3.18 Ang Prinsipe at Ang Paraiso : Gian Carlo & Shaira (Completed)

Kabanata 8 : Late

Kabanata 8 : Late

Hours later

"Aissst! Ala una na." sabi ni Shaira na hindi namalayan ang oras sa ginagawa.

"Tsss! Si Franco baka mawala na iyon. Haissst! Siguradong gutom na siya." nag-aalalang sabi ni Shaira sa sarili na nagmamadaling mag-ayos ng gamit sa pag-alis nito.

..................

"Sir, may isa pa po pahabol na meeting. Last na po ito." sabi ng secretary ni Gian ng makababa siya ng kotse na ikinahingang malalim ni Gian.

"Okay." sabi ni Gian at sa pagbaling nito ng tingin sa puwesto ng bata kanina napakunot ang noo nito ng makitang naroroon pa si Franco at ang aso. Natutulog na ang bata sa semento habang yakap nito ang aso.

Napatingin si Gian sa oras ala una y media na ng hapon at dapat alas dose lang ang mga empleyado kapag sabado.

"Sir." sabi ng secretary.

"Mauna ka na sa taas." sabi ni Gian na ikinatango ng secretary nito.

Nang makaalis ang secretary ni Gian agad itong lumapit sa guard na agad naman nabasa ang nasa mukha ni Gian.

"Good afternoon, sir." sabi ng guard na nakatoka sa area na iyon ng gusali.

Napatingin si Gian sa batang lalaki at sa aso.

"Sir, anak po iyan ni Maam Shaira." sabi ng guard.

Hindi umimik si Gian at nilapitan ang batang lalaki saka ito tinayuan. Pinagmasdan ni Gian ang bata, madungis na ito at ang damit ay madumi na rin. Wala itong pakialam kung matulog doon o siguro dala na rin ng pagod ng batang katawan nito, pati nga ang aso tila mahimbing ang tulog habang yakap ng batang lalaki.

"Franco."

Napatingin si Gian at ng makita si Shaira na nagmamadaling lumapit sa anak gumilid si Gian para tingnan ito. Napangisi si Gian, halatang hindi na nakapagsuklay ng buhok at nag-ayos ng sarili si Shaira, oily na rin ang mukha nito na halatang nagmamadali ito dahil namumuo ang pawis sa mukha noo nito.

"Naku! Bakit ka diyan natulog?" sabi ni Shaira na nakapokos sa anak kaya hindi napansin ang malaking bulto ng katawan ni Gian na nakatayo sa tabi niya.

Napangisi si Gian, malaking tao siya pero halatang hindi siya napansin ni Shaira dahil ang atensyon ng dalaga ay nasa anak nito na tila iyon lang ang tao sa lugar na iyon na danaanan ng mga tao at empleyado ng gusali.

"Anak, naku naman. Kakain na tayo. Sorry na late ako." sabi Shaira sabay luhod nito sa semento na hindi allintana kung nasisilipan ito sa suot nitong skirt.

"Anak, gising." sabi ni Shaira pero nagulat ito ng tumahol ang asong kasama ng anak na ikinatili ni Shaira sa gulat at ikinabuwal nito sa pagkakaluhod.

"Ayyyy! Asong may rabies." nagulat na sigaw ni Shaira na napaupo ng tuluyan sa lapag.

"Shit." usal ni Gian sabay takip kay Shaira nakasuot ng office skirt at nakikitaan ito.

"Shhh." sabi ni Franco sabay yakap sa aso ng tumahol ito.

"Anak, Dios ko Lord gumising ka hindi ako makalapit sayo dahil sa asong gala." sabi ni Shaira na ikinamulat ng mga mata ng batang lalaki habang nakahiga ito sa semento.

"Nanay." sabi ni Franco na halatang hindi pa ito nahihimasmasan sa pagkakatulog.

"Anak, kakain na tayo." sabi ni Shaira na ikinabalikwas ng bangon ni Franco ng makita ang ina, na ikinatahol muli ng aso sa gulat sa biglaang pagkakabangon ni Franco.