حكاوى «romantic »

عروس للبيع2

#عروس_للبيع2

مكنتش عارفة أتصرف إزاى قوته فاقت قوتى بمراحل,لحد ما شديت سكـ.ـينة وغرزتها فى بطنه,لقيته وقع على الأرض, قعدت جنبه...انا قاتـ.ـلة ...قتـ.ـلته,صرخت بصوت عالى ... أنت السبب...أنت اللى أضطريتنى,كلمات كتير برددها وانا قدام وكيل النيابة...خالد أنصدمت لما لقيته, كأنى بتعاقب على إنِ سيبته.

_ممكن تهدى ...هات ماية يابنى
=قتـ.ـلته ...انا قاتـ.ـلة
_أشربى الماية وقولى اللى حصل
إيدى كانت بترعش,بصيتله لقيته زى ما هو ماتغيرش يمكن اللى أتغير أنه حاد حاد جدًا وشكله يخوف,حكيتله كل حاجة من ساعة ما مشى من عندنا لحد اللحظة اللى قاعدة فيها.

بصلى بلوم_شوفى انا هساعدك على قد ما أقدر بس التحقيق لازم يكمل ولحد ما يكمل لازم تتحجزى على ذمة القضية
=س...سجن!!
هز راسه وبعد ما الأجراءات خلصت قام_شوفى يا هنا انا عارف انك مظلومة
مش هتخلى عنك زى ما أنتِ فاكرة
...الليلة هسيبك تباتى فى مكتبى لحد الصبح ماتتصرفى فى حد يدفعلك كفالة

فضلت طول الليل بعيط بحرقة لحد ما الصبح طلع ولقيته داخل المكتب بروتينة.

_شاويش جمعة دخل الست فاطمة
=ماما ...مااما انا مظلومة والله مظلومة
'حرام عليكِ يبنتى عملت معاكِ إيه ... هو إيه اللى هيحصلها يا خالد بيه بنتى مش هتخرج؟؟
_للأسف لازم نكمل التحقيق لحد ما نثبت
براءتها وإنها قتلت دفاع عن نفس ولحد الوقت ده هتتحجز على ذمة القضية!!
'طب والعمل أبوس إيدك يبنى بنتى متدخلش سجن ... دى عمرها ماعملت حاجة وحشة!!

الكفالة أتدفعت ومعرفناش مين دفعها لكن بعدين عرفت مين دفعها...خالد
,والقضية أتقفلت دفاع عن الشرف والنفس بعد إثبات الأدلة.

'خدى كلى ألا تموتى وتتحسبى عليا ذنب
=أنتِ لسة برضوا مصدقة إنِ روحت معاه بإرادتى ... والله ضحك عليا
'أخرسى مش عاوز أسمعك ...كلامك نفسه بيخلينى عاوزة أقتلك وأرتاح من فضيحتك,أنتِ ربنا بلانى بيكِ
....
=ماما كل يوم كانت بتسمعنى من ده كتير,حتى أختى بقت بتبعد ولادها عنى كأنى بقيت وصمة عار فى حياتهم,خلاص
مش هقدر أكمل حياتى يا دكتورة

كنت بكلم دكتورة رغدة دكتورة نفسية عرفتها عن طريق واحدة صحبتى وبيقولوا متميزة فى شغلها.

ردت بكل هدوء"ده مش حل يا هنا, الحل
إنك تواجهى حياتك بعد اللى حصل,
مانكرش إن ده صعب بس تقدرى عليه وأنتِ قوية,الهروب مش هو الحل,جربتى
تثبتى للكل إنك الصح

=وإزاى الناس كلها بتتكلم عنى
"اللى يتكلم يتكلم,فكرى فى اللى يهمك, حسسيها إنك محتاجاها تسمعك,أحكيلها مرة وأتنين,أرجعى مارسى حياتك بشكل طبيعى كل حاجة بتتنسى وبتروح وعمرك كمان هيروح بس هيروح فى أيه؟؟
...بلاش تظلمى نفسك.

طلعت من عند دكتور مى وكانت هى معايا بتكلمنى وتأكد عليا لحد ما لقيته واقف مستنى ومعاه بنته,أيوة هو خالد
حضنها قدامى وبعدين سلم عليا.

"أنت تعرف هنا يا خالد؟؟
_اه معرفة قديمة هبقى أحكيلك عنها
=انا همشى ...شكرا يا دكتور رغدة
_أستنى يا هنا...محتاجة أوصلك
الدموع مليت عينى=لاء ...مش محتاجة

جريت على برا وسمحت لدموعى تنزل, أكيد أتجوزها ده بيحضنها قدامى, إزاى حبها مش كان بيقول إن عمره ما هيحب,
كدب عليا وخدعنى!!

=ثانية انا ليه مضايقة ... لالا انا محبتهوش هو مجرد ساعدنى فى القضية
وبس!!

قررت أرجع تانى لحياتى القديمة,وكنت شغالة على الماجستير وشغلى اللى نقلته لمستشفى تانية.

*مش أنتِ الممرضة اللى جاية جديد؟؟
..انا خلود ممرضة هنا فى الشيفت
=أه أزيك انا هنا
*لقيتك مبتقعديش معانا فقولت أرذل عليكِ وأجى أقعد معاكِ ...لو مفيهاش رذالة

أتكلمنا كتير لحد ما بقينا صحاب وحكتلها عن حياتى بس مش اللى حصل, وانا طالعة من الشغل لقيت حد بينادى.

_هنا ..هنا
=سهيلة؟؟
~هنا ماما تعبانة اوى يا هنا ودتها المستشفى اللى جنب البيت ومحتاجة عملية ...ممعيش يا هنا

جريت بسرعة على المستشفى ومعايا سهيلة,مامتى مريضة كلى من زمان والدوا والغسيل كان مخليها عايشة.

=خير يا دكتور
_للأسف مامتك محتاجة متبرع بكلى ضرورى لان الكلية الوحيدة اللى موجودة أتلفت!!
=متبرع؟؟ ...وده هيكلف كام
_العملية هتعمل خمسة وتمانين ألف أما بالنسبة للمتبرع فممكن ياخد ٣٠الف
=انا ...انا هتبرع بكليتى

عملت التحاليل ولقيت انه ينفع بس لازم حساب المستشفى,الوقت كان بيعدى والخطر بيزيد دورت على كل اللى أعرفهم ومجمعتش ربع المبلغ حتى,مفيش غيرها,دكتورة رغدة.

"أيه ده هنا؟؟
=دكتورة رغد عشان خاطرى ساعدينى انا والله ما بشحت
"إهدى بس فيه إيه
=ماما يا دكتورة ماما بتموت لازملها ٨٠الف عشان العملية
"طيب أهدى انا هاجى معاكِ

بعد العملية  عرفت ان الحساب أدفع كله.

=شكرا اوى يا دكتورة والله هدفعهملك قريب اوى
"أيوة بس انا مدفعتش حاجة
_حمدلله على السلامة يا هنا
=خالد
"خالد هو اللى دفع فلوس العملية ...انا لازم أمشى دلوقتى باى يا حبيبى
رغدة مشيت ولقيته قعد جنبى وبنته على أيده.
=دى بنتك؟؟ ...حلوة أوى وشكلها حبت رغدة
_هى بتحبها من زمان...زى ما بتحبك
=رغد بنت طيبة وتستاهلكوا
_طيب بتعيطى ليه دلوقتى وبعدين ما أنتِ كمان تستاهلينا
=انا أسفة إنِ رفضتك بس هيفيد بأيه أنت خلاص أتجوزت وأكيد رغدة أحسن منى على الأقل مش عليها شبهة ولا رفضتك زيى
_رغدة إيه رغدة ...رغدة أختى
=أختك!!
_كانت عايشة فى لبنان ولسة راجعة
=أيوة صح دى قالتلى أنها لسة راجعة من لبنان بس...
مسح شعرى_تتجوزينى يا هنا؟؟
=انا أتجوزك!!
_اه ...فكرى براحتك يا هنا
=موافقة

بعد العملية بأيام خالد أتجوزنى,دخلت البيت وانا مكسوفة جدًا وهو كان ورايا,
صمت تام ومحدش بيتكلم فينا انا قاعدة ومستنياه يجى وهو دخل أوضة وفضل فيها كتير لما زهقت دخلتله لقيته أبتسم
بس أبتسامة فيها حزن كبير,باس راسى
وقال_الف مبروك يا هنا
=هو..هو بنتك مجتش معانا ليه
_فرح مع ماما النهاردة ومن بكرا هتيجى
انا هنام هنا والأوضة التانية أوضتك أنتِ وفرح

أندهشت من كلامه بصيت على الأوضة لقيت صورة مراته واخدة الحيطة كلها!!
=دى مراتك!!

#يتبع
#إسكريبت
#سارة_بكرى