3.18 Ang Prinsipe at Ang Paraiso : Gian Carlo & Shaira (Completed)

Kabanata 50 : The Shadow

Kabanata 50 : The Shadow

Direk's House, Manila

"Tatay!" sigaw ni Franco.

"Huwag kang matakot, mabait ako." sabi ng lalaki.

Napatitig si Franco sa lalaki, namumukhaan niya ito. Ito ang lalaking kasama ng tatay niya sa Canmore Telecom ng araw na itinatwa siya ng ama.

"Huwag kang lalapit." sabi ni Franco.

"Ano ba? Hindi ako masamang tao." sabi ng lalaki.

"Basta huwag kang lalapit." sabi ni Franco na kahit bata pa siya aware naman siya sa salitang child molestation at nagaganap iyon kadalasan sa pagitan ng bakla at sa batang lalaki.

"Tsss. Okay sige. Dito lang at hindi ako lalapit. Magpapakilala muna ako sayo kasi mukhang natakot kita." sabi ng lalaki na huminto sa paglalakad.

"Tatay!" sigaw muli ni Franco

"Aiissst! Huwag kang sigaw ng sigaw na parang may ginagawa akong masama." sabi ng lalaki.

"Hindi ka kinuwento ni tatay sa akin." sabi ni Franco.

"Hahaha! Inaasahan ko iyon dahil alam niyang hindi ka sasama sa kanya." sabi ng lalaki.

Pinagmasdan ni Franco ang lalaking nasa harapan niya, hindi naman ito mukhang bakla kung hindi mo tititigan kasi sa ilang linggong kasama niya ang tatay niya nakuha niya ang mga lihim na galaw ng isang lalaki kung bakla ito at iyon ay kapareho ng nasa harapan niya.

Pero ang tatay niya, never itong nagpakita sa kanya sa ikalawang katauhan nito.

"Okay, ako si Mitsui. Isang modelo, at asawa ni Dylan. Kasal kami sa ibang bansa kung saan legal ang pagpapakasal ng parehong gender. Wala kaming anak kaya balak namin sana umampon kaso nagback out siya kasi naisip ka niya at pumayag ako na kunin ka.

Lumayo ako para makapag-isip siya kung paano ka niya kukunin. Ginawa niya iyong pelikula para ma-hook ang atensyon mo sa kanya. Na sa totoo lang.... huh! I hate that movie, nakakainis na sa lahat ng ginawa niyang pelikula iyon ang kinaiinisan ko kasi nandoon ang nanay mo na... tsss." hindi naituloy na sinasabi ni Mitsui na ikinatitig ni Franco sa mukha nito na bakas ang selos o insecurity na hindi nito naitago.

"Bakit ka galit sa nanay ko? Wala naman siyang ginagawa sayo." sabi ni Franco.

"Wala lang." napangising sabi ni Mitsui at naglakad muli ito para lapitan si Franco.

"Tatay!" muling sigaw ni Franco ng muling lumapit si Mitsui sa kanya.

"Franco, umalis ang tatay mo. Tulog ka pa kanina kaya hindi ka niya ginising." sabi ng katulong na ikinangisi ni Mitsui at ikinakaba ni Franco

"Aling Meding, kilala mo ako di ba?" sabi ni Mitsui na ikinatango ng katulong.

"Yes Sir." sabi ng katulong na halatang kilala nga nito ang lalaki.

"Saan ako nakatira?" sabi ni Mitsui

"Dito po Sir." sabi ng katulong na ikinangiti ni Mitsui.

"Kita mo, kilala niya ako kasi dito ako nakatira." sabi ni Mitsui saka nito senenyasan ang katulong na umalis.

Nakaramdam ng kaba si Franco. Ilang linggo mula ng umalis ang nanay niya nag-aadjust pa siya at ang totoo namimiss niya ito, nagtatawagan naman sila dalawang beses sa isang araw o kahit kailan niya gustuhin dahil libre naman ang tumawag sa nanay niya. May cellphone siya na bigay ng tatay niya at may internet naman iyon na sarili kaya wala siyang problema.