وحش روضته انثي. ميفو السلطان

الحكايه الثانيه عشر

#وحش_روضته_انثي
#حكايات_mevo
البارت الثاني عشر ..
كانت ليان تأن في حلمها وتصرخ لتستيقظ وتبحث عن الصوت كان يوسف قد سمعها تأن بوجع فذهب اليها مسرعا هزها بقوه وهتف ليان حبيبتي..
استيقظت علي صوت يوسف الذي يناديها بحبيبته نفس رنه الصوت الحالم ..فزعت وقامت لا اراديا اندفعت لتحتضنه ووضعت يدها حوله تلاصقه من رعبها كانت تحس ان الصوت يرن في اذنها وصوت يوسف نفس ذلك الصوت .التصقت به حتي تشعر بالامان .
شدها اليه مصعوقا لوجودها في احضانه برغبتها ولكنه لن يسال ولن يتواني الا ان يلبي نداء حبيبته ظلت تحتضنه وتنتفض وهو يشدد عليها ويمسد جسدها ويهمس بكلمات الحب لتجهش بالبكاء كان كل شئ فوق طاقتها فذلك الحلم يلازمها وتبحث فيه عن راحتها وحبها وعشقها ليوسف اوجعها لتتداعي حصونها الواهيه التي قد بدات تشكلهم .
ابتعدت عن حبيبها ولكنها لا تشعر بالامان الا بقربه.. كانت معضله فهيا تعشقه وتحس بامان الدنيا بين يديه وتكره ذلك العشق. وتمقته لما فعله بها لم تجروء ان تبتعد حينها حتي لا تري وجهه فتتعذب وتبعده كانت تريد ان تبقي هكذا تحس بالامان ولكن داخلها لا يصمت وعقلها ينهشها لتعود الي وعيها وتحاول ان تبتعد .
قمم يحملها وهمس في اذنها.. هشششش انت تعبانه ارتاحي دلوقتي بالله عليكي وبكره اعملي مابدالك. سيبي الدنيا اللي وجعتك دلوقتي وحسي بالامان شويه نامي وارتاحي يا قلبي وانا جنبك كانت كلماته كانها اخر دفاعاتها لتنهار و تنتحب وتمتثل له فهي انهكت ووجعها فاق ليقوم ويحضر احد الحبوب المهدئه يعطيها اياها ويتلقفها في احضانه رغم تمنعها وزاد في احتضانه واحضانه ليس لها مثيل لترضخ الي كلامه وتتنفس بهدوء وتبدا في السكون والارتخاء .
بدا الخدر يسير في اوصالها الصقها به وحاوطها اكتر لتشعر انها اصبحت جزءا من جسده لتنتقل حرارته اليها تحس ببعض الاريحيه وتسكت صوت عقلها ظل يتلمسها ويهتف بحبه لها ويشدد عليها همس ....قلبي والله انت والله بعشقك كان يحس بدموعها علي صدره ...ابعدها ....بطلي والنبي هموت بطلي دموعك دي عارف اني زباله بس بطلي كفايه قلبك هيقف كان يتلمسها بحنان..
لتذوب وتتوه رويدا رويدا وتحس انها دخلت دوامه غريبه كان مفعول الحبه قد نقلها الي شئ ما بين الواقع والخيال وهمساته جعلت جسدها ينساب لتهمس لا اراديا.... يوسف...
شدها اليه وهمس .....عيونه وقلبه من جوه..
صمتت قليلا تغمض عينها وتتوه لتهمس مره اخري.. يوسف..
همس ....نعم يا قلبي روح يوسف ودنيته.
همست بحنان.. موجوعه اوي.
شدها واغمض عينيه بوجع.. عارف يا عمري عارف انك موجوعه.
لتتوه وتهمس.... قلبي يا يوسف... قلبي بيوجعني عايزه اموت.
همس وشدد عليها.. اوعي تقولي كده دانا اموت وراكي قلبي والله اعمل ايه طيب اشيل وجعك ازاي.. مش عارف والله.. يا رب انت روحي حسي بيا عارف اني وجعتك بس غصب عني والله غصب عني والله يا قلبي دانت روحي قلبي مخلوع علي وجعك .
رفع وجهها ....والله بحبك بعشقك كانت دموعها تنساب وهيا تنظر اليه .شدها اليه.... بس بالله عليكي بس قلبي وربنا قلبي انت.. بس كفايه عياط يا عمري قلبك انهري بالله عليكي كان يمسح دموعها ويقبلها وظل يمسد عليها..
لتتنهد وتحتضنه وتندس في ثنايا جسده.. همست... قلبي بيوجعني انت ماحسيتش بحبي ليه انا حبيتك اوي.
لتسيل دموعه.. عشان انا زباله ماتربيتش يا قلبي بس والله بعشقك بعشقك يا قلب يوسف.. يا رب بقه.
لتتوه لبعض الوقت وتهمس مره اخري.. قلبي هيفضل موجوع..انا بموت يا قلب ليان هعيش من غيرك ازاي.. ليان هتسيب يوسف قلبي هيموت خلاص.
شدها اليه يعتصرها.. ليان عمرها ما هتسيب يوسف. يوسف حبيب ليان عمري ما هسيبك ولا هسمح بده. انت قلبي روحي وعارف انك موجوعه يا عمري..
همست..... انا بحبك اوي...
لتسيل دموعه ....عارف يا قلب يوسف عارف وماستحقش الحب ده.. قلبي والله يا رب ايه اللي عملته ده طب هيا ذنبها ايه تتوجع كده انا زباله هيا ذنبها ايه يا رب شيل وجعها وحطه عليا الوفات.
همست.. خايفه انام يا يوسف. هيجيلي الوحش يمزع قلبي انا خايفه.. انا سيبت الامان خلاص.
هتف ....انا جنبك يا عمري ولا يوم الا ما هشيلك بعيوني.
همست.... انا خايفه افضل صاحيه قلبي بيمزعني يايوسف انت نهشت قلبي انا بموت يا قلب ليان.
انهار وانشق قلبه فهتف.... كفايه ابوس ايدك نامي وارتاحي كفايه اسكتي ماعتش قادر..
همست بقهر.. بكره تحب يا يوسف وتفهم انا اتوجعت ازاي..
اعتصرها.. مانا بحب.. انا بعشقك.. والله بحبك وبعشقك والله بحبك اسكتي بقه قلبي هيقف ..
هتفت بحب.. يا ريتك حبيتني زي ماحبيتك.. هو ماكنش ينفع تحبني ليه.. انا والله طيبه يا يوسف والله غلبانه ومابعرفش اعمل حاجه..كنت حبني شويه افرح.. والله انا كويسه انت صدقته ليه انا بنت كويسه والله ماليش فديوهات والله انا كويسه وانفع انحب والله انا كويسه.. ينفع تحبني عشان انا موجوعه اوي.