Ishq Hua 💕💕

it's time to show Bhaukal

Urmila ka dance dekh jitne v audience me log the sab ne sitiyon aur taliyon ki bhauchhar lga di .... Urmila v nachne me Magan .... 

Karishma jaise hi Urmila ko stage pe dance karte dekhti hai uska gusse se khun khaul jata hai .... Pushpa ji v Karishma ke gusse ko dekh ke darr jati hai aur kuchh v kehne ki himmat nhi karti hain ....

Karishma- iski maiyaa ki sasu maiyaa.. Aaj isko batate hain hum .... Bahut ho gya iska nautanki ... Aaj isne Karishma Singh ke bhuakal ko amantran (invitation)  de hi Diya ...

Pushpa ji- Karu .... Karu ... Sant ho jayiye .... Hum ... Hum urmila se ghar jaake baat karenge .... Aap abhi gussa mat kijiye ....

Karishma- Amma aap chup rahiye ...  Jab se ye aayi hai isne humara dimaag ka churan kar diya hai .... Aaj isko Aisa sabak sikhayenge ki phir kuchh v karne se pehle 100 baar sochegi ....

Puspa ji Karishma ka gussa dekh ke aur ghabra rahi thi .... Karishma dj ke paas Jake song band kar deti hai ....

Manager- Ma'am .... Aap ye kya kar rahi hain ...

Karishma- Amma oo ... Abhi ke abhi ye sab taamjham uthao aur Kato yaha se ...

Manager Karishma ko pehchan jata hai aur waha se turant bhaag jata hai ....

Urmila stage se gusse me kehti hai ....

Urmi- Abe oo manager .... Tumne gana kyun band kiya .... Abhi toh Urmi form me aayi hi thi .... Aye bajao re ....

Karishma stage pe jati hai aur Urmila ko kheech ke neeche utarti hai ....

Karishma- Gana chalane apni Amma ko kehna ... Aur tumhari himmat kaise hui yaha yeh Tamasha lagane ki .... Jab dekho tab koi na koi kaand karti hi rehti ho. ... Tum Ghar chalo tumhe hum aaj batate hain ....

Public ke beech is tarah se Urmi ko le jaane ki wajah se public bahut jor jor se chillane lagti hai .... Public ko aise bekabu dekh Karishma stage pe jati hai aur Gun se Air firing karti hai jisse sari public saant ho jati hai ....

Karishma- Amma oo topa log ... Bahut hua tumlogo ka ek minute ke andar sab ke sab Kato yaha se ...

Public Karishma Singh ke bhaukal se bilkul v anjaan nhi thi ... Isiliye 5 minutes ke andar pura ground Khali ho jata hai. ...

Karishma Urmila ka hath pakarti hai aur use gaadi me bithati hai ... Pushpa ji v Munna Munni ko leke gaadi ke paas aati hain aur Santu cheeta dono chale jate hain ....

Karishma- Chaliye sab ke sab jaldi gaadi me baithiye ....

Sabhi gaadi me baith jate hain bina kuchh kahe .... Pure raste koi kuchh v baat nhi karte hain ....

Urmi( in mind)- ye tune thik nahi kiya chatak Chandni .... Teri himmat kaise hui Urmi ke program ko aise band karne ka ... Aur ye sab Mai khud ke liye nhi apne bantar logo ke liye kar rahi thi ... 2 din baad unka admission karwane ka hai school me aur tune aise sabke samne apan ki bejjati karke thik nahi kiya .... Khadoos ...

Sabhi log Ghar pahuchte hain ....

Pushpa ji to karishma- please aap apna gussa thora saant kijiye aur Santi se Urmila se baat kijiye .... Hume ummid hai wo aapki baat samjhegi ....

Karishma- Amma aap bacho ko leke unke kamre me jayiye toh ....

Pushpa ji- Lekin Karu. ..

Karishma- Amma humne kaha na ... Jayiye ....

Pushpa ji bina kuchh aage bole Munna Munni ko leke Kamre me chali jati hain ....

Karishma Urmi ka hath tightly pakadke use Apne kamre me le jati hai...