صحت سلمى من النوم .. اخذت لها شاور سريع .. اليوم عطلة وبتروح الجم .. وهي نازلة اسمعت اصوات عالية وصراخ .. " أوف هوشة من الصبح " ..
غادة بحدة : احترمي نفسك .. أخوي متربي أحسن منك ومن اللي خلفك ..
علياء بعصبية : متربي طل في عينه .. ليه يلاحق اختي كل ما شافها ..
غادة حاطة يدها على خصرها : والله حنا أحرار في بيتنا .. اختك ضيفة ما لا داعي تتصرف كأن بيت اللي خلفها ..
علياء تاشر بيدها : هذا بيتي .. ولها حق تجي في أي وقت .. ( توجه كلامها لهاني ) وأنت احذرك للمرة الأخيرة لا تتعرض لأختي ..
غادة تطرق باصابعها : أنت هيه .. وجهي كلامك لي .. ما لك شغل مع أخوي ..
علياء تلتفت عليها : شنو هيه .. احترميني أنا زوجة أبوك ..
غادة تناظرها بنص عين : أنت احترمي نفسك قبل .. بعدين أنا احترمك .. طالعي اللبس اللي طالعنا لنا به ..
علياء كانت لابسة قميص نوم حرير سكري وطويل .. لابسه عليه روب .. لكنه شفاف ..
علياء بترد عليها.. لكنها شافت سلمى نازلة.. لابسه عبايتها وشكلها بتطلع ..قربت منهم سلمى ..
علياء واقفة بقميص نوم ( كالعادة ) " ما تستحي هذه .. هاني واقف ولا هامها " .. أختها عبير وراها .. غادة واقفة بوجههم .. وراها عبد العزيز .. وهاني وراه ..
سلمى ببرود : خير .. وش عندكم على الصراخ من صباح الله خير ..
علياء تاشر على هاني : أخوك قليل الأدب يتعرض لأختي .. وحذرته أكثر من مرة ..
هاني بيتكلم .. اشرته له سلمى .. سكت وهو معصب .. غادة بتتكلم تدافع عن أخوها .. سلمى التفتت على علياء ..
سلمى بدون اهتمام : ليه وش سوى بعد ..
علياء تشرح : عبير كانت في المطبخ .. وحضرته كان واقف عند الباب ..
هاني بعصبية : تكذب أنا كنت طالع من المطبخ وأختها كانت نازلة من ...
قاطعته علياء : لا تكذب .. عبير دايم تشتكي لي منك ..
هاني بيتكلم .. اشرته له سلمى بيدها .. تكلم علياء : أختك وش عندها في المطبخ ..
الكل استغرب من سؤال سلمى .. علياء التفتت على أختها ..
علياء تكلم عبير : جاوبي ..
عبير متوهقة : كنت رايحة أسوي لي نسكافيه ..
سلمى : ومطبخ أختك ما فيه نسكافيه ..
عبير سكتت .. سلمى بإصرار : سألتك سؤال ..
عبير بتردد : بلى فيه ..
سلمى رافعة حاجبها : دام فيه .. ليه جاية مطبخنا ..
عبير اسكتت .. علياء بتدافع عن اختها : وش دخل القهوة في نذالة أخوك ..
سلمى تبتسم : تقول انها جاية تسوي نسكافيه .. وين الكوب .. وليه ما سوته في مطبخك ..
علياء : ما فهمت ..
سلمى بنبرة : أختك تكذب وتتبلى على هاني .. ومو غريبة عليكم ..
علياء بحدة : سلمى احترمي نفسك ..
سلمى : محترمة نفسي قبل لا أشوفك .. أنا ما ألبس ملابس ( تقرب منها وتمرر يدها على صدر علياء من فوق إلى تحت .. علياء احمر وجهها ) خاصة برا غرفة النوم ..
علياء بعدت عنها : أنا حرة ألبس اللي أبغاه في بيتي ..
سلمى تبتسم : بيتك مرة وحدة .. اسمعي علياء ..( قربت منها وبصوت واطي ) حركاتك أنت وأختك فاهمتها .. واللي في بالك ما راح يصير .. ( بنبرة ) فيا ليت تاخذين اختك وتنقلعين من هنا.. وما أبغى رجلها ( تقصد عبير ) تعتب عتبة الفيلا .. مفهوم ..
علياء تبلع ريقها : أي بس ..
قاطعتها سلمى : بس ايش .. لا تنسين هذا بيتي .. وانت ساكنه عندي إلى أن يرجع زوجك ..
علياء امسكت يد أختها .. واطلعت بعصبية .. واصفقت الباب وراها ..
سلمى البست نظارتها بتطلع .. هاني يناديها ..
هاني منحرج : مشكورة سلمى ..
