3.18 Ang Prinsipe at Ang Paraiso : Gian Carlo & Shaira (Completed)

Kabanata 5 : Paggising sa Reyalidad

Kabanata 5 : Paggising sa Reyalidad

Sabado

Canmore Telecom Tower

"Nanay, okay na po ako dito." mahinang sabi ni Franco kay Shaira ng isama niya ito sa opisina ng araw na iyon.

"Huwag kang maingay at magulo ha. Magtatrabaho lang si nanay." nakangiting sabi ni Shaira sa anak.

Araw ng Sabado ng panahon na iyon kung saan half day lang sila sa opisina at kapag ganoong araw isinasama niya ang anak niyang si Franco sa opisina dahil wala naman itong klase at wala rin itong kasama sa bahay nila.

"Opo nanay." sabi ni Franco.

Napangiti si Shaira, habang pinagmamasdan ang anak kamukha ito ng tatay nito kahit saan anggulo, pero kahit ganoon tinanggi pa rin ang anak niya ng ama nito.

"Kapag nagugutom ka sabihin mo sa akin." sabi pa ni Shaira habang nakatitig sa anak dahil walang araw na hindi nawawaglit sa isip niya ang ama ng anak niya siguro nga dahil kamukha ito ni Franco na araw-araw niyang nakikita.

"Opo nanay." sabi ni Franco habang nakaupo ito sa gilid niya na pinaglagyan niya ng upuan.

"Be a good boy." nakangiting sabi ni Shaira na nasa mesa nito at nagsimula ng magtrabaho.

...................

Canmore Telecom President's Office

"Pinaghintay mo ako tapos pinakansel mo. Nakipag date ka kapalit ng meeting natin?" seryosong sabi ni Autumn ng bumungad ito sa opisina ni Gian.

"Autumn, sabi ko cancel. Hindi ba puwede iyon?" sabi ni Gian sa lalaking simula pa lang naaangasan na siya iba kasi ang awra nito, na nakakainis pakiramdam kasi ng lalaki sa harap niya hari ito. Ang awra kasi ni Autumn ay tila nga isang hari kahit wala naman dugong bughaw o hindi ito totoong hari. Iba ito kumilos, na lahat ay tila kailangan yumukod dito bagay na para sa lehitimong Prinsipeng na tulad niya ay walang saysay at isang kalokohan.

"Never pinacancel ni Vladimir ang lahat ng meeting ko sa kanya." sabi ni Autumn na nagpipigil sa galit.

"Hahaha! So, natapakan ko ba ang ego mo? Ang pride mo?" sabi ni Gian na ikinangisi ni Autumn.

"Ang meeting natin ay tungkol sa mga tauhan mo. Wala ka pang isang buwan nakakaupo, hindi mo nga inaalam kung sino ang mga tauhan mo. Nakapagsimula ka ng hindi mo alam ang mga bala mo." sabi ni Autumn.

"Hahaha! Autumn. Lumaki ako sa totoong hari kaya huwag mo akong maliitin." sabi ni Gian.

"Okay, sabi mo eh. Puwes hindi kita pakikialamanan tutal naman wala si Vladimir na siyang kausap ko ng matino. Pagbibigyan kita pamahalaan ang kompanya niyong nilakad ng grupo ko." sabi ni Autumn

"Hahaha! Tama ka nilakad niyo lang pero ang pera sa amin galing, ang serbisyo sa amin." sabi ni Gian.

"Okay. Prince Gian Carlo, hahayaan kita dahil mukhang ang utak mo ay kaparehas sa katukayo mo. Sige, hindi ako makikialam." nakangising sabi ni Autumn saka ito tumalikod para umalis ng opisina ni Gian pero muling nagsalita si Gian.

"Kaya kong pamahalaan ito, dahil anak ako ng lehitimong hari. Hindi ako peke, hindi rin ako mangmang na dating hampas lupa tulad ng mga ninuno mong alipin lang ng mga banyaga." sabi ni Gian na ikinatingin ni Autumn dito.