نعيمة : انت ﻻ تتدخلين .. رجال وحرمته .. يحلون مشاكلهم بنفسهم ..
عنود : تستاهلين ..
جود بندم : عنود ﻻ تخليني أتحسف أني قلت لك ..
عنود : قلت لك من قبل .. ما طعتي .. تستاهلين ..
جود : ما صار يعطيني وجه ..
عنود : اعتذرتي له ..
جود : أي .. ما اهتم باعتذراي ..
عنود رافعة حاجبها : ما ألومه ..
جود بحزن : وش أسوي عنود .. تعبت وأنا اعتذر له ما يعطيني وجه .. حتى اذا باسولف معه .. يهز راسه ويطلع ..
عنود تفكر : حاولي بطريقة ثانية ..
جود التفتت عليها : أي طريقة ..
عنود تغمز لها : أنا اللي أعلمك ..
جود تناظرها : ما في فايدة .. جربت ألبس قمصان نوم .. يصد ويمشي ..
عنود تضحك : والله حالتك صعبة ..
ﻻحت عليها جود المخدة : أوه هذا وقتك ..
عنود تمسك المخدة : طيب حاولي باسلوب ثاني ..
جود : أي اسلوب ..
قربت عنود : أسلوب الغنج والتدلع .. ما يحتاج أعلمك ..
جود تفكر " غنج ودلع " ..وتبتسم بخبث نشوف ..
رجع سلمان من دوامه العصر .. وراح الى الجناح .. أول ما فتح الباب .. سمع أغنية نانسي عجرم آه ونص .. ما اهتم .. دخل الجناح .. وراح الى غرفة النوم .. كان الباب مفتوح شوي .. طل من الباب .. وفتح عيونه على اﻷخر .. شاف جود ﻻبسة بدي وشورت أبيض .. وقاعدة تنظف الغرفة .. وترقص في نفس الوقت .. عيونه على خصرها وهو يتمايل .. كانت تنزل وتصعد برشاقة وتتمايل وهي تمسح اﻻباجورة .. " بنت اللذين .. بتجيب أخرتي "..
انتبهت جود لسلمان يراقبها .. وكملت رقص وهي تسمح الطاولة .. وسلمان يراقبها ويبلع ريقه .. كان ماسك نفسه بالغصب .. لو ظل دقيقة زيادة .. بياخذها الحين وباللي عليها .. رجع بشويش .. وفتح باب الجناح وصفقه وراه .. جود اسمعت صوت الباب وابتسمت ..
رمت جود الفوطة على الطاولة .. " هذه الخطوة اﻷولى .. إﻻ ما أجيب راسك سلماني ".. واضحكت وهي تتذكر شلون طلع بسرعة وصفق الباب وراه ..
دخل سلمان غرفة المكتبة .. ورمى نفسه على الكنبة .. " يعني حبكت تنظف الغرفة الحين .. أخ بس .. خصرها لحاله عذاب .. أه اشتقت لك جود .. بس ﻻ .. ﻻزم أعلمها ما تشك فيني مرة ثانية .. وتعرف من الرجال اللي ماخذته .. بس شلون بنام في الغرفة بعد ما شفتها ترقص .. ما أتحمل أكون معها لوحدي .. ما أضمن نفسي .. " صفق سلمان نفسه كفين علشان يصحصح " اصحى لنفسك .. ﻻزم تقوي نفسك .. وين اقوي نفسي .. ونفسي تبيها .. بتجنني هالبنت ..
