بالصدفة4
شمس كانت مرمية على الأرض والدم مغطى كل حاجة حواليها,صرخت بكل قوة أمتلكها=شــــــــــــمس....شمس
بصيت فوق للمكان اللى وقعت منه لقيت ضحى واقفة زى الشيطانة,كنت شايفها فى عينى مجرد شيطانة قتلت واحدة ملهاش ذنب فى حاجة!!,شيلت شمس
وجريت بيها على المستشفى والكل ورايا
ساعات بتعدى كأنها سنين,زى السنين اللى عشمت فيها شمس وغدرت بيها وبحبها,الدكتور خرج وانا لحقته قبل الكل وأخدته بعيد.
=مراتى بخير يا دكتور صح!!
£عندها شروخ وكسر فى الأيد والكتف والوقعة خسرتها...الجنين للأسف
عينى دمعت بحسرة والدكتور طبطب عليا وكان هيمشى.
=دكتور أستنى...ممكن متقولش لحد إنها كانت حامل وخسرت الطفل
£ليه!!..هى مش المدام مراتك برضوا
=طبعا...لكن محدش بعرف بحملها كنا عاوزين نعمله مفاجأة ولو جدى عرف أنه مات هيموت أنت عارف إننا صعايدة والضنا عندنا غالى
£انا مقدر ...حاضر
مكنش لازم حد يعرف بحملها,الكل فاكر أنها جوازة عادية مش حل لفضيحة,
لقيت ضحى جاية والخوف مالى وشها.
-أحمد انا معملتلهاش حاجة أحنا كنا بنتخانق وانا بب...
=أسكتى بقا!!
يونس أخدها وبصلى بحدة''لولا إنك فى محنة كنت عرفت أتصرف معاك
عدت أيام شمس فاقت,وانا جنبها مسكت إيدها برفق=حمدلله على السلامة...انا كنت خايف أوى متفوقيش
بصتلى بنظرة عمرى ما هنساها,مش قادر أحدد هل ده ندم على حبها ليا ولا لوم وعتاب,شمس طلبت أنها ترجع ورجعنا البيت فعلا,كانت نايمة لاحول ليها ولا وقوة,الباب خبط قومت أفتح لقيت جدى.
=جدى جاى تطمن على...
لقيته شدنى مروة واحدة وراه لحد أوضته وزقنى فيها.
=فيه أيه يا جد...
ضربنى قلم,لأول مرة أشوف قسوته دى عليا,دايما كنت انا المدلل اللى التعامل معاه بيكون مرفهه.
'جولى يا أبن عبحميد مرتك سجطت ولا لسة
بصتله بصدمة=أنت عرفت!!
'أنت فاكر إنك هتغفلنى كيفهم..انا مفيش حاجة بتفوتنى فى البيت ده...لو مكنتش أعرف أخوك كنت جولت إنك عشان تربية واحدة...أتارى رتيبة معرفتش تربيك وانا بقا اللى هربيك
قعدت على الأرض بندم وراسى فى الأرض,لحظتها عرفت إن البص لتحت وحش أوى وبينكس الراس,أحتمال حتى متقدرش ترفعها,الذنب ضعفنى أوى وبيضعفنى أكتر كل يوم.
'أتكلم يلا جول كل حاچة
=كانت ست البلد...محدش يحلم أنه يبصلها...انا أحمد اللى لما أخطى خطوة باخد قلب كل ست دى رفضتنى...عرفت إنها عاوزة تتعلم وتروح البندر بس أبوها رافض...بعت العرافة لأبوها عشان هو بيقتنع بكلامها وخليتها تقوله أن مستقبلها هيبقى كبير...أقتنع بالكلام ووداها البندر مع أخوها
بصتله لقيت نظراته حامية,قاعد وحاطت رجل على رجل بجمود,حطيت راسى فى الأرض تانى=بكل الحيل خليتها تعرفنى وتحبنى...حبيتها وقولت هى دى اللى هتكون مراتى لحد اليوم ده
........
دماغى بدأت تعيد أحداث اليوم ده من أوله لما أقنعتها تيجى معايا حفلة الشركة عملاها.
=خدى يا شمس
،،اى ده!!...خمرا
=لاء ده ده عصير عليه شوية كحول
،،أنت بتشربه...خابر إنها بتلعن البنى أدم
...حرام يا أحمد ينفع نتجوز وأنت بتشرب خمرا هنجول لعيالنا أيه
=أحنا هنجربها ومنشربش تانى
،،لاه ولو أصريت يبقى روحنى
=أروحك!! أحنا مش بنتشارك فى كل حاجة فيها أيه لو شربتى كباية واحدة
تكونى جربتيها عشان تعرفى طعمها
أنت تقرأ
حكاوى «romantic »
Romance-مقولتليش برضوا إيه اللى خلاكِ متأكدة كده إنِ هرجع أبتسمت وقولتله_كل مرة أنت هتجيلى لأن كل مرة أنت البطل, مهما أختلفت هيئتك مهما أختلفت شخصيتك أو القصة فى الأخر انا من ضلعك وأنت بطلى -بحبك...بحبك حتى لما مكنتش أعرفك, بحبك حتى لو كنت بكرهك جوايا جزء...
