يوسف قرب و عينه بتطق شرار، و مسك وشى بكل قوة
- انتى الوحيدة اللى معاطى سرى
=يوسف متأذنيش انا فيروز حبيبتك...و...و أنت معملتش حاجه ده أنت أنقذتنى منها ...أنت مش مجرم يا يوسف هى اللى مجرمة
-أيوة أيوة هى اللى كانت هتأذينا و ده دفاع عن النفس...لازم نخفى كل حاجة و لو حد سأل عنها نقول...نقول...سافرت عشان تدير فروع الشركة برا
يوسف حفر الأرض و أخفى رغدة و عدت الأيام و كل يوم خوفى بيزيد من يوسف و إيهاب ما كنش بيبطل يدور فى حقيقة أختفاء رغدة لحد ما أتبعتله من رقم رغدة رسالة انها أتشغلت فترة و أنها مش هتقدر تكون معاه بسبب شغلها الجديد اللى بيمنعها تتجوز عدو مديرها!!
_مبروك يا عروسة
= أنت اللى وصلتنا لكده يا إيهاب لما صدقت رغدة ...رغدة كانت السبب أنها تفرقنا عن بعض هى اللى دبرت كل حاجة هى و ..
_أخرسى انا عارف كويس انك كدابة و ان كلمة منك ل يوسف خلته يضحك عليها بالفلوس
قربنى و همس فى ودنى_انا عارف كل حاجة و مش عبيط
بصتله بذهول قطعه صوت يوسف اللى كان ورا الباب و أول ما شاف إيهاب قرب و حضنى بكيد.
-ما تعشمش نفسك يا حضرة الظابط زى ما أتعشمت أخر مرة فاكر
يوسف بصله فى عينه و أبتسم و إيهاب عينه أتملت غل و أنتقام
_قريب هنعرف مين اللى أتعشم!!
الفرح بدأ و كان كبير بدأ و زفة لايقة برجل الأعمال يوسف الشرقاوى
شوفت كل حاجة من البلكونة قبل ما أظبط نفسى، فجأة حسيت إن قلبى بيتقبض لما عرفت إن يوسف جايب مئذون و ناوى يكتب الكتاب!!
فلاش باك قبل الحفلة بساعة كنت داخلة المكتب الل هو نسى يقفله.
-بقولك أسمع منى أنت هتجيب الليلة مئذون و بعدها تشوفلى دكتور يخلصنى من اللى فى بطنها ده...فيروز لازم تكون تحت رحمتى و إيهاب كمان لازم نخلص منه و الليلة
يوسف كان مظبط كل حاجة و أجل الخطوبة و وقتها كنت فكراه لسة مصدوم من اللى عمله بس هو كان بيعمل كده عشان عدتى تخلص و يعرف يتجوزنى!!
=إيهاب!!...لازم أروح لإيهاب و أعرفه كل حاجة
نزلت من الباب اللى ورا و أخدت تاكسى بسرعة على المكان اللى متأكده هلاقيه فيه..فيلا إسكندرية!!
فى الحفلة الكل مستنى و الكل بدأ يتكلم و يقول ان الزمن بيعيد نفسه و اللى بيتريق و يوسف كان مضايق و غضبان جدا، و مسك موبايله و لسة هيرن على فيروز أتبعتله فيديو خلاه يتجنن، و هو بيقضى على رغدة و بعد كده أخفاها، رسالة كمان أتبعتت!!
"جاه الوقت اللى انا كمان أخد حقى و أعمل فيديو كمان زى ده على العروسة...فيروز...و لو حد شم خبر بحاجة الفيديو ده هيكون فى كل تليفون"
أنت تقرأ
حكاوى «romantic »
Romance-مقولتليش برضوا إيه اللى خلاكِ متأكدة كده إنِ هرجع أبتسمت وقولتله_كل مرة أنت هتجيلى لأن كل مرة أنت البطل, مهما أختلفت هيئتك مهما أختلفت شخصيتك أو القصة فى الأخر انا من ضلعك وأنت بطلى -بحبك...بحبك حتى لما مكنتش أعرفك, بحبك حتى لو كنت بكرهك جوايا جزء...
