#وحش_روضته_انثي
#حكايات_mevo
البارت الخامس عشر
مر اليوم ودخل يوسف البيت وجده هادئا لا يوجد به حركه ذهب الي حجرتها ولكنها لم تكن موجوده قطب جبينه ليدور في الشقه والشقه المجاوره وهو ينادي عليها .رفع تليفونه يتصل بها ولكن تليفونها كان مغلقا.. احس ببعض الرهبه .دخل مره اخري الي الحجره ملهوفا وجد علي الفراش ورقه موضوعه احس بقبضه في قلبه .اقترب بهدوء ياخذ الورقه فتحها لتظهر حبيبته ويصدح صوتها في قلبه..
..........يوسف.. مش عارفه ومش لاقيه كلام اعبر بيه عن اللي جوايا.. هقولك البدايه كانت حلم... بحلم بوحش يمزعلي قلبي وجنبه صوت بيطمني حلمت باتنين طول حياتي مافارقونيش واحد بيوجعني والتاني بيحاول يطبب قلبي بس مش عارفه بيقولي اصبري وانا بتوجع ومش عارفه اصبر ازاي.. لما قابلتك كنت واحده خايفه مهزوزه لقيت فيك امان الدنيا لقيت فيك الصوت اللي بيظهرلي في حلمي ويطمني.. حبيتك وعشقتك وماعرفش غير اني احبك.. بس لما غرزت سكينتك في قلبي شفتك الوحش في حلمي ايوه انت اللي مزعت قلبي في الحلم انت اللي قتلتني وموت جوايا كل حاجه.. بدل ما كنت بخاف بقيت بترعب.. بدل ما كنت مش حاسه بالامان بقيت بموت في دنيا كل يوم بتغدر وتطعن.. مش عارفه انت ازاي ماحسيتش بحبي يا يوسف هو كان حبي رخيص اوي كده.. والا ده مش حب.. ما وصلكش العشق اللي جوايا ازاي.. دانا كان هاين عليا اعيشلك العمر كله تحت رجليك ترضي وتامر وتتحكم.. بس ربنا ليه حكمه ان يقلبك الوحش اللي عيشت سنين يعذب فيا لتتحول لحقيقه.. انا موجوعه اوي.. عيشت حقيقه موجوعه وخيال موجوعه زي ما يكون اتكتب عليا الوجع وانا اللي عشقت وحبيت.. وراجع تقولي بحبك عارف الصوت بيقولي انا امانك ودنيتك وبيقلي اصبري ومش عارفه اعمل ايه واصبر ازاي صوتك ايوه صوتك معايا في حلمي بس وجودك بيحط الف وجع علي وجعي.. انا جوايا اتنين بيمزعوني واحد بيعشقك.. ايوه يا يوسف بعشقك عشق وماقدرش غير اني اعشقك وماليش حيل غير في كده.. وواحد تاني بيحاول يشيل الغرزه اللي غرزتها جوايا.. انت مادتنيش فرصه انت قررت وخططت لحياتك علي كيفك وانا اتراضي نفسي بنفسي.. لا يا يوسف انا ليا مشاعر بتطحن بعض حتي لو بعشقك عايزه ابعد عشان احس اني ليا قيمه.. انت محسسني اني ماليش حد وانا فعلا ماليش حد يقفلك وياخد باله مني.. انت بتقرر وتنفذ وانا مانطقش.. انا بخاف منك يا يوسف بترعب منك.. ماحدش بيعيش مرعوب وخايف طول عمره.. انا عيشت احلم بالخوف واقوم اعيشه.. بس مش هقدر اكمل كده.. جاي تقولي بحبك واديني فرصه.. كنت اديني انت فرصه وماتقتلنيش كده..اديني فرصه ازعل وانهر علي حالي اديني فرصه اقولك لا وتسكت اديني فرصه احس اني بيتعملي حساب ..نش اسكتي واكتمي ويوسف مايتقالوش ومايتعملوش ..انت عايز تعيش بدماغك وانا اطاطي واسكت حتي في زعلي اطاطي واسكت ..انا تعبت تعبت وجع وخوف ..الحب مع الخوف هيموت وهكرهك وانا مش عايزه اكرهك .. لا انا بعشقك والله بعشقك ..لو جابولي عمر فوق عمر وانعاد الزمن هرجع احبك ولو حصل ايه هرجع احبك لاني ماعرفش غير اني احبك.. بس مش قادره.. حاسه اني رخيصه وماليش حد.. حاسه اني لوحدي.. انت يا يوسف بتحب بطريقه انا ماعرفهاش كنت سيبني انقهر علي حالي سيبلي نفسي اراضيها واعملها قيمه.. سيبلي حاجه اعملها.. يا اخي سيبني اوجعك حتي.. انت مش عارف تسيبني اعمل حاجه.. يوسف يقرر خلاص..انت شخصيتك غير انا ضعيفه وغلبانه وماعرفش اقول لا بس هموت واقول لا كان نفسي تخليني اقول لا في وشك وانت تقول حاضر يا ليان.. ازعلي وهستناكي اغضبي وهستناكي اوجعيني وهستناكي.. انما جبر في جبر وماليش انطق ونازل حب هو كده عندك الحب. انك تستغل ضعفي.. وتتحكم فيا.. انت بتحب بطريقه توجع وانا ماعرفتش. انا بموت اني بعدت وروحي بتطلع.. حضنتك وكلبشت فيك عشان بموت وهموت من غيرك.. بس انت السبب.. انا حاسه بوحده رهيبه ودنيا غريبه.. كنت اديني الامان وحسسني اني مهما زعلت هتدادي وتطبطب مهما غضبت تتحملني.. انت بتطالبني اتحملك وجاي تقولي اتراضي وحاضر وطيب.. ليه ما استحقش ابينلك وجعي وانت اللي تقول حاضر وطيب.. احنا اتنين مالهمش يتقابلو.. حد عبيط وغلبان ومابيعرفش حاجه وحد تاني صعب ومتحكم وما بيعرفش غير الجبر .. يا ريتك فهمتني وادتني وقت اتنفس كنت هتراضي والله كنت هتراضي.. لما اطعنك في قلبك واسيب جرحك مفتوح بينزف واخبيه بغطا وهو بينزف واقول خلاص الجرح اتقفل وبقي كويس انت عملت كده.. بس الجرح بينزف وماتقفلش.. بكتبلك وقلبي بينزف وعيني بتنزف.. بكتبلك وحبي ليك بيموتني عشان هبعد.. ايوه هبعد.. جايز اكبر واتغير.. جايز ابقي مش ليان الطفله االلي بتصدق وتامن.. جايز ابقي طبيعيه ويوم من الايام الاقي الامان.. صوتك في الحلم بيقولي اصبري.. هصبر يا يوسف بس هبعد.. هبعد عشان اتغير واقدر اعيش في دنيتكو انا مش عارفه اعيش.. ماتدورش عليا عشان مش هتلاقيني.. عيش وانساني.. واحد زيك ماينفعش يحب حد ضعيف زيي.. عيش بس اوعي ترجع وحش تنهش حد تاني كفايه كده كفايه اوي.. ما اتمناش لحد يشوف اللي شفته من حد كنت فاكراه حبيب.. حب يا يوسف بس حب بجد وحس بحبيبك ساعتها هتعرف انا اتوجعت اد ايه.. عشان حبيت.. ويا ريتني يا رتني ماحبيت.. لاني روحي طلعت بعد ماحبيت وحبيبي خد روحي انت خدت روحي يا يوسف.. فسيبني في حالي ادور ازاي هعرف اعيش.............
أنت تقرأ
وحش روضته انثي. ميفو السلطان
Любовные романыفتاه رقيقه تخاف من المواجهه تعيش في كنف عمها ليكتب لها عمها كل ما يملك ليوغر صدر ابنه الفاسد ليحضر لها شيطان اكبر ينهش قلبها ليعيد له حقه
