#بالصدفة3
=شمس حامل منى
-حا...أيه أنت أتجننت
=ضحى صدقينى انا مش كده...انا مكنتش فى وعيى لما عملت كده...ضعفت
معاها بس...بس لما شوفتك أنتِ حبيتك وعرفت إنك مش زى أى حد...انا أتجوزتها تحت تهديد
-مفيش اى مبرر للى عملته معايا... أنت خدعتنى ...ضيعت عمرى ولعبت بمشاعرى حتى أبويا حطيت راسه فى الأرض
=انا ملعبتش بمشاعرك ...انا حبيتك بجد
بصيت ليونس ومسكت دراعه-انا دلوقتى متجوزة...ومش أى حد ده أخوك
يونس حاوطنى وبصله بجديه''أظن أنت
سمعت الجواب يا أحمد..برا
أحمد بص بغيرة ومشى,بصيت بخجل ليونس وبعدت أيده-أسفة يا يونس...كان
لازم يتحرق قلبه
''ناوية على أيه
بصتله بتردد-لما تجاوبنى الأول...ليه عملت كده
''انا أديت حرية لأحمد أنه يعمل اللى عاوزه بس عمرى ما فكرت أنه هيكون بالأخلاق دى ولا هيلعب بشمس وبيكِ
...عشان كده لازم أقرص ودنه وأعلمه الأدب...جولى بجا
سرحت-أقول أيه
''ناوية على أيه
أتنهدت وانا بديه ضهرى-انا عارفة إن وجودى هنا شكلى مش أكتر وحتى جوازنا صورى بس انا مش هرجع لأخوك برضوا
''وأنتِ جاعدة هنا عشان تنتقمى
-أنت عاوزنى أمشى
''أستغفرك وأتوب إليك...انا معاوزكيش تحتكٍ بأحمد
مرة واحدة سمعنا صوت بينادى كانت أم يونس,يونس نزل وانا وراه.
**لولولولى...أهوم العرسان زى القمر...
تعالى يا يونس سلم على جدتك
''أزيك يا چدى
'أزيك يا عبد الحميد...كلك أبوك...دى مراتك
''سلمى على چدى يا ضحى
-أزيك يا عمو
'عمو...كنها من البندر ومحكتليش يا يونس...انا جدك
''انا أسف يا جدى لازم أخرج دلوقتى وهاجيلك بعد ما أخلص
'روح يا ولدى...فين مرات أحمد كمان
**فوق يابا...هنادى الخدامة تعمل الوكل لأول وبعدين تشوفهم
'انا عاوز أكل من أيد حريم عيالك...ولا هما مبيعرفوش يطبخوا
**لاه دى ضحى تعملك أحلى وكل ولا أيه يا ضحى
دخلت عملت الأكل وبعد شوية لقيت شمس كمان داخلة مع أم يونس وسمعاها بتقولها بحدة**أدخلى حضرى الوكل مع سلفتك
-انا هحضره لوحدى مش عاوزة حد معايا
شمس بصتلى وسابت الحاجة بخوف وهى بتمسك بطنها
**شوفى يابتى شغل العند مبيمشيش هنيه...شمس هتعمل معاكِ...أنتوا هنا سلايف أى حاجة هسمعها هتشوفونى زين
شمس دخلت وبدأت تعمل هى الأكل و انا سيبتها وفضلت فاتحة تليفونى بإستفزاز.
،،وه انا هعمل لوحدى كل حاجة...أنى حبلة
-حامل حامل وأنتِ حامل فى رئيس الوزرا وبعدين أنتِ اللى عملتى كده فى نفسك أستحملى...اللى ترمى نفسها لراجل تستحمل اللى يجرالها
،،أجفى عند حدك أحسنلك...انا أشرف منك
شمس زقتنى فمسكتها من شعرها ودار بينا الخناق اللى دخل عليه أحمد وفضل يبعدنا ويزقنى عنها,مرة واحدة لقيت شمس هى اللى فى حضنه.
-أنتوا بتضربونى...عملتوا رباطية عليا وبتخططولى مع بعض
=لا...أيه اللى بتقوليه ده يا ضحى
طلعت جرى على برا وانا بعيط وأحمد ورايا.
=ضحى..ضحى انا أسف
-أنت شايفها كانت بتضربنى وسكت
لقيته مرة واحدة حضنى وبيقول بندم=
متعيطيش يا ضحى...دموعك غالية أوى
زقيته مرة واحدة-أنت ملكش إنك تحضنى كده...المرة الجاية هقول ليونس
يونس جاه والأكل أتحط,اابيت كله كان متجمع يونس وعيلته وأعمامه.
-كُل يا حبيبى ...أحطلك رز...يونس مالك
''ها...لا معاوزش كُلى أنتِ
**كلى يا حبيبتى يونس هياكل وحده
-انا مبسيبش جوزى ياكل لوحده...صح
يا حبيبى
''أحم..صُح
جد يونس ضحك' ده أنت مدلع يا سى يونس...وأنت يا أحمد مش كمت بتجول إنك هتتجوز...فين مرتك
=اا...مراتى...
،،انا مرته يا چدى
'عجايب يعنى ولدك اللى عايش طول عمره فى الصعيد يتجوز من البندر وأنت يا أحمد عايش فى السكندرية تتجوز صعيدية
**أصل ضحى كانت هتت...
''ااا...ضحى يا جدى كانت بتشتغل هنا
-الحب ميعرفش بلاد يا جدو
طلعنا أوضة يونس,وهو كان بيكلم مامته على السلم وبعدين طلع,كنت حاسة أنها هتقوله إنِ كنت فى حضن أحمد.
''ضحى!! ...هو انا قولتلك أيه الصبح
-والله انا ما عملت حاجة وهو....
''كده تعملى راسك براسها...انا قولتلك شمس ملهاش دعوة
-هتنام النهاردة فين
نفخ وأخد مخدته و لحاف ونام على الكنبة كالعادة.
-عمرك حبيت؟؟
''لاه
-عشان كده عمرك ما هتحس بالغيرة اللى كانت جوايا منها
''كلام فاضى...مفيش حاجة إسمها حب
يونس غريب جدا,شخص أحيانا مثقف وأحيانا أعمى فى عصبيته,بالرغم من إنِ بحس كتير بحنيته زى أحمد,أحمد كمان حنين بس مفيهوش شر زى يونس,يونس
جواه شر لأعداءة ممكن يشكك للحظة أنه شرير.
بصيت لقيته نايم فقومت من جنبه ونزلت تحت فى الهدوء,سمعت صوت أحمد بيكلم حد.
=قولتلك متقربلهاش...كفايا اللى عملناه فيها
ردت شمس بزعل،،انا معملتش معاها حاجة هى اللى بتتبلى عليا
=ماشى يا شمس هشوف انا الموضوع ده... وبالنسبة لأكلك بتقعدى معانا ومبتاكليش ليه
،،على أساس أننا أهمك
=اه تهمينى أوى كمان ...كفايا إنك أم أبنى
مرة واحدة وانا واقفة لقيت حد بيضربنى على كتفى بخفة.
'بتعملى أييه!
-جدو!!...انا واقفة عادى فى الهوا
'واللى واجف فى الهوا يجف يتصنت برضوا...اللى مينامش لدلوق وينزل تحت فى السقعة يبقى عشجان
-انا هطلع ليونس
'أيه اللى موجفك تراقبى أحمد!!
-وانا هراقبه ليه
كنت همشى فشدنى'انا شوفتك وأنتِ فى حضنه...قوليلى كل حاجة بدل ما أقول ليونس
اضطريت إنِ أحكيله كل حاجة من الألف للياء وهو كان بيسمع بصدمة وشفقة عليا
'أحمد ولد عبحميد يعمل كده فى بنات الناس!
-دمرنى وسمعتى أتبهدلت قدام الكل...بسبب أنانيته
'ويونس...يونس عمل إيه
-يونس حرمه إنه يرجع الشركة تانى...
وأتجوزنى
'أحمد لازم يتأدب ويدوق من اللى دوقتيه
-انا حاسة إن لوحدى هنا ومحدش معايا
حاسة إن داخلى معركة لوحدى
'بس انا معاكِ يا ضحى.
تانى يوم داخلة لقيت يونس بيلبس جلبيته,ساعدته فى اللبس بكل هدوء.
-مش هتاكل
''لا
-رايح فين
''شغل
حتى متفاجأش من اللى بعمله بالعكس كان جامد فى ردود أفعاله مع أهتمامى بيه وفى يوم كنت واقفة فى البلكونة لقيت اللى بتضربنى جامد.
،،أبعدى عن أحمد...أنتِ أيه مفيش كرامة
-واضح إن انا اللى معنديش ولا أنتِ ملكيش كرامة ولا شرف
،،بعدى عن بجا انا وجوزى ...انا شوفتك وياه ميته...ماسك يدك وبتتكلموا...شوفى يا ضحى لو جربتى تقربى من أحمد مش هتشوفى خير
-أوعدك إنِ هقرب منه لحد ما أرجعله
عشان الكيد يقتلك منى
،،يبقى لازم تشوفى وشى التانى...وأروح أفضحك جدام الكل
مسكتها وبمنعها وهى عايزة تمشى وبتضربنى لحد ما زقيتها عشان أبعدها عنى بس هى مبعدتش بس دى وقعت!!
وقعت من البلكونة!!
#يتبع
#أسكريبت
#بالصدفة3
#سارة_بكرى
أنت تقرأ
حكاوى «romantic »
Romance-مقولتليش برضوا إيه اللى خلاكِ متأكدة كده إنِ هرجع أبتسمت وقولتله_كل مرة أنت هتجيلى لأن كل مرة أنت البطل, مهما أختلفت هيئتك مهما أختلفت شخصيتك أو القصة فى الأخر انا من ضلعك وأنت بطلى -بحبك...بحبك حتى لما مكنتش أعرفك, بحبك حتى لو كنت بكرهك جوايا جزء...
