حكاوى «romantic »

بنت الريف

_مش هتجوز من هنا يا أمى ده أخر قرار
=أنت عاوز تعصينى وخلاص ... يا ولدى دى زينة البنات فى البلد
_وانا مش عاوز غير مريم ..أمى أى عداوة بين أهلها أحنا ملناش دعوة انا وهى بنحب بعض
=عاوز تتجوز بنت العزايزة اللى قتلوا أبوك
_يا أمى مقتلوش أبويا ... أنتِ بتسمى الخلافات اللى كانت بينهم دى قتل
=كلمة واحدة يا ولدى لو أتجوزت بنت العزايزة هتخسرنى طول عمرك.

انا حمزة عندى ٢٨ سنة عايش مع أمى و أخويا الصغير ثائر لكن انا بشتغل فى أسكندرية دكتور وبحب مريم بنت بلدى ودكتورة معايا فى المستشفى اللى انا مدير فيها.

~إيه يا عم مالك أنت جاى هنا تتخنق
_زهقت يا ثائر ...أمك مُصرة تضغط عليا أتجوز اللى هى عاوزاها
~ما هو بصراحة إنت اللى غريب يا حمزة ...رايح تحب بنت عدو أبوك الله يرحمه أنت ناسى إن ده اللى سرق حق أبوك وكان السبب فى موته
_مش ناسى بس...مريم ملهاش ذنب يا ثائر مريم عارفة إن أبوها ظالم وبعيدة عنه هى وأمها
أتنهد~بص هاود أمك أنت عارف أنها طيبة و هتوافق يعنى ... متزعلهاش يا حمزة دى عندها القلب

رجعنا البيت و طلعت علطول على أوضة ماما لقيتها بتقرأ فى المصحف.

_ممكن نتكلم شوية
=صدق الله العظيم...تعالى يا ولدى

روحت بوست إيدها وهى حضنتنى.
=ياواد ده أنت بِكري يعنى رايدة مصلحتك وبس ...خابر العروسة اللى منقيهالك بنت أدب أيه وأخلاق أيه وبنت ناس محترمة يعنى هتصونك
_ياما ربنا يوفقها مع نصيبها ... مريم كمان محترمة وهتقدر تصونى
=مريم لو أخر بت فى الدنيا مش هتجوزها ... يا ولدى انا معوزاش أزعلك
أبوك قبل ما يموت وصانى نبعد عنهم
_بس مريم ملهاش دعوة بأبوها
=بي أبوها ومن دمه ...يعنى الغدر جواهم
_ياما لاء خالص
=ح...حرام عليك يبنى أنت عاوز تتعبنى ..ليه
_أمه أنتِ كويسة أجيبلك دكتور ...أمه
=لاه ... انا كويسة هاخد الدوا

أخدت الدوا و انا شايفها مُجهدة, مسكت إيدى_انا تعبانة يا ولدى تعبانة ومش باقيلى كتير ...ريحنى انا وعدت الراجل
_حاضر ياما

كان قرار صعب أوى إن أطاوعها بس مكنتش عاوز أزعلها و أخسرها هى ملهاش غيرى أنا وثائر وتعبت لحد ما كبرتنا لوحدها, كانت الأب والأم

_انا يشرفنى أطلب إيد بنتك ا...
=زينة
_اه أطلب أيد بنتك زينة
عمها أبتسم بفرحة_وأحنا نتشرف يا ولدى ...موافقين
أم العروسة_جرا أيه يا حاج خلف مش ناخد رأى العروسة الأول
=الاه مالك يا أم عادل إن مكنتش قيلالك يعنى ...وبعدين أحنا نجيب العروسة وهى تقول رأيها

نادوا للعروسة وللأمانة مهتمتش أشوفها فقومت أرد على التليفون اللى جالى وأثناء ما انا بتكلم سمعت صوت زغاريد
عرفت منه أنها وافقت.

~معلش يا أخويا معرفتش أجى معاكم
...مين العروسة من البلد؟؟
رديت بملل_بيقولوا نقلوا من القاهرة للصعيد ...بيت أهل أبوها
~قصدك مين ... إسمها إيه ولا عيلتها
_مالك أتخضيت ليه ... إسمها ...اه زينة
لقيته أتصدم~معقول
_إيه فى إيه أنت تعرفها؟؟
أتلعثم_ل..لاء معرفهاش ...مبروك يا حمزة
مفهمتش ثائر ماله ومشى فجأة ليه, أبتسمت لما أفتكرت مكالمتها ليا بالرغم إنِ هتجوز واحدة معرفهاش الخميس الجاى بس هرجع أسكندرية وأشوف مريم.

الوقت عدى بسرعة الى أن جات اللحظة اللى رددت فيها ورا المأذون_إنى أستخرت الله العظيم وقبلت زواج موكلتك وأبنتك زينة على كتاب الله وسنة رسوله وعلى الصداق المسمى بيننا عاجله وآجله .
_بارك الله فيكما وعليكما وجمع بينكما في خير
صوت زغاريد كمان وفرح كبير مكنتش حاسس فيه غير إن معزوم فيه, كأنه فرح حد تقيل عليا, حد مش قادر يختار شريك حياته بسبب ماضى.

خلص الفرح وأخدت العروسة اللى المفروض مراتى, أبوها وصانى عليها ومشينا للعربية, كانت حاطة طرحة على وشها.

،،هو أحنا رايحين فين؟!
صوتها كان متردد وخجول جدًا
رديت ببرود_أسكندرية
،،النهاردة؟؟
_وماله النهاردة يعنى؟!
،،قصدى عشان فرحنا بس اللى تشوفه يا دكتور حمزة

دخلنا بيتنا ولحد الأن مشوفتهاش بصراحة مكنتش مهتم أشوف وشها, هى دى السبب فى دموع مريم, اه مريم لازم أكلمها أطمن عليها.

=أحم ... هروح أغير
_ماشى الأوضة هناك أهى

هكملكم انا زينة, انا زينة من بعد ثانوية عامة كان عندى طموحات كتير ، من بعد وفاة والدى عرفنا إننا فلسنا, أينعم مكناش أغنيا لكن كنا فى مستوى متوسط، مكملتش تعليمى بعد ثانوية وسافرت الصعيد نعيش فى بيت جدى مع عايش فيه عمى الكبير ومراتة ووالده لحد ما حمزة جاه وأتقدملى.

دخلت الأوضة وبصيت للبس بخجل, عمرى ما حد شاف شعرى إزاى هطلع قدامه بشعرى, لبست بيجامة رقيقة وسيبت شعرى وفضلت مستنية عشان ينادى بس استنيت كتير وهو مبناديش... قلقت عليه جدًا يارب يكون بخير, طلعت بحذر دورت عليه فى الشقة كلها لحد ما وصلت لأوضة لسة هدخل سمعت.

_صدقينى انا بحبك أنتِ ... مكنتش أقدر أزعل أمى ومتجوزهاش

أتصدمت من كلامه اللى هدنى بل كسرنى أو يمكن من تخالط الأحاسيس حصلى تخدير
#سارة_بكرى
#إسكريبت