علياء : تعبتك معي ..
سلمى تحط الأكياس : لا تعب ولا شيء .. ( التفتت على علياء تبتسم ) بالعكس غيرت جو ..
قربت منها علياء : حبي .. أطلب منك شيء ..
التفتت عليها سلمى : أمري ..
علياء : ما يامر عليك ظالم .. ( ماسكة يد سلمى ) خليك معي اليوم .. ما شبعت منك ..
سلمى تبتسم : كل هذا وما شبعتِ ..
علياء بدلع : لا .. ما شبعت ..
باستها سلمى على جبينها : مو الحين .. أحتاج وقت ..
علياء تهز راسها : أنتظرك حبي ..
اطلعت سلمى من الملحق .. شالت علياء الأكياس بتوديهم غرفتها .. قابلتها عبير وعيونها على الأكياس ..
عبير تأشر بيدها على الأكياس : وش هذا .. ما ظل شيء في السوق الا اشتريتيه ..
علياء : بعد عمري سلمى .. ما قصرت ..
ادخلت علياء الغرفة .. ووراها عبير .. اقعدت عبير على السرير .. تهز أرجلها .. وتناظر علياء وهي تطلع الملابس وتوريهم عبير ..
عبير باستغراب : الحين سلمى اشترت لك كل هالأغراض ..
علياء توريها ساعة ألماس : شوفي هذه .. ما كنت راح أشتريها غالية .. بس سلمى أصرت تشتريها لي ..
عبير : عوافي علوي ..
علياء : وش فيك تقولينها من دون نفس ..
عبير مكتفة يدينها : الله يهنيك أختي .. بس ماني قادرة أصدق ..
علياء ترتب الاغراض : تصدقين ايش ..
عبير : تغير سلمى المفاجئ .. يثير الشك ..
علياء تتأفف : بدينا بالنكد ..
عبير : أي نكد .. أنتِ اللي عاميتك الفرحة .. ما تشوفين قدامك ..
علياء : وش قصدك ..
عبير : ما استغربت تصرف سلمى معك ..
علياء ترفع أكتافها : تبغى تنسى شينة الحلايا ..
عبير : وأنت راضيه بهالوضع .. أنها تستغلك ..
علياء : أي راضية .. الا ما يجي يوم وتحبني ..
عبير تأشر بيدها : أي .. في الأحلام ..
التفتت عليها علياء معصبة : لا مو في الأحلام .. شوفيها تركت بنت الخدامة ..
عبير : إلا ما تصطلح الأمور بينهم ..
علياء تبتسم بخبث : ما أظن ..
عبير تناظرها : أقص يدي .. اذا ما لك يد في اللي صار بينهم ..
اضحكت علياء .. وكملت ترتيب أغراضها .. عبير تناظرها " يا خوفي ينقلب هالضحك دموع بكرة .. أكيد لك يد في انفصال جود وسلمى .. مهما كان اللي بينهم .. الا ما يرجعون لبعض .. وبتنقلب عليك " ..
الخادمة : مدام مها في صالة ..
نجلاء على الاب : خليها تجي هنا ..
اطلعت الخدامة .. وبعد مدة ادخلت مها غرفة المكتبة .. وشافت نجلاء على مكتبها .. وعيونها على الاب ..
مها : أسفة أزعجتك .. شكلك مشغولة ..
نجلاء عيونها على الاب وتاشر بيدها : بخلص دقيقة .. استريحي ..
اجلست مها على الكنبة : المفروض اعطيك خبر ..
ارفعت نجلاء راسها : راح أزعل منك .. البيت بيتك .. وقت ما تبين تجين ..
قامت نجلاء .. واقعدت جنب مها ..
نجلاء تبتسم : وش تشربين ..
مها بتعب : مالي نفس ..
نجلاء باستغراب : وش فيك مهاوي ..
مها ساكته .. حطت نجلاء يدها على يد مها : مشكلة مع أم زوجك كالعادة ..
مها بحزن : بتصير مشكلة كبيرة ..
نجلاء باهتمام : ليه .. وش صاير ..
مها بتردد : شفت سمر اليوم ..
نجلاء فاتحة عيونها : سمر ..
مها تهز راسها : أي ..
نجلاء : شلون .. أنتِ تتجنبينها من هذاك اليوم ..
مها : نصبت لي فخ ..
نجلاء تضحك : فخ مرة وحدة .. وين قاعدين في حرب جواسيس ..
مها تأشر بيدها : مع سمر كل شيء يصير .. أنا بس شفتها .. قلبي طاح بطني ..
نجلاء : بسم الله عليك .. خبريني وش كانت تبغى منك ..
مها بجمود : كانت تبغاك أنتِ ..
نجلاء : sure. She did
مها أخذت نفس عميق .. وحكت لنجلاء كل شيء صار مع سمر .. كانت نجلاء تستمع بهدوء .. وتهز راسها .. مها ادمعت عينها ..
مها اخنقتها العبرة : انجي .. لو وصلت الصور له .. والله بيطلقني ويحرمني من بنتي .. ما أبغى أخسرها .. ( تصيح ) ..
نجلاء تهديها : ما راح تخسرينها .. سمر ما تسويها ..
التفتت عليها مها : شلون ما تسويها .. هي مهددة لو ما رحتِ لها .. بترسل له الصور ..
نجلاء يدها على جبينها : أولا الصور كانت قبل ما تتزوجينه .. ثانيا ( تزفر وتبتسم ) سمر بدها اياني الي .. الي أنا وبس ..
مها : وانت وش مسوية لها .. من هذاك اليوم .. وما شفتوا بعض .. حتى حفلاتها ما تروحين لها..
نجلاء تسند راسها على الكنبة : لا .. سويت شيء خسيس وقذر .. وهي تحاول تردها لي .. عن طريقك ..
مها مو فاهمة : انجي .. ماني فاهمة شيء ..
التفتت عليها نجلاء : أنا أفهمك .....
