حكاوى «romantic »

_بعد الأسر٣_

الجزء التالت

الأخير

لسانى أتشل من الصدمة,أحمد مات يعنى الأمل اللى عيشتله أنطفى,انا مكنتش بسأل عنه بس كان وهجة أمل جوايا
وكله من ... حمزة ...حمزة السبب لو كان قالى إنه فى خطر كنت حتى روحتله, كان يقدر ينقذه, أكيد دى كلها خطته
بس ليه؟؟
_واقفة لوحدك ليه يا رقية ... تعالى سلمى على مامتك حتى ...رقية ...يارقية
=روحنى
_أروحك إيه ...أنتِ كويسة؟؟
=انا عاوزة أروح بدل ما تكون فضيحتك قدام الناس
_أنتِ أكيد جرا لعقلك حاجة واعية بتقولى إيه

طلعت وسيبته وهو كان ورايا لحد ما طلعنا برا القاعة.

_أستنى يا رقية
=نعم
_فى إيه
=فى إنك إنسان كداب وقاتل ومجرم ... فى إنك حبكت خطتك بنجاح ...أحمد أسير مع الجيش ولازم نتجوز ده وصانى عليكِ وانا زى الهبلة أصدق ... وأما اسألك تتهرب ...منك لله

زقيته بقوة كنت بضرب بكل غضب جوايا
=ياريت كان أنت اللى موت مش هو
_أهدى يا رقية
الغريب إن حمزة ثابت زى الصخر, بيستقبل منى إتهامات و ضرب وبيحاول يضمنى فزقيته
=أبعد عنى وعن طريقى ورقى طلاقى توصلى وده أكرملك ...حسبى الله ونعم الوكيل فيك

مشيت مع ماما وبابا وحمزة قالهم إن نفسيتى تعبانة شوية ولما روحت ماما حاولت تفهم اللى حصل بس انا مقدرتش أتكلم, وعدت فترة حمزة كل يوم يحاول يكلمنى أو يكلم بابا لكن كنت برفض لحد ما بابا دخل بعصبية.
_انا نفسى أفهم سايبة بيت جوزك ليه؟
=جوزى! ...هو مقالكش إن طالبة الطلاق
_ليه ... كل ده عشان خبى عليكِ موت أحمد
=أنت كنت عارف؟! ...حتى أنت يابابا
_اه كنت عارف حمزة قالى و خاف عليكِ من الصدمة قال يهيئلك الجو
=يهيئلى الجو شهرين ... شهرين عايشة على أمل إن أحمد راجع وهو بيكدب
..شهرين فى عصمة راجل كل اللى بيربطنى بيه مات
_الحى أبقى من الميت يابنتى ,وانا مش هلاقيلك أحسن من حمزة خلقًا و عقل ...حاولى تبدأى معاه من جديد مش يمكن ده نصيبك
=للأسف يا بابا نصيبى مات

مكنتش عارفة انا ببكى ليه, يمكن عشرة أحمد وحبه ليا صعب عليا إن خونته ولا عشمى فى حمزة اللى كذب عليا
=وانا مش هخونك يا أحمد

تانى يوم قررت أروح لَـ أحمد المقابر دعيتله وأشتكيتله من اللى حصل, بررتله إن مش السبب بس أحساسى بالذنب من أشتياقى لحمزة وبيتى أو بيته , فرحتى بغيرته عليا ... مشاكلنا و خناقتنا الكتير, وحتى لما كان بيصالحنى, طردت كل أفكارى وخرجت من المقابر.
_أستنى يا رقية
=أنت؟! ... بتراقبنى بقا
_ممكن تدينى فرصة ...تعالى معايا نقعد فى أى حتة نتكلم
بصيت لساعتى=نص ساعة بس

هز راسه وأخدنى وروحنا كافية قريب.
_حقك تزعلى عشان كده سيبتاك الوقت اللى تراجعى نفسك فيه
=أراجع نفسى فى أيه
_فى علاقتنا!
=الأمر محسوم ... ده جواز وقتى والكل عارف بكده
_انا مش كداب ولا خاين زى ما قولتى...
أحمد كان أخويا مقدرش أخونه و أنتِ مراتى مقدرش أصدمك... كنت بحاول أهيئك لحياة من غير أحمد