جود بدلع : أنتظرك بكرة .. ولا تنسين شرطي ..
سلمى تبوس يدها : امرك قلبي ..
وصلتها سلمى إلى باب الحديقة .. ووقفت تراقبها إلى ان راحت ملحقهم .. سكرت الباب وراحت عند المكتب .. أخذت جوالها واتصلت على الفندق تبعها .. وأطلبت منهم يجهزون لها جناحها ..
اطلعت سلمى من غرفة المكتبة .. واصعدت الدرج بتروح غرفتها .. وصلت سلمى للصالة اللي في الدور الثاني ..شافت غادة وداليا يطالعون التي في .. نادتها غادة .. أشرت لها سلمى تلحقها .. ادخلت سلمى غرفتها ووراها غادة وداليا .. داليا انتبهت أن على قميص سلمى بقع دم ..
داليا باهتمام وتأشر على قميص سلمى : سلامتك سلمى .. وش فيك ..
سلمى تناظر قميصها .. وترفع اكتافها : جرحت نفسي بالغلط ..
ادخلت سلمى غرفتها .. ووراها غادة وداليا .. ادخلت سلمى غرفة الملابس .. ووقفت غادة وداليا في غرفة النوم .. داليا كانت تسرق نظرات لسلمى .. غادة ما انتبهت لها .. اطلعت سلمى لابسة قميص بدون اكمام و سروال تريننغ .. كان القميص ضيق ومفصل جسم سلمى .. داليا تناظرها فاتحة فمها " ما لها صدر .. وجسمها معضل من الذراع إلى البطن .. وااو " ..
ضربتها غادة بكوعها .. التفتت عليها داليا تاشر بفمها : يعور ..
غادة بين اسنانها : أحسن ..
التفتت عليهم سلمى : خير وش عندكم ..
غادة بتردد : احم .. بكرة الخميس ..
اقعدت سلمى على الصوفا : طيب ..
قربت غادة : اذا ممكن اطلع بكرة .. اغير جو ..
سلمى تناظرها : لكنك معاقبة ..
داليا تتدلع : علشاني سلمى .. خليها تجي معنا بكرة .. نغير جو قبل ما تجينا الاختبارات ..
خزتها سلمى .. خافت داليا وابلعت ريقها : انا اسفة .. ما أقصد أتدخل بينكم ..
وقفت داليا ورى غادة .. غادة توهقت : سلمى الله يوفقك .. بعد اسبوع الامتحانات .. وراح ننضغط فيها .. يعني بعد اذنك طبعاً اطلع بكرة .. اغير جو واجدد نشاطي .. بليز.. بليز ..
ناظرتها سلمى مدة : طيب .. بكرة بس .. وحدك الى الساعة 8 ..
غادة بفرح : اكيد .. أكيد
ورمت نفسها على سلمى تضمها .. سلمى لا شعوريا ضمتها .. غادة تذكرت ان سلمى ما تحب احد يلمسها .. لكن لما سلمى ضمتها .. استغربت منها .. لكن حضنها دافي وحنون .. بعدت عنها غادة .. واطلعوا هي وداليا .. اخذت سلمى الاب وافتحته .. واقعدت تشتغل عليه ..
ادخلت غادة غرفتها ووراها داليا .. " أول مرة سلمى تضمني .. هي عادة تقرف من اللي يقرب منها .. او تصده .. لكنها هالمرة غير .. هي صار لها اشهر متغيرة .. صايرة ارق واحن .. صارت تقعد معنا كثير .. وتسولف مع عزيز ويوسف .. كنت دايم اشوف في عيونها حزن وشي ثاني بعد .. كنت اشوف حنان .. حتى لما تكلمنا ببرود .. كانت تستمع للي نقوله باهتمام .. وش اللي غيرها "..
ما انتبهت غادة لداليا وهي تكلمها .. التفتت عليها ..
غادة : ها ..
داليا : لا أنت مو معي ابد ..
غادة تبتسم : إلا معك ..
داليا مكتفة يدينها : وش كنت اقول مساع ..
غادة توهقت : عن طلعة بكرة ..
داليا تناظرها : واضح كنت معي .. كنت اتكلم عن اختك ..
غادة : وش فيها بعد ..
داليا هيمانه : يمه .. لما خزتني بقيت اذوب بمكاني ..
غادة رافعة حاجبها : هذا اللي كنتِ تتكلمين عنه .. صدقيني انك فاضية ..
داليا تاشر بيدها : انا أصلا ما جيت بيتك إلا علشانها ..
غادة تفتح الاب : قلت لك من قبل .. سلمى ما لها في هالموال ..
رمت داليا نفسها على الكنب : مالها في هالموال .. إلا هي الموال كله .. آه ..
رفعت غادة راسها : قلت شي ..
داليا مع جوالها : ولا شي .. أكلم نفسي ..
ناظرتها غادة باستغراب .. وبعدين حطت السماعات في اذنها ..
