မနက်စာစားပြီးနောက် သက်ပိုင်နှင့်ခွန်ချမ်းသည် အိမ်ထဲမှထွက်ခဲ့ကြသည်။ ဒေါ်သူက အပြင်သွားပြီဖြစ်သဖြင့် အိမ်တွင် သက်ပိုင်နှင့်ခွန်ချမ်းသာ ရှိတော့သည်။ ခွန်ချမ်းက သက်ပိုင်ဘေးမှ အတူယှဉ်တွဲလမ်းလျှောက်နေရင်း သက်ပိုင်အား လှည့်ကြည့်လိုက်သည်။ သက်ပိုင်သည်ကား ကြည်ကြည်လင်လင် ပျော်ရွှင်သောမျက်နှာလေးဖြင့် သူ့ဘေးမှာယှဉ်လျှောက်နေလေသည်။ ခွန်ချမ်းက တစ်ချက်ပြုံးလိုက်ပြီး သက်ပိုင်ရဲ့လက်ဖဝါးလေးကို ဆုပ်ကိုင်ကာ နေပျောက်ကလေးတွေဖြင့် မှုံစီခြယ်ထားသော မြက်ခင်းပြင်ထက် သက်ပိုင်နှင့်အတူ တူညီသောခြေလှမ်းအား ချမိသည်။ နှစ်ယောက်သား တစ်ယောက်ကိုယ်တစ်ယောက် အကြည့်ချင်းဆုံးကြည့်မိရင်းမှ သဘောကျကာ ရယ်မိလိုက်ကြသည်။
"ကျွန်တော်နေရာပြင်ပေးထားတယ်"
သက်ပိုင်က ပန်းများအလယ် သူပြင်ပေးထားတဲ့နေရာကို လက်ညိုးထိုးပြလိုက်သည်။ ခွန်ချမ်းက ခေါင်းညိတ်ကာ သက်ပိုင်ရဲ့စိတ်ကူးဥာဏ်သန်ပုံကို သဘောကျမိသည်။ အရောင်စုံသောနှင်းဆီရုံ၊ ဖြူလွလွ စံပယ်ရုံအပြင် အခြားသောပန်းရောင်စုံတို့ ဝိုင်းဝန်းတည်ရှိနေသော အရောင်စုံစက္ကူပန်းပင်တွေအောက်ဝယ် တည်ခင်းထားသော စားပွဲဝိုင်းလေသည် နိဗ္ဗာန်ဘုံလေးနှယ်။
ထိုလှပသောနေရာသို့ ပျော်ရွှင်မှုများပွေ့ဖက်ကာသွားပြီးနောက် မွေ့ရာခင်းပေါ်၌ မျက်နှာချင်းဆိုင်ထိုင်လိုက်ကြသည်။ ထိုင်ပြီးချင်း လေပြေတစ်ချက်သည်ကား သူတို့ကိုကျော်ဖြတ်တိုက်ခိုက်သွားလေသဖြင့် သူတို့ကိုအုပ်မိုးထားသော စက္ကူပန်းပင်များဆီမှ အဖြူ အနီအပန်းအရောင်စုံသော စက္ကူ ပန်းပွင့်လေးတွေက ပန်းမိုးသဖွယ်ကြွေကျလာလေသည်။
သက်ပိုင်က စက္ကူပန်းပင်အား မော့ကြည့်လိုက်ပြီး ကြွေကျလာပါသော စက္ကူပန်းကလေးတွေကို သူ့လက်ဖဝါးဖြန့်ခံလိုက်ပြီး သူ့လက်ဖဝါးပေါ် နားခိုလာပါသော ပန်းပွင့်ဖက်တို့်အား ပြုံးကြည့်နေမိသည်။ ခွန်ချမ်းကလည်း လေပြေအဝှေ့ မွှေးကြိုင်လာပါသော ပန်းပေါင်းစုံရနံ့လေးရှူရှိုက်ရင်း သက်ပိုင်ရဲ့ပုံစံလေးအား ပြုံးကြည့်နေ၏။ သက်ပိုင်ရဲ့အပြုံးလေးသည် အရောင်အသွေးစုံသောပန်းပေါင်းစုံထက် လှပလွန်းသည်။
YOU ARE READING
ကျွန်တော့်ရဲ့ Artist san (ကြှနျတေျာ့ရဲ့ Artist san)(Completed)
Romanceခြန္ခ်မ္းၿငိမ္း ႏွင့္ သက္ပိုင္သူ ခွန်ချမ်းငြိမ်း နှင့် သက်ပိုင်သူ