#وحش_روضته_انثي
#حكايات_mevo
البارت الواحد والعشرون
ذهبت ليان الي مكتبها ولم تكن قد دخلته من سنين لتحس بالسعاده صرخت سميه اول ما راتها وجرت حضنتها وجلسا معا لتعلم حال المكتب.. هتفت سميه اهو ماشي بس مش عال اوي..
هتفت ليان بسعاده..... وانا جبتلكو شغل..
لتهتف سميه ....يا بركه دخلتك يا قلبي.. ايه فرحيني.
قالت.. يوسف كان عاوز ياسس شركه جديده وقالي لو عايزه ولو مش عايزه بلاش.
صرخت سميه.. بلاش ايه يعمر بيت ابوه ناخدها والنبي.
هتفت ليان.... مانا قفشت فيه والله وخدتها وهتبقي شغلانه حلوه..
لتتنهد سميه.. اه ونطنطر.. عسليه الواد يوسف ده.
قطبت ليان.... ماتحترمي نفسك هو ايه اللي عسليه.
نظرت اليها سميه بخبث.. ايه هاكله ياختي.. ايه النحنحه دي يا بت اجمدي شكلك واقع.
قطبت ليان.. انا شكلي واقع دانا مورياه الويل.
ضحكت سميه اقعدي بعبطك ده دا يوسف يلفك كده علي صباعه يرشقك في الحيطه ويجبك تاني ولا تحسيش.
لتقف ليان.. ايه ايه مين اللي يرشقني دا بيقعد يتذلل وبَيتنحنح وانا مابعبروش.
لتغمز لها سميه.. احياه النبي مابتعبروهوش.. جامده يا بت.
تنهدت ليان.. لا مش جامده مش زفت علي دماغي ربنا خلقني هبله وحبيته واتنيلت مابستحملش بعده بس نفسي اهبده بحاجه اطلع روحه..
هتفت سميه ....ايوه كده اجمدي.. والله هيركبك ويدلدل انت حره وتفضلي طول عمرك مركوبه. الرجاله اللي يفوتلهم يركبو
لتفكر ليان.. لا انا مش عايزه كده انا عايزه يبقي ليا شخصيه معاه.. دا صعب اوي..
هتفت سميه.... يبقي خلاص اللي يقول عليه تقولي عكسه اقهريه وعصبيه. نشوف هيستحمل والا هيرقدك في المستشفي ساعتها هنشوف البيه بيحب والا ايه.
لتهتف ليان بهيام.. لا بيحب والله.
نظرت اليها سميه.. لا و الله.. طب ماتروحي ترشقي في حضنه ياختي. بت انت انا علي اخري اللي اقوله تسمعيه. لتهتف طيب تعالي معايا اوعي تسيبيني معاه لوحدي.
قاما وذهبا الي شركه يوسف واخبرا فريق العمل ان هناك شغل سيتم هناك ليتجمع الفريق وتدخل سميه وليان علي يوسف ويبدان يتكلما في العمل هتف يوسف ....طب تمام طالما اتفقنا نمضي العقد.. لتهتف ليان اوكي في اي وقت
لتزغدها سميه لتقطب وتقول. لا اه طبعا هنمضي العقد احنا ما بنشتغلش الا بعد العقد.. قطب يوسف جبينه ونظر اليها وجدها تفرك في يدها هز راسه وقام ويعطيهم العقد لتبتسم ليان وتهم ان تمضي لتهمس سميه.. بت زودي الفلوس مش هيقول لا..
نهرتها ليان... فلوس ايه يا زفته ماهو حلو اهه.
كشرت سميه..... مش قولنا هنقرفه يا هبابه..
هتفت.. اه اه نسيت.. لتقوم وتضع العقد امام يوسف وتذهب وتضع قدم علي قدم وتهتف.. بس اعتقد ان المبلغ قليل شويه يا مستر يوسف.. رفع جبينه لتكمل احنا شغلنا يستحق اكتر من كده.. عموما لو مش مناسب اللي طلبناه احنا عادي.. لتقوم يلا يا سميه وتهم ان تمشي.
سمعته يقول.. طب مش تديني فرصه والا بتقررو لوحدكو.. عموما مفيش مشكله دي حاجات تافهه المهم النهايه تفرحني.
لتبتسم ليان بطفوليه ابتسم لها .. لا هتفرحك اوي والله احنا شغلنا مفيش زيه.
هتف بحب.. عارف والله مفيش زيه..
لتقف مرتبكه.. هاه.. طب نستاذن بقه عشان نشوف شغلنا
هب مسرعا لا.. مانا عايزك نتناقش في كام حاجة..
بهتت وتلبكت لتشدها سميه من الخلف لتهب وتقول.. طب انا هسيبلك سميه تناقشك وهروح اجتمع مع المهندسين وتركته دون ان يجد وقتا للاعتراض وتقف سميه امامه تنظر بخبث وهو مشتعل لتقول.. طب يا بشمهندس ايه الحاجات االي هناقشها..
نظر اليها بغضب فنظراتها لا تريحه ويعلم ان لها تاثر علي ليان فكان يريد ان يخنقها ليقول بسماجه.. اه طبعا بس استاذنك اخر النهار عشان عندي عميل بره..
لتقوم سميه.. اوك انا موجوده مكان ليان في اي مناقشه تحت امرك يا يوسف بيه.وخرجت وتركته..
هتف.... بت تابوت عبوشكلك والتانيه مالها اتهبلت فلوس ايه وهبل ايه طب يا ليان اما نشوف .
ذهبت سميه لليان لتقطب ليان.... ايه انت ماقعدتيش ليه..
لتقول سميه.. لا اصل النحنوح خلاص المزه طارت فقاال اخر النهار بيفلسعني الواد..
ابتسمت ليان.. بس ايه رايك لهفنا مبلغ حلو.
لتبتسم سميه.. ايوه خليكي جامده كده هتنخي هيركبك ويدلدل وشعليله بقه.. ..
قطبت ليان.. اشعلله ازاي
لتهتف. يا بت خليه يغير عليكي ولعي فيه.. خليه يقلب جاز
خافت ليان. نهارك اسود لا دا يقتلني لا لا اخاف دا مابيتفاهمش في الحاجات دي..
لتقف سميه.. ايوه خليكي مرعوبه كده هيعمل ايه هيمد ايده عليكي عشان تبقي ايامه جاز وتطفشي عن حق.. اسمعي بس.
أنت تقرأ
وحش روضته انثي. ميفو السلطان
Romanceفتاه رقيقه تخاف من المواجهه تعيش في كنف عمها ليكتب لها عمها كل ما يملك ليوغر صدر ابنه الفاسد ليحضر لها شيطان اكبر ينهش قلبها ليعيد له حقه
